သစ်စတို့၏ ၅ထပ်တိုက်အိမ်ကြီးသည် ခန်းနားထည်ဝါစွာနှင့် ခြံပေပတ်လည် တစ်ဧက နီးပါးခန့်ရှိသော ခြံကြီးထဲတွင် တည်ရှိနေသည်။ သစ်စမေမေနှင့် အဖွားတို့သည်သာလျှင်ဒီအိမ်ကြီးထဲထွင်နေထိုင်လေ့ရှိသည်။ သစ်စဖေဖေကတော့ အမြဲလိုပင် ခရီးထွက်နေရတာကြောင့် ပုံမှန်အိမ်မှာရှိသူမှာ မေမေနှင့်ဖွားဖွားနှစ်ယောက်ထဲပင်ဖြစ်သည်။
အိမ်အကူအတွက် လူများများစားစား ငှားထားခြင်းဖြစ်၍သာ လူများနေသယောင်ဖြစ်နေသည့်အိမ်ကြီးသည် အမြဲလိုပင် တိတ်ဆိတ်ခြောက်ကပ်နေလေသည်။ ခြံထဲတွင် Porsche/Range Rover/Lamborghini အမျိုးအစားအလိုက် မိသားစုပိုင်ကားများကို စီတန်းရပ်ထားလျက်ရှိသည်။ သစ်စကိုယ်တိုင်ကတော့ Lamborghini ကိုသာ စီးတတ်လေ့ရှိသည်။
"ဟိုကောင် သစ်စကိုအောက်ဆင်းလာဖို့ပြောလိုက်"
ဦးလူမော်နိုင် အိမ်အကူတစ်ယောက်ကိုခိုင်းလိုက်ခြင်းဖြစ်၏။ သစ်စ ဒီနေ့ဟိုလူနှစ်ယောက်လာမည်ဆိုတာသိ၍ နေဖင်ထိုးတဲ့ထိအိပ်နေခြင်းဖြစ်သည်။ အိမ်အကူလာနှိုးတော့လည်း အိပ်ချင်မူးတူး ပုံစံဖြင့်သာအောက်ထပ်သို့ဆင်းလာလိုက်သည်။ ဆင်းလာခြင်းတွေ့ရသည့်မြင်ကွင်းမှာတော့ အရပ်ရှည်ရှည် လူနှစ်ယောက် တစ်ယောက်တစ်လှည့်စီကြည့်၍ စကားပြောနေလေသည်။ သူ့ဖေဖေကတော့ မတ်တပ်ရပ်၍ဖုန်းပြောနေလေ၏။
"အဟမ်း အဟမ်း ကျွန်တော်ရောက်ပြီဖေဖေ"
သစ်စပြောလိုက်တော့ ဟိုလူနှစ်ယောက်စကားပြောရပ်သွားပြီး သူ့ထံသို့မျက်လုံးအကြည့်များရောက်လာသည်။ အမဲရောင်ဝတ်ထားတဲ့ တစ်ယောက်ကတော့ သာမန်ပုံစံကိုမှ ရုပ်ဖြောင့်ဖြောင့်နှင့်သဘောကောင်းမည့်ပုံစံပေါက်သည်။ Shirt အဖြူကိုဝတ်ဆင်ထားပြီး style pantဝတ်ဆင်ထားတဲ့ကျန်တစ်ယောက်မှာတော့ အသားညိုညို အရပ်ကတော့အတော်လေးရှည်၏။ မျက်လုံးအကြည့်များကပင် လူတစ်ယောက်ကိုသေစေနိုင်၏။ နှုတ်ခမ်းခတ်တင်းတင်းစေ့ထားသောကြောင့် Jawlineကိုထင်းနေအောင်မြင်နေရသည်။ သစ်စထိုသူကိုအနည်းငယ်ပင်ရှိန်သွားရ၏။ အရှိန်အဝါကြီးသည့်ပုံရကာ စားမတတ်ဝါးမတတ်အကြည့်ခံလိုက်ရ၍ ဖြစ်၏။ သစ်စထိုသူ့ထံမှမျက်နှာလွှဲ၍ ဖေဖေ့ထံတစ်ချက်ကြည့်လိုက်သည်။
YOU ARE READING
မင်းအလိုကိုလိုက်ပါ့မယ်
Non-Fictionစိတ်ကူးယဉ်ပုံဖော်ထားသော BL ဇာတ်လမ်းတစ်ပုဒ်သာဖြစ်ပါသည်။ Main Character ကမ္ဘာသစ်မြုံ x ထင်သစ်စရောင်ခြည်
