المنطق والقدر

الجزء الثاني من(الحلقة الاولي )

ضرب الجرس وبدي الطابور الصباحي 🏫🔔
ابلة الرياضة: استعد..... استاريح
رنيم : حي علي أمي حي حي علي بوي حي
تو قداش ليهم مافتشوش جو فتشوا لما اني خلفت الزي
ملك : كانت واقفة استعدادوراها في الطابور  وتحرك في فمها ياماتك سود شن مخالفة
روان : كانت وراهم وشاتدتها ضحك ههههه تستاهلي ههههه
حي شوفي من شاد الإشراف اليوم
رنيم : قامت راسها هييييي ابلة عواصف
ملك : اس خير مانطلعو كلنا
ابلة عواطف: كانت تلود مابين الطوابير وقفت علي بنت ابلة عواطف: مشاء الله مانحسبش المحضر اليوم كانهاذة بدلت وضربتها علي رجلها باللوحة الطويلة العريضة وفوقها واقفة في الطابور بكل ثقة
وقدمت وقفت علي روان
روان : صباح الخير يابلة وطبست راسها وقعدت تضحك ههههه
مش مخالفة الزي اني اليوم كله تمام التمام ههه ونزلت راسها تضحك
ابلة عواطف:افتحي الكابوط خلي انشوف لابسة ادجيلي
روان :هههاهاهاهههه والله مامخالفة يابلة وفتحت الكبوط هاه
وتشبح لي رنيم
رنيم : اول ماقالت الابلة افتحي الكابوط نخصت ملك وأشرتلها حي عليا
آبلة عواطف: تلفت لي روان به اسكتي وانتي سنونك ديما بينات مرض
روان : هههه اااااه الحياة حلوة ابلة حلوة
ابلة عواطف: اسكتي خير ماتطلعي
روان : دست ضحكتها حاضر
ابلة عواطف: قدمت وقفت قدام رنيم
انو يا انو
روان : هههه رنو عفوا يا ابلة رنو مش انو
ابلة عواطف: كله زي بعضه
ترا يا انو افتحي كابوطك انشوفو مخالفة ولالا
رنيم : مش مخالفة  عفوا يابلة بعدين هاه اسألي ملك
ابلة عواطف: حق يا ملك رنيم مش مخالفة
تلفتت ملك وزمطت ريقها علي الموقف اللي فيه وخافت
ملك : ياربي شن هالموقف كان قولت ايه تعنكش وتفتح الكبوط وتلقاها مش لابسة ادجيلي ونطلع كذابة ومانقدرش انقول لا ياربي سامحيني على الكذبة الي بنكذبها
ملك : ايه مش مخالفة ريتها الصبح لما بدلت وبعدين رنيم مريضة ولابسة فالينيا صوف فوق ادجيلي ماتقدرش تفتح الكبوط
طبست ابلة عواطف: علي رنيم ديما الحظ معاك مناي يوم انشدك بالثابت
رنيم : تنهد براحة في خاطرها شكرا يااحلي اخت واحلي صديقة
ابلة عواطف: قدمت وقفت علي ملك
اكيد الطالبة الاولي علي المدرسة مش مخالفة الزي
ملك : فتحت الكابوط وراتلها اللبسة أكيد عفوا يا ابلة
ابلة عواطف: قدمت وقفت قدام الطوابير خلاص عفوا يابلة ابدي النشيد
ابلة الرياضة: يلا ياطالبااات واحد اثنين ثلاثه استاعد
الطالبات : يابلادي يابلادي.... بجهادي وجلادي
....................................................................................
حكم علي المتهم بالحبس خمس سنوات وطق بالمطرقة طق طق رفعت الجلسة وناض ولم دفاتر وحطهم تحت ايده وطلع من باب القضاة والمحاميين
نور الدين: وهو طالع شاف المتهم الي رافعينه الشرطة شافله بحسرة صغير المسكين ضيع عمره بإيده واتنهد امتي الشباب بيصحوا وبيعرفوا قيمة الوقت امتي وطلع برة المحكمة
موسي : فتح الباب السيارة اتفضل يا بيّ
الحاج نور الدين: ركب السيارة
موسي : تلفت لي الحاج نور الدين
خيرك ياحاج مش علي بعضك في كل حكم تروح مريض
الحاج نور الدين: وهو يمسح في وجهه بالمرحمة شباب صغار بسبب عركة ولا تجارة المخدرات حرام يضيع عمره توة المتهم عمره 18
بنكلم الزعيم عليه يحطه عنده في المعسكر خير من يزيد صياعة
موسي : سيدي ربي يفرج ويهدي الجميع يارب
وين ياحاج توة
نور الدين: للحوش خلي اندب في هالحوازة والسعي
موسي : تمام
....................................................................................
نجوي : وووه عليا ووووه ياربي  لا اله إلا الله اشهد ان لا اله الا الله وأشهد أن محمد رسول الله
مؤيد : يضحك علي امه
والله الا باهية السرعة خلي انتي خوافة
نجوي : الطانطة هاه هاه دير بالك
اني شن ركبني معاك شن ركبني
اعطيه الطريق بلا مشاكل
مؤيد : هبلتيني في جرتك يام نعرف نعرف
نجوي : بالشوية بالشوية هاه هاه مطب
معش تجيبني انت معش تجيبني اني شن رفعني معاك
مؤيد : درس السيارة هاه اهو وصلنا لقصر أرثر تفضلي حضرة الملكة
وجت نجوي بتفتح الباب
مؤيد : لااااا لاء والله ماصارت اني نفتحلك
ونزل ولف وفتح لأمه وطبس راسه ومد إيده يدك جلالة الملكة
نجوي : خذت الشنطة وضرباته علي راسه حول ونزل السبيسة فيسع
مؤيد : اااخ اااي وقعد يحك في مكان الضربة هذا الي يبي يدلعك يام منورة حويجة
نجوي : فتفت وقعدت الطق علي الباب
فتحت الباب عزوز كبيرة في السن مطبسة قصيرة ملامحها هادية وطيبة كانت الي يشوفها يقول هذا في كبرها هكي امالا فس شبابها كيف
لابسة حولي عنابي وضافرة شعرها الطويل الأحمر وعيونها الخضر الي ورثوهم منها بناتها واحفادها وخطين الوشم وثلاث نقطات في جبهتها وخط في دقنها وبيوضيتها لين بودرية
نجوي بنتي مرحبا اهلا اهلا انستوني نورت غريان شن الصقع الي جابكم
جي مؤيد : وهو شاد شكاير في ايده والصناديق علي كتفه
مؤيد : حناي تعويضة ليك وحشه شن حالك
تعويضة : بشوفتكم الحمد لله كيف حالكم انتم وعربكم وأهل طرابلس
نجوي : كلهم بخير ويسلموا عليك والله سيدي عيي وهو يقولي سلمي علي امك وشوفيها شن مستحقة وبعتلك هالسبيسة
تعويضة : سلمك والله ملازم لاش هذا كله
مؤيد : شن هالحلاوة هذي خيرك ياحناي كل مرة تزيدي حلاوة وشد ايدها وقعد يلف فيها شوفو شوفو الجمال ايه ده ده حتة كرزة خلي نخطبوك لي جدي وتولي مرت البيك
تعويضة : تضحك ضرباته علي صدره قاعد صايع وتفكيرك امسخ زيك
مؤيد : هاه امسخ مقدم امها الكلمة
تعويضة : خشوا خشوا قاعمزوا اهني في المربوعة
مؤيد : او عالة وسفنز وحركات وجو
نجوي : وين عاصم امالا
تعويضة : رفعه خوك إسماعيل عنده مراجعة
مؤيد : بايتة يام
نجوي : لا وخليك باش انروحوا المغرب
مؤيد : اففف باهي
ترن ترن ترن ترن 📱
مؤيد : حبيبتي غاليتي الو يا حبي
نضال : كيفك بيبي شلونك
مؤيد : وحشاك
تعويضة : من هي المهبولة الي رضت بيك
مؤيد : نحا التلفون عيب يا  حناي خيرك المرا هذي
نجوي : شبحت لأمها ماتعدليش عليه يكلم في الزامل صحابه
نضال : شكرا خالتي نجوي مدح رائع
مؤيد : ناض لبس سبيدروه وطلع للجنان ايوة نصي
نضال : خيرك ماقلتش ماشي لغريان
مؤيد : والله امي هكي عالسريع قالتلي الصبح واني جايك للجامعة
نضال : خسارة الدفعة الجديدة كلها مزز
مؤيد : ماتقلهاش وتحطم قلبي زايدة
نضال : اهو جايك خلي ندهوروا متع غريان اقوي ياراجل
مؤيد : هي زود لابين مافطرت ودرت دورة
نضال : تم برادر تشاو
مؤيد : سكر التلفون وحطه في جيبه
طلع الدخان ولعه وبدي يدخن
اسمع صوت باب الجنان انفتح لوح الدخان وعفس عليه برجله وقعد ينفخ ويزند ينحي في ريحة الدخان
إسماعيل : اوووو مؤيد مرحبا مرحبا امتي جيتو
مؤيد : وهو يكح خنقه الدخان مية مية منور خال
إسماعيل : ههه من يومك مطرشق امك وين
مؤيد : الداخل الداخل.
إسماعيل: جي بيمشي بعدين ولا
سيبت الدخان ولاااه
مؤيد : ايه ايه من زمان اصلا مرة وحدة دخنت في حياتي
إسماعيل : فتح الله عليك  الله يزيدك من هدايته
مؤيد : امين امين
وخش إسماعيل ومؤيد طلع الكحة الي كان داسها ينعن شكله خانقني وهو يقلد في صوته فتح الله عليك
مؤيد : عاصم  تي وين ياخال
خش عاصم : معش تكلمني فوتني اني مانكلمش في العواويل ياعيل
مؤيد.: يعجب فيه ياعيل
تي من معلمك الكلام هذا
عاصم : بروحي
وخش للحوش ولحقه مؤيد
نجوي : عاصم حبيبي لاباس عليك قاتلي امي مرضت
عاصم : خش وقعد يدور ويفتح بالباب
بعدين ولاا وين ملوكة
نجوي : حبيبي عصومي ملوكة في المدرسة
عاصم : نوضي روحي ومعش تجيني لا انتي لا خواتك فدوي وفادية
تعويضة : عيب هكي تقول لي أختك
نجوي : شبحت لأمها متع خليه
نجوي : علاش معش تبينا
عاصم : قعمز في التركينة ويبكي نبي ملك
نجوي : قدمت حبيبي البطل تبكي
عاصم : حولي معش تكلميني
مؤيد : جي وشوشله في وذنه شن رايك نطلعو ندهوروا ونقلبوها تسطريب واهو نضال بيجي
عاصم : انلا وهز كتافه حول مانبيس
مؤيد : ماتبيس تي غر نوض
عاصم : انت تكذب عليا
مؤيد : والله ماصارت الا بجديات
ناض عاصم وتلفت لي مؤيد تشريلي حوايج وتعبيلي نت
مؤيد : تي شن قالولك المارد السحري اي اني نبيهم يصرفو عليا
بعدين شبحله شافه مداير نظرة تسخيف 🥺
مؤيد : اااه به منغير ماتشبح هكي
عاصم : قعد يصفق ويضحك ايييه ايييه
وين يام الطرحة الجديدة الي جاابهالي مهند
تعويضة : في الدولاب
امشي عاصم يجري زي الصغار فرحان
مؤيد : حناي قداش عمره توة عاصم
تعويضة : وهي تكشكش في الشاهي شبحت لي إسماعيل
توة 32 سنة ولا
إسماعيل ايه اكبر من مهند بسنتين
نجوي : والله يام كان سمعتي كلامنا وحطيتيه في المدرسة متع متلازمة داون راهو توة حتي بخدمته هو المرض مش من الدرجة الاولي حرام عليك يام هو حتي تعلم
تعويضة : مدت لي إسماعيل الطاسة بالله اسمع أختك شن تخترف
إسماعيل : كلامها صح يام ضيع السنين وهو محبوس في هالحوش
تعويضة : توة لاني خايفة عليه ومانبيش حد يسخف عليه طلعة حبساته وقاسية عليه
إسماعيل : انتي درتي كبرتي الشورخ وكان متلازمة داون
شن بإيدك وله هو الوحيد في عالبلاد ماهو هذا حكم ربي
مؤيد : قصدكم كان تعلم كان احسن من هكي وتصرفه طبيعي
تعويضة : كلام فاضي مافيش منه
جي عاصم هي ميدو
مؤيد : شبح لأمه وتبي اتقريه تي اهو عارف مصلحته صار ميدو مش كنت عيل
عاصم : انبصر معاك
تعويضة : ماترخيش ايده ودير بالك عليه ماتطلقاش ماتمشوش بعيد
مؤيد : به حافظتها المحاضرة
نجوي قعدت تتفرج على خوها بحسرة اتشوف لي لبسه النظيف والمرتب والي كان موسوس ومنظم درجة اولي شعراته الصفر لانهاية رقبته المسبسبات شافت لأمها حرام عليك يام لأمتي بتقعدي هكي ترعشي خليه براحته
إسماعيل : والله انقوللها أرخي معاه شوية
تعويضة : هي انت وياها كان بتفتحوا هالسيره نوضوا روحو
اني أدري بمصلحة ولدي
نجوي شبحت لي إسماعيل متع مافيش حل
نجوي : شن حال سمية
إسماعيل: بخير الحمد لله هوني حصلت تعيين ولت إخصائية
نجوي : مشاء الله باهي خيرلها من تقعميزت الحوش
كلمتو مودة وعربها في بنغازي
إسماعيل: اهو بلكي في عطلة خمستاش اليوم صغارها يكملوا امتحانات تجي وتبات
نجوي : وشرف مش مداير في باله يروح لي ليبيا بكل
إسماعيل : بالله حتي انتي شايف الراحة والرفاهية ومرته الكندية ولده وبنته ومدرستهم وأموره لوز. لاش بيروح
نجوي : حتي انتي ياوخيي لوحت صغارك هالتلويحة البنت في بنغازي ومرة في العام اتجي والولد من الي بعته يقرأ في كندة اتزوج ومعش جي ليه توة عشرة سنين
إسماعيل: الحمد لله على كل حال شن نبي اني من الدنيا غير انشوفهم متهنيين
نجوي : ربي يهني
تعويضة : أختك فدوي خيره مجتش معاك حق
نجوي : احمد رفعها مراجعة علي عمليتها
تعويضة : شن قالولها اخر مرة
نجوي : شيء أمورها تمام ماتعرفيش احمد يحب يدقق
تعويضة : به الحمد لله غر كان مهناك شيء يخوف كله باهي
نجوي : لالا مراجعة بس
....................................................................................
في المدرسة 🏫
كانت استراحة
ملك مقعمزة مقابل رنيم وروان
روان : راسي بيتفجر مايصدقو يوم خميس ويكدسوا في الواجبات والقرايا زي الشلالات تي الزفت قلت غدوة نعزموا بنات عمي الطاهر استحشتهم
ملك : خلي نقروا اليوم وانكملوا باش انكلموهم
فتحت كتاب الرياضيات وحطت الكشكول هي ركزوا
روان : اسمها استراحة استرااااحة
خفي علي الكتابات وانتي قريب تاكليهم
رنيم : ماتعدليش عليها هالحمارة فوتيها
ملك : روان الامتحانات قريب وناويين انسكروا المجموع مية من مية فاهمة عليا
روان : اااه ياربي بعلاش بتبدوا بالرياضيات أبدوا كيمياء والله ساهلة وخفيفة
ملك : روان ركزي معاي الرياضيات اطول انكملوه بعدين نمشوا لي حبيبة قلبك هي
تعريف المصفوفة الصفرية
رنيم : ابدي بالمحددات أسهل
ملك : نبدوا من الاول
روان : اففف صعبة صعبة مش فاهمتها
ملك : لأنك مسكرة راسك وقايلة لدماغك انها صعبة
رنيم : ملك مفضاك تسايري فيها تو لما تنقصها في الرياضيات واني وانتي مسكرين المجموع تقعد تتبكبك
روان : تعريف المحددات شن قلتيه
ملك : ابتسمت لي رنيم وبدت تشرح
كان في زوز بنات معاهم في الفصل ويقرموا فيهم
🙎🏻‍♀️1: شن هالسوس هاذوا تي حتي في الاستراحة مش ساد مفجريلي مرارتي في الفصل
🙎🏻‍♀️2: ماك عرفتيهم ملك وخواتها بيحتلوا المراكز الثلاثة الاولي
   زي كل سنة شن جدك عليك جديد هما من قبل بياكلو الكتبات فمابالك توة الي شهادة وبيخشوا للجامعة
🙎🏻‍♀️1: خاطري نفهم قصتهم توأم مش توأم بنات عم ويقولو خوات
🙎🏻‍♀️2: تصدقي حتي اني الي قروا معاي من الابتدائي مانعرفش عليهم شيء غر إنهم من عيلة فلوس عندهم خوت طروف تشبحي واحد تنسي التاني وسياراتهم يجلطوا بس وجدهم كبير هالمنطقة وديما مكبرينها بيه في كل شيء عرس عزي مناسبة هو الناطق الرسمي
🙎🏻‍♀️1: هذا كله زماتعرفي عليهم شيء
🙎🏻‍♀️2: هههه  شوية قصقصة لاكن شن قصة هما خوت ومش نفس الاب مانعرفش
🙎🏻‍♀️1: تعالي تو نعرفوها توة
🙎🏻‍♀️2: تي غر تعالي عندهم رنيم متوحشة فوتيهم سوسة تركز هلبا
🙎🏻‍♀️1: علي خاطر فضولي اندير حرب بعدين زودي نضيعوا عليهم الوقت باش مايقروش
🙎🏻‍♀️2: هههه تخوفي الزفت
🙎🏻‍♀️1 🙎🏻‍♀️2: هااي بنات وقعدوا يطقوا
ملك : اهلا كيفكم
روان : تفضلوا قعمزوا
رنيم : تشبح ومش مستريحه بتقروا معانا لانه عندنا قرايا
🙎🏻‍♀️1: لا بس جينا نتعرفوا
روان : ربعت رجليها واو نتعرفو وشبحت لي خواتها حبيتها البنت
ملك : ابتسمتلهم : ههه
اني ملك وهذي روان وهذي رنيم
رنيم : نخصتها وفنصت فيها
أول مرة تشبحونا
🙎🏻‍♀️2: ههه لا بس معانا في الفصل ومانعرفكومش وهو الصراحة جينا نسألو انتم صحبات
روان : 😊 لا خوات
شبحت البنت الاولي للبنت الثانية بإستغراب كيف خوات توأم ولا كيف
رنيم : وانتي شن دخلك موضوع يخصك
🙎🏻‍♀️1: هههه شكله ازعجناكم مش قصدنا راه
ملك : لا عادي صح المدرسة كلها ديما تسأل شن علاقتنا ببعض
احني بنات عم وبنات خالات في نفس الوقت وراضعين مع بعض
🙎🏻‍♀️1 🙎🏻‍♀️2: ااااه هذا علاش خوات انتم
روان : اييييه
احني عندنا عم بس وبابا
اتزوجوا الزوز مع بعض خالتي وماما خالتي جبت اول ولد الي هو مهند وماما جابت اختي الكبيرة رئام كان بينهم يوم مهند جي يوم خميس ورئام يوم السبت وبعدها. خالتي  تعبت ومرضت وسأت حالتها ورقدت في المستشفي ومنعوا عليها انها ترضع بسبب قوة الأدوية رضع مع اختي رئام بعدها بخمس سنين ماما جابت اختي رنا وبعدها بسنة خالتي جابت مؤيد وبعدها خشت في غيبوبة متحملتش  العملية اضرت ماما ترضع مؤيد مع رنا بعدها خالتي فاقت بعد بشهر معاش حملت ولا جربت تحمل لانه حملها صاعب وماما حملت ورمت مرتين بعد مؤيد ورنا بستة سنين جت رنيم في بداية شهر واحد وملك جت في نهاية طناش رنيم رضعتها خالتي مع ملك مكانوش يعرفو مش باهي حناي ام ماما قعدت تقولهم رضعوهم باش يبدوا خوت والولاد محرم ليهم بعدها بسنة خالتي جابت زوز توأم ولاد ليت وغيث كانو شهر أربعة وبعدها اني جيت في شهر عشرة ورضعت مع التوأم ولما خشينا للمدرسة رنيم وملك نداد مشي عمي كسبني سنة وقريت في المنزلي لين درت امتحان في صف رابع وبديت كاسبة سنة
🙎🏻‍♀️1: ااااا مشاء الله ربي يحفظكم
رنيم : كانت تشبح لي روان بسم وتتحلف فيها علي فقشت الشكارة كلها
🙎🏻‍♀️2: خلطة بيطا خوت وصغار عم وصغار خالات
ملك : بالعكس هكي كلنا مرتاحين ان شاء الله ربي يسامح ناس زمان ماكانوش يعرفوا ويزبطوا زي توة
وضرب الجرس وانتهت الاستراحة وطلعت ابلة عواصف قصدي عواطف باللوحة وتصيح خشي انتي وياها الجرس ضرب
في الممر
رنيم : ممتازة روان أحسنتي
روان : عادي يعني نحب نحكيها قصتنا تعجب فيا
ملك : ابتسمت ايه حلوة لاكن مش لدرجة تهدرزي بالتفصيل خوذيها توة نازلة في التيك التوك واني وانتي نعرفو سمر كويس
رنيم : خليها تبي تحريشة في مهند
روان: هوه علي خاطر هدرزة قصة حياتي طلعت غالطة توة
وخشوا للفصل وقعمزت روان وملك في مقعد ورنا ومعاها بنت وراهم
...................................................................................
في مستشفي الطبي 🏥
جت الإسعاف وكان صوتها عالي جت رنا تجري خذت البريلة من المسعف وتجري في الممر هي وياه
المسعف : مرآة في الشهر التاسع ضربتها سيارة وهي قاصة الطريق  المريضة ماعندهاش اي أمراض مزمنة
رنا : تمام اتصل بأهلها  وخشت لغرفة العمليات وتلفتت لي الممرضة نادي الدكتورة بلقيس توة قولها ولادة قيصرية
الممرضة :
...                                                                             ...يتبع