المنطق والقدر

الحلقة 2

# رواية المنطق والقدر

ي مستشفي الطبي 🏥
جت الإسعاف وكان صوتها عالي جت رنا تجري خذت البريلة من المسعف وتجري في الممر هي وياه
المسعف : مرآة في الشهر التاسع ضربتها سيارة وهي قاصة الطريق  المريضة ماعندهاش اي أمراض مزمنة
رنا : تمام اتصل بأهلها  وخشت لغرفة العمليات وتلفتت لي الممرضة نادي الدكتورة بلقيس توة قولها ولادة قيصرية
الممرضة: حاضر ومشت تجري وتلود مابين الممرات لين فتحت غرفة الدكتورة بلقيس
الممرضة : دكتورة في حالة مستعجلة
حطت بلقيس البيرو وقفت وينها
الممرضة : في غرفة العمليات مع دكتورة رنا وطلبت مساعدتك فيها
طلعت بلقيس والممرضة يجروا
لبسوا لبس العمليات وخشو
بلقيس : تعريف الحالة
رنا : من تحت الكمامة وهي شادة راس المريضة
حامل كيف خشت شهرها دارت حادث والضربة جت في راسها وفصع في الرقبة
بلقيس : دكتورة رنا ممكن تفتحي انتي
بدلت المكانات هي وبلقيس بلقيس شدت رقبة المريضة بطريقة محكمة ورنا شدت مشرط جراحي وبدت في عملية فتح
الممرضة شدت راس المريضة وبلقيس جت مع رنا
....................................................................................
فتح الحارس باب الفيلا وخشت سيارة لامبورجيني درست في القراج
فتح باب السيارة وانزل نحا نظاراته طق علي الباب مرتين وفتح بمفتاحه خش للفيلا الواسعة الي كانت كلها رخام واثاث راقي
ركب للدروج للدور الثالث وين ماكان جناحه فتح باب الجناح بالقوة لين خبط في الباب واتسكر بروحه نحا فالينت الصوف الي لابسها واتلوح عالسرير بتعب وإرهاق
دقايق وفتحت الباب والضيء
شمس : زعيم روحت يا أمي وجت قعمزت بحداه عالسرير هكي ليك شهر مهناش ولما تروح متسلمش علي امك
ليه عليك شهر شهر يازعيم واني النوم مايجيني وانت بعيد ماتقيمش التلفون وتسأل علي حالي اني وخواتك امتي بتريح روحك وتتزوج وتجيبلي كنة ونفرح بيك وبي صغارك
الزعيم : تنهد وهو عارف نهاية هالكلام
مزال بكري يام بعدين بوي معاكم وبصحته وعندكم نضال يعول عليكم
شمس : نضال عابي علي نضال هباا به خواتك وعندهم بوهم انت متسألش خواتك المتزوجات منو بيهم مش كان تزوجو انت معش تسأل عليهم
الزعيم : يااام تاعب وناقص نوم
شمس : فهمت قصده وعرفاته يوزع فيها ربي يهديك ويشرح صدرك
طلعت وسكرت الدار والضيء
شمس : هه يتزوج مسكينة الي بتجي مرته هو الكلام ميحباش ولا يعرف حاجة اسمها تفاهم وخشت قعدت تكرض في خضرة الغذي
ياقوت : ماما مااااما
شمس : اني في المطبخ تعالي
ياقوت : كلمتي جواهر سألتيها جاية هي وسندس ولالا
شمس : لالا صقع مظنش يجو وحتي كان بيجو اكيد غدوة بعد الجمعة
وشوية شرينت شريانت الحوش
ياقوت : هههه ماظانش يجو صقع كان مطلعتش جواهر اني عليا
ومشت فتحت الباب
جواهر : خشوا ماما خشوا شدي ياقوت شدي الساكو هذا خلي نمشي نجيب باقي الحاجات
ياقوت : قعدت واقفة مصدومة حووشهم كان هادي في دقايق نقلب وحاس وصوت عياط
ياقوت : زكريااااااء يعقووووب لقمااان  قعمزوا بلا حواسة خيرلكم وبدت تجري وراهم وتشد فيهم وهما يضحكوا ويشحوا فيها
جواهر : خشت وشادة كيسة فيها فواكه وعصير
ياقوت مصرع من اولها طريحة خلي يوصلو وخشت للكوجينا
ماما كيف الحال
شمس : اهلا ماما شكلك روحتي من المدرسة جيتي طول
جواهر : حطت الشكاير علي الطاولة ايه وقلت لي محمد يروح من المدرسة يجي اهني
شمس : كلمي بلقيس وهي مروحة تخطم عليه
جواهر : عادي المدرسة قريبة من اهني
وفتحت مغطة الطنجرة ااااه ياسلام علي الريحة براك درتي بصل ماما
شمس : نحي عبايتك وتعالي معاي
جواهر : وين بناتك البايرات
شمس : استبرق وماسة امتحانات وزمرد في العيادة وبلقيس اليوم عندها في الطبي
ياقوت : مايمشيش معاي الجو هذا وتلفتتلهم واللله تتحركوا لما نشنقكم الله
ياقوووت : الماسة استبرررق
الماااااااسة استببرررق تعااااالو
جت الماسة راهو الزعيم روح يسمعك تعيطي يسود النهار
الماسة: حبايب خالتو امتي جيتو قلبي
ياقوت : شاحتها زودي زودي قيمي التحف الحيوانات خواتك متفاهمين يجو ويباتو وماقالوش اجري لمي التحف الي في الصالة خلي نركب للدروج استاااابرق  استبرررق
استبرق : حسكة حسكة اني جيت
ياقوت : نحي نضارات انشتاين وزودي حولي الشنتروات والشمعات
استبرق : إن شاء الله تهبلي غدوة جمعة خليهم مرات عماتك يجو
ياقوت : لا ياماما وياجوج ومأجوج ان شاء الله كل تحفة اغلي من راس واحد منهم
استبرق: قامت شجرة الزينة في خالة معذبة صغار اختها مقاعمزتهم هكي وتفنص فيهم وتقول عليهم ياجوج ومأجوج قاسية 😑
ياقوت : شبحت للصغار الساحرة الشريرة 👹 غوللللاااا 👹
ناضو الصغار يجروا ماااااما ميييمة
استبرق: بطلي يا مهبولة تعالو حبايبي مافي شيء راه
الماسة : متوحشة
ياقوت :  قيمي قيمي وسكري فمك
جواهر : تزوجيييه
شمس : وخيره شن ناقصه طول وجمال وين مايمشي فارض شخصيته
جواهر : حطت الموس وبنت الناس ياام انتي عارفة طبعه هو احني خواته وغالب مانهدرزوا معاه
شمس : تو يتزوج وهي طيب طبعه
جواهر : هههه طيب طبعه كيف بالله باهي يعطيها طريحة يقتلها بيها بعدين قولي نحساب بالطيب خاطره تي هو اسمه اسمه نسيناه وهو من صغره ضبحتو عليه زعيم مشت في لين نسينا فارس بالله شن تقولي يام بتجي هي تغير طبعه
شمس : انتي خيرك متشائمه ابدي معاي ونحطوه في الأمر الواقع
جواهر : شن امالا بعد تقري فاتحتها بتقوليله خطبتلك موضوع زي هو يام ماهواش ساهل ومش بالغصب خليه هو راجل ثلاثين سنة ويعرف روحه امتي يزبط روحه قد المسؤلية وبيتحمل بنت الناس تو يجي يقولك
شمس : شبحتلها ومعجبهاش الكلام يصير خير
جواهر : هزت راسها وفي خاطرها  مافيش حل مع تفكير الأمهات المهم اديروا عرس
شمس: امتي جاية سندس
جواهر : يروحوا صغارها بعد العصر من المدرسة وتجي
حق فكرتيني يام بنكلم زمرد بنقولها تاخذلي موعد تلبيسة متع سني طاحت
وخذت تلفونها
ترن ترن ترن 📱
المتدربة : دكتورة زمرد تلفونك
زمرد نحت الكمامة والقوانطيات وشبحت للمريضة الف لاباس
المريضة : نحس في التقويم المرة هذي مقنوط دكتورة مش قادرة نفتح فمي 
زمرد : شيء طبيعي في كل مرة نقنطو شهر بالكثير وتعالي نرخيهولك
المريضة : باهي توة بيه سنة واني عييت وعرسي قرب
زمرد : لو حافظتي ومشربتيش المشروب زي المرة اللي فاتت حانشوف ممكن الشهر الجاي نحيهولك
المريضة : شكرا دكتورة
ترن ترن ترن 📱📱
زمرد : عفوا وفتحت تلفونها كم مرة انقولكم الساعة 12 ديما في عز الخدمة اني خيركم
جواهر : والله نسيت حبيبتي قلت اكيد في بريك
زمرد : كيف الحال تفضلي اختي الكبيرة
جواهر : خوذيلي موعد معاك التلبيسة طاحت
زمرد : السبت تعالي ومن اليوم لا السبت ماتاكليش عليها
جواهر : تمام مزال انتي اني جيت
زمرد : الساعة 2 مروحة
جواهر : تمام ربي يعاونك حبيبتي وزي العادة سجلي في الدفتر
زمرد : حافظتها غر انتي ماتنصدميش بالمبلغ في الاخير بس
جواهر : وانتي نقصي عاد أختك اني
زمرد : قبضة
وسكرت الخط
....................................................................................
طلعت بلقيس من غرفة العمليات ومسحت بكم ايدها علي جبهتها
اففف 😮‍💨 تعبت
وجي راجل شن حالها قوليلي هي بخير وشاد في ايدين بلقيس ويهز فيها ويبكي
بلقيس : رخت يديه الحمد لله على سلامتها ومبروك عليك المزيود يتربي في عزك خليت الدكتورة تخيط في العملية بعدها بيرفعوها تحت الملاحظة بيطمنو عل راسها
الراجل : نزل سجد الحمد لله الحمد لله
بلقيس : نادت علي الممرضة خلوه يشوف ولده
الممرضة : تمام لو سمحت تفضل معاي
طلعت رنا من الغرفة ابتسمت لي بلقيس وطقو يدين بعض وحضنوا بعض وهذا نجاح حاينضاف لي تاريخنا اني وانتي
بلقيس : اكيد من الابتدائي لا اليوم هي عازماتك علي قهوة
رنا : امر من
بلقيس : فراق الحبيب
وضحكوا مع بعض
رنا وبلقيس كانو اكثر من صحبات من الابتدائي وهما مع بعض لين تخرجوا طب نساء ولادة مع بعض
[ ربي يحفظ كل صحبة وصاحب مستمر معاك في مسيرت حياتك]
....................................................................................
ضرب جرس المرواح 🔔
وطلعو البنات من المدرسة
ملك : ماما عند ميمة وخالتي اكيد بتلحقها معناها انديروا دورة علي الحوش وانكلمو رنا تجيب بلقيس وخواتها
روان : يس
رنيم: تمام من توة اني المطبخ
ملك : واني زي العادة الكيكة والديار
روان : هههه شن خليتولي امالا اني ههههه تو نغسل الماعين وخلاص
ملك : هي خفوا رجليكم امالا
رنيم: حي ليث وغيث
روان : حطت صبعها الكبير والوسطى في فمها وبدت اتصفر اااوي   شباااب
ملك ورنا : شدوها نقزوا سكرولها فمها ياعار فضحتينا
ليث : حي علي امها خل نوصلو لما انشلبخها
غيث : اسكت بلا عار نقص صوتك
روان : جت تجري ونقزت علي ظهر ليث شباب انضبح خيرك
ليث : يااكلبة
غيث : ضربها علي راسها نهارك اسود
روان :  اااي راسي اليوم خميس ومتحمسه
ملك : درويشة وين شباب شن جوكم
ليث : الدوة في الشارع لااا
وقدموا وصلو لحوشهم وخشو
رنا : حست بسيارة اتبع فيهم معدلش خشت اخر وحدة بعدين طلعت مرة تانية شافت الشارع ملقتش حد
رنيم : شكلي نتخايل
ليث : ضرب روان علي راسها من أمتي الجو هذا اديري فيه
غيث : شد وذنها وتصفري فوقها
روان : آآآآآآه ياجدي ووووه به به تمام خلاص اسفة توبة وقعدت تبوس في صبعها
ليث : محلاك وتعيطي في الشارع محلاك
مهند : جاهم وقايم حاجبه شن في انت وياها شد ليث من إيده من أمتي تمد في إيدك علي أختك انت ويااه
جت روان لبدت وراه وبدت تبكي اااااه من الشارع وهو يضرب فيا تخيل قدام الناس شوف وجهي
رنيم : الكذابة خليه يعطيها علي راسها هالكذبة المخفوقة تصفر وتضبح في الشارع
مهند : تلفت لي روان حق
روان : مرة وحدة بس
ليث : خليها تبي تهبيك
غيث : انتي ولد باش تعلي صوتك ولد
ملك فاتتهم وامشت لي خالتها
خالتو الحمد لله على السلامة حبيبتي شن قالولك
فدوى: الحمد لله بخير بس عارفة عمك يكبر في المواضيع ويدقق
خيرهم هاذم
ملك : ولا شيء متعدليش زي العادة غيرة زايدة
خالتي مشية لي ميمة
فدوى  : ايه حبيبتي الغذي واتي اتغذوا وديروا دورة علي حوش جدك حبيبتي واني كلمت رنا ووصيتها
طلع احمد من الحوش
احمد : ملوكة روحتو بنتي
اني عندي مؤتمر أطباء في مصراتة يعني بايت ثلاث ايام ديروا بالكم
ملك : تمشي وتجي بالسلامة
جو رنيم وروان : طالعين بابا 
احمد : ايه امك وخالتك مؤيد مروح بيهم
واني بايت ثلاث ايام عندنا مؤتمر هانوني
ملك رنيم روان : تمام
فدوى : مع السلامة
وطلعو
مهند : اني ماشي للمعسكر ليث غيث عاون جدك انت وياه في الحوازة يضم فيها وطلعو فوكس عطوه لحم
ليث : خلي نتسمسموا به
....................................................................................
نضال : وقت غروب الشمس وقف عالبحر بعيد
عاصم : عمل احكيلو وشكيلو واشرح واعيد
مؤيد : درس السيارة هي نضال انزل تغذي معانا رشدة امبكبكة علي كيف كيوفك
نضال : خلي انروح وراس أمك خواتي المتزوجات عندنا وانفخين امها
مؤيد : تغذي وروح
عاصم : تي هي ياراجل عازمك اني هي
نضال : والله علي خاطرك عصوم
مؤيد : يااام هي وين السفرة
جت مرت خاله إسماعيل مدتهاله
سمية : تفضل هي سقدوا انتم واحني نستنوا في فدوي وفادية
مؤيد : منورة
...................................................................................
أنور : تمت المحاضرة تفضلوا
ولم ادواته واللابتوب وطلع
أنور : دكتور محمد دكتور محمد
محمد : اها شن صار حق في اجتماع اليوم
أنور : زي العادة رتبوا الجداول من جديد خيرك ماجيتش
محمد : فكني ياراجل وهما ديما في نفس السيناريو مليت ياراجل التعليم الخاص خير
أنور : اذا قدم استقالتك وبرا قري في الخاص
محمد : معاش من الحكومة فيه بنة
أنور : هز راسه ربي يهدي وخلاص
وركب سيارته وطلع من الجامعة اتصل بأحمد
أحمد : ايوة
أنور: توكلت لي مصراتة
احمد : كيف طلعت من غريان
أنور : به به توصل بالسلامة دير بالك وخلي تلفونك مفتوح انكلموك مرة مرة
احمد : تم سلام
أنور: في حفظ الله
....................................................................................
نور الدين: حط العشب في البرويطة وخذاها غيث رفعها للسعي
ليث : جي لي جده ولابس لبس نادي والشنطة علي كتفه هي جدي معش وقت عليا قدم موعد التمرين علي خاطر مبارات الشهر الجاي
نور الدين: لالا روح بكري
ليث : تم جدي وركب موطوه وطلع
نور الدين: تو بالله مش كان تعلم الفروسية وركوب الخيل زيك ياغيث مش خير من هذي البوكسنج
غيث: انت عرفاه روحه ومزاجه البوكس اصلا كان مش من شغفه ورغبته راهو موصلش الأول علي الوطن العربي والشهر الجاي دوليا
نور الدين :  قال رسول الله صلى الله عليه وآله وسلم: «عَلِّمُوا أَبْنَاءَكُمْ السِّبَاحَةَ والرِّمَايَةَ، وَنِعْمَ لَهْوُ المُؤْمِنَةِ فِي بَيْتِهَا الْمِغْزَلُ».
غيث : عليه الصلاة والسلام
نور الدين: هي تعالي خلي نطلعوا السعي قبل العصر العشية معش فيها
غيث : اهو بنخلي الكلب يرعاهم
نور الدين: به هي
....................................................................................
العيلة كلها ملتمة علي طاولة الاكل وصوت الضحك والكواشيك يتغذوا
الطاهر كان مقعمز بداية الطاولة ويشبح لبناته السبعة الملتمين وفرحانين عنده ضحكتهم تسوى الدنيا وما فيها
شمس : طاهر طاهر
طاهر : نعم
شمس : وين سرحت خيرك ماتتغذاش ولا ماعجبكش
طاهر : لا ابدا يسلم ايديك يعطيك الصحة
ياقوت : صحة ليكم متفاهمين تجو تتغذوا وتتعشوا وتباتو وتبو تمشو للاستراحة
سندس : وانتي شن مضايقك
ياقوت : شيء أبدا فرحانة اني فرحانة بنطير اما انتي ياسوسة صحة ليك لحقتي تجي
زمرد : وهي تاكل في الخيارة هههه اي وحدة تتجوز من الي تسمع بخواتها ملتمات اتجي تجري
استبرق : والله احلي حاجة هي خصوصا انه خاشين امتحانات وبتغطسوا
الطاهر : ماكلمتوش بلقيس
شمس : قالت صلاة المغرب مروحة
الطاهر : به به علي خير
الماسة : اتصلي بيها اتجيب معاها رنا وبالمرة ملك ورنيم وروان
هما كلموني امبكري قالولي تعالو قلتلهم تعالو انتم اخف
ياقوت : اهو تو انكلمها
....................................................................................
ليث : كان عارق ويصب اميا
الزعيم : اضغط قوي قوي
مهند :  ليث ركز على وين بتضرب ماتضربش هكي وخلاص غير اسلوبك
الزعيم : هيا واحد اثنين ثلاثه
ليث : قعد يضرب في الكيسة الي في إيد فارس
مهند : ضروري ماتربح ضروري طلع قوتك اتفكر انت بتقيم علم بلادنا علم ليبيا لما تحصل الأول
ليث : قعد يضرب لين طاح دهش
مهند.                                                        ....يتبع