المنطق والقدر

الحلقة 7

نسئل الله أن يتقبل منا ومنكم صيامنا وقيامنا 🤲🏻

.
.
.
يهمني رأيك وتعليقك في الحلقة عزيزي القاريء 🥰
.
.
.....قراءة ممتعة 🕊
.
نور الدين: رقدتيه
ملك : ايه ياروحي عليه ماتوقعتاش يتعلق بيا لدرجة يبيني انرقده 
نور الدين: لأنك علمتيه كلمة ماما وحنيتي عليه وعوضتيه علي فقدان أمه واعطيتيه من حنان الأم
يابنتي ياملوكة الام مش الي تجيب بس الأم الي تربي وتعلم وتحن هو أمه الحقانية تخلت عليه وحطاته قدام الجامع بدون ماتشفق عليه ولا تفكر فيه نخنق صوته  وحط ايده علي عيونه
ملك : شدت إيد نور الدين وباستها ماتعرفش شن كان ظروفها مافيش أم تجيب ولدها واتشوفه وتحضنه وتتحمل آلم الولادة وبعدين تسلم في ولدها ربي يعلم شن واجهها وشن الي خلاها تحطه اهني لوكانت حية ان شاء الله ربي يفرج عليها ويدلها علي ولدها
نور الدين: مسح دمعته الي تخطت حدود جفونه و ماقدرش يسيطر عليها اني نستني فيك في السيارة
ملك ؛ حاضر
ترن .....  ترن ....... ترن
ملك : آلو من معاي
👤: معاك اللي بيفضحك انتي وخواتك
لاغدوة لا غدوة ياملك بنت أنور غدوة بعد العصر تقوليلي وين آية والا ورب العباد لما نفضح الي درتوه من 8شهور كله
ملك : بلعت ريقها وبدت ترعش مع بعضها
من انت ومن آية و8 شهور شنو
👤:عيب عيب يااملوكة نسمع بيك بنت ذكية وتلقطي فيها عالطاير وين ذكائك هذا غر في كل مسابقة دولية غاطسة فيها وتجيبي فيها الأولة وين امشي هذا كله
ملك : سكرت عيونها بنفاذ صبر
لو سمحت اني ماعنديش وقت فاضي للعب والكلام الفاضي معليشي شكلك غالط أو متلخبط في الرقم ...وسكرت الخط
وقعدت تشبح للتلفون من هذا وكيف يعرف آية وكيف عرف اللي صار قبل 8شهور    
.
.
Flash back 💥
قبل 8شهور في يوم 5/1
في مستشفي الطبي 🏥
رنا : البريلة يااابلقيس فيسسسسع
بلقيس : جت تجري هي والممرضات بالبريلة
رنا : آية حبيبتي ساعدينا تمااام
يلا بنات واحد اثنين ثلاثه يلا بسم الله ونقلوها من السيارة للبريلة
آية : اااااه ااااه ياااارب آآآآآآه ياااارب سااامحني يااارب
وكانو يجروا بيها ملك روان رنيم وقدامهم رنا وبلقيس
ملك : اهدي خوذي نفس هوووه ااااه يلا يلا شهيق زفير آية : اااااه
رنيم : آية حبيبتي كله تمام كله تمام خلاص لحظات آخيرة بس
روان : وينور حياتنا احلا بيبي
آية : آآآآآآه مللك هاااااااااه سامحوني تعبتكم معاي ااااه
ملك : مش وقته الكلام هذا عيب اسسس اقري المعوذات وآية الكرسي وادعي لي ربي
آية : شدت إيد ملك وروان ورنيم 
اااااه هاااه هااااه ولدي آمانة عندكم ماتعطوه لحد مانبي حد يربيه الا انتي ياملك بالله عليك اااااه مانبي حديعرف شن صار معاي وخصوصا بوه
جت بلقيس خذتها
آية: ولدي آمنة عندك ياامللللك
وخششوها لغرفة العمليات
رنا : وقفت قدام الغرفة 
اهدوا حتكون بخير ان شاء الله
ملك :بس
رنا : ادعولها
وخشت للغرفة
ملك حضنت خواتها وناضوا يبكوا
.
.
نور الدين: ملك
ملك :  انخلعت فاقت من سرحانها
نعم جدي
نور الدين: وين سرحانه ياجدي من امبكري انضبح عليك بتباتي اهني امالا ... يلا يابنتي خلي نلحق نصلي  العشاء في  الجامع وبنمشي لدخول عصام
ملك ملك ياااملك
ملك : انخلعت اننعم اسفة ياجدي
نور الدين : في شيء صاير شيء
ملك : لا ابدا شن بيييكون فيه
نور الدين: يلا يابنتي
ملك : هي هي
وركبوا للسيارة
.........................................................................
ياقوت : ياربي ياربي ووووه عليا ياااام كلميه ولدك
وخشت تجري وراء العرصة
نضال : اطلعي اطلعي وين بتهربي مني وين تمام   ماتبيش تطلعي وقعمز اني بايتلك اهني كانك مراء اطلعي تونوري فيتك اني
ياقوت : يااااام تعاالي لولدك اااااه يااابوي
نضال : وربي كان اضبحي حتي علي جدي ويطلع من قبره ماني محولها لين اطلعي الشحن
ياقوت : والله ماعندي باش تبيني نحلفلك ماااعنديش ماعنديش باش تفهم وطلعت تجري
نضال :طلع يجري وراها والله الاعندك ياكذابة
خش الزعيم للحوش جت تجري ياقوت لبدت وراه
الزعيم: شن جو المفرخ الي دايره انت وياها
شمس نزلت من الدروج : إن شاء الله يقتلك انت وياها نفخولي راسي من امبكري زي الصغار يتعاركوا
نضال : خانبة شحني
ياقوت : والله ماعندي والله ماعندي
الزعيم : قدم شد نضال من رقبته تعرف ليك اياام مطيرهملي واني ساكت انقول اهو يعقل اهو تو يفهم بروحه لكن طلعت عيل وماتفهمش جايك يوم وربي ماني امخلي عظمة حية فيك راني قاعد مطول بالي معاك اكبر اكبر ودير عقل خيرلك
نضال : نزل عيونه تم خلاص
الزعيم : غدوة نلقاك مجدد قيدك وامولي للجامعة السيم هذا نبيك متخرج
نضال : تم
الزعيم :عض فمه
العب من وراي امالا ولا نلقاك ماد ايدك علي وحدة من خواتك كان ماقتلتكش مانتسماش زعيم
نضال : خلاص صار
وقعد يشبح لي ياقوت بسم
ياقوت : مطلعة لسانها واديرله حركةبصوابعها متع موت
وماتحس غير راسها بيطنطر شدها الزعيم من شعرها
ياقوت : وه عليا ناضت ترمش في عيونها بسرعة
الزعيم : لسانك
ياقوت : وه عليا يبي قص عارفة
الزعيم :اعقلي يا ياقوت ماتخلنيش نفصل عليك
ياقوت : حاضر ووه عليا
الزعيم : غلطة وحدة بس وبعدها وربي الكون مايحزك مني واحد وطلقها بالقوة
ياقوت : حاضر وشدت روحها قبل مااطيح
وشدت راسها ركبت لدارها وهي تبكي
الزعيم : هياااا ياااام هيااا
شمس: هي هي
الزعيم : اقلب خليقتك ماتطلعش اليوم من الحوش
نضال : مسح وجهه باهي
شمس : هياياامي معش وقت
فتح الزعيم الباب لأمه ركبت وبعدها لف ركب وشرين وطلع
شمس : ماعليشي ياولدي زودتها معاهم ياقوت بدمعتها
الزعيم : ترا خليني يام هي بدات مازمرتهملي كله منك يام هذا دلعك ليهم
شمس : شبحتله باهي باهي ربي يهديهم وخلاص
الزعيم : وين حوشه
شمس : منو
الزعيم: تي هذا اللي تبني نرفعك ليه
شمس : اااه حوش ولد صابرة جيران حوش عمك  نور الدين لاصقين فيهم جارتنا زمان
الزعيم : به تم
شمس : امتي حتي انت ياولدي نفرح بيك ونجيبلك عروسة زي السعد والفرح
حرام فيا نفرح بي وليداتي خيرني اللطف من دون الناس
الزعيم : كيف قلتيلي زمرد جاينيها ناس
شمس : عرفاته يغير في الموضوع
ايه جيران حوش بوي قيس ولد الهادي
الزعيم : ايه ايه عرفته
شمس : جايين غدوة ويبو مقابلة مرة وحدة
الزعيم : حرك المارشة وزاد في السرعة
علي خير بنتك شنو
شمس : يقعمزوا غدوة ويتفاهموا منهم ليهم الي فيها. خيرة يجيبها ربي والدنيا نصيبات
ودرس السيارة
شمس : هي اول مايكمل العرس انكلمك
عقباله ولدي الغالي
وسكرت الباب
الزعيم : ولع السبسي وعلا صوت الاغاني وطلع يسطرب
.........................................................................
نور الدين: درس السيارة قدام الجامع من جهة الشارع عالرئيسي
ملك تعالي خوذيها روحي بيها ديري بالك من الطريق لفي خشي من الزنقة يابنتي
نزلت ملك لفت من جهة السواق ونزل نور الدين
ملك : ركبت السيارة حاضر
سكر نور الدين الباب استودعك الله
ملك بيبتله وامشت وهو خش للجامع
خشت ملك لي بداية الزنقة وجت سيارة قدامها اتسطرب ولعت الضيء ووقفت السيارة جت بتوخر بتولي من الطريق سكرت عليها سيارة تانية وبدوا الزوز يسطربوا ويلودوا عليها
ترن .... ترن ..... ترن
شبحت تلفونها
ملك : ردت وقعدت ساكتة تسمع في صوت التسطريب من التلفون قامت راسها عرفت انه المتصل نفسه الي يلف عليها ويسطرب
👤: ملك أنور نور الدين
الأم نجوى حامد من غريان
امها تعويضة خلف الله من بنغازي
أنور نور الدين دكتور كيمياء نووية في جامعة طرابلس
وجابوا اول ولي عهد العيلة واول حفيد للعيلة
مهند أنور ضابط جيش شاد معسكر عين زارة
مؤيد ليه سبع سنين في الجامعة تخصص اقتصاد
إنسان تافه بليد فاشل  سكار عنده الفلوس كل شيء
بعدها نولدتي حضرتك طالبة سنة ثالثة شهادة طموحك تخشي هندسة معمارية انسانة مميزة في كل شيء في كل عام تجيبي فيها الاولي علي المدرسة وكل سنة تكوني الطالبة المميزة فارسة عندك فرس بنفس عمرك الفرس جمانة لونها أسود فرس عربية أصيلة  رسامة مبرمجة طباخة فنانة عندك صوووت وناض يصفر مش عادي  راس مالك جيتارة
وديما تمشي للميتم ويحبوك الصغار وانتي الميتم هذا عندك كل شيء بالدنيا
ليث وغيث توأم أصغر منك بسنة طلبة علمي يقروا في مدرسة دولية
ليث كيف ننسوا بطل الملاكمة وجابها الأول علي ليبيا واليوم طلع لي دبي  ماشي يلعب في الدوري النهائي ضد لاعب من كولومبيا
وغيث بطل الفروسية إنسان مهووس بالأحياء وعلوم الحيوان والحشرات نية طيب المسكين وعنده حصانه يسوي عشرة آلاف صخر خو فرسك جمانة
عندك راس عم الدكتور أحمد رئيس الأطباء في مستشفي الطبي واستشاري القلب متزوج خالتك أخت امك فدوى وجابت بنت اسمها رئام وعندها بنت اسمها نور عمرها خمس سنوات عايشة في البيضاء
وبعدها الدكتورة رنا تخدم في الطبي
وبعدها رنيم نفس عمرك
وبعدها روان أصغر منكم بسنة بس بوك كسبها سنة وقرت في المنزلية
واممم من تاني اااه ايه نسيت انكم كلكم خوت راضعين مع بعض وصغار عم وصغار خالات عيلة مترابطة
جدكم وكيف ننسوا كبيرة العيلة وكبير المنطقة وشيخها
القاضي نور الدين نشهد بالله راجل حقاني
المسكين مش عارف شن بيطرأ فيه بعد مايسمع الفالطة اللي دايرينها مسكيين شيخنا
ووقفوا تسطريب
👤: ااا ياحلوة وين صوتك خيره هرب
سمعيني راني مشتاق للأصوات الحنينة ياحبي
ملك: منين تعرف عيلتي
👤: ههههه اني ياحبي مش نعرف عيلتك بس اني نعرف حتي انه بوك متزوج امك وعمرها 16 سنة وعلاقة بسلامتهم ونعرف انه مؤيد عنده حبيبة وارخت بيه هههه عيلة وخالها ميلاد
اااه ياحبي شنو الجو معاك عرض من الاخير
ملك : سكرت التلفون وحذفاته في الكرسي الي جنبها
الزعيم : درس السيارة قدام ملك
والسيارات التانية يسطربوا عليهم
خير امهم هذوا وقته توة قعد يكلكس لكن هما ماعدلوش عليه 
ملك : فتحت ضي الداخلي وجت بتوخر سكرت عليها السيارة مرة تانية
الزعيم :  قعد مركز في السيارة اللي قابلته لاقاها بنت
ايوااا يديروا في جو العواويل
قعد يشرين بعدها سطرب وقص عليهم من النص
وقفوا السيارتين تسطريب ودرسوا مقابلتهم
الزعيم : خلا ملك وراه
كلكسلها بمعني اطلعي
ملك : كلكست للزعيم بمعني شكرا وطلعت تجري
الزعيم : درس السيارة ونزل طق علي روشن السيارة
تتمرجل علي نتاية ياخامر انت وياه انزل ترا وريهالي مرجلتك يااعيل
👤: فتح باب السيارة وانزل نحا نظاراته
كيف قلتلي يامعلم
الزعيم : شده من رقبته وطيحه
توريلي في عضلاتك يانتايا ياامسخ وطاح فيه ضرب برجله علي بطنه
السيارة التانية هربت تجري
ونزل الشبوب نفسه الي كان يسطرب
👤2: جي يحز علي صاحبه
غر خيرك النم منو انت يانعن اصلك وفيتك
الزعيم : تلفتله كيف قلتلي وضربه برجله علي بطنه
👤2: اااع
👤: ناض شاد بطنه جي بيضرب الزعيم
يطيح عليه صاحبه
👤: اااع
الزعيم : ضرب الأول برجله علي بطنه
           وشاط التاني علي رجله
          تفووو كمشة كلاب خامرين
وركب لسيارته وخلاهم ملوحين سطرب عليهم وطلع
.........................................................................
ملك : درست السيارة ونزلت خشت للحوش تجري ركبت للحمام وسكراته عليها قعمزت علي الباب وضمت رجليها وقعدت تبكي سامحيني ياآية سامحيني
رنا : خشت لدار خواتها هذي ملك الي روحت
رنيم : سكرت الكتاب مش عارفة
روان : تاكل في البطاطا
امشوا هما للعرس واحني خلونا في النكد بروحنا وقامت الكتاب بشمئزاز ااانسيت مش بروحنا معانا هذوا
رنيم : رنا اطلعي شن اديري في الدولاب
رنا : طلعت وطلعت معاها عبايا سحابيا ولبستها
رنيم : عبايت ملك حرام عليك تلبسيها قبلها قاعدة جديدة ملبستهاش بكل
رنا : وحيتها اني وقفت قدام المرايا لبستها
وتلفتلهم
روان : خخحههههههههاااي
رنيم : ههههههههه واااو
رنا : امتي رفعتها للتارزي المنجوها ونقصتها كنت عابيا عليها مانقصتهاش قاعدة
ولت تلفتت للمرايا شافت العبايا كانت  جايتها حايرة
روان : ههههه نحي نحي ههه منظرك واو
رنا : نحتها رنو اعطيني البشت الرسمي متاعك البيج والقهوي وخلاص
رنيم : في الفردة التانية
رنا : خذاته وقعدت تلبس فيه
هالبنت لابت تطول لابت تسمن بنرفعها معاي مرة تانية بنديرلها تحاليل بنشوف شن مشكلته جسمها
رنيم : متخافيش عليها مشاء الله عليها تضرب الحيط اتهده القوة جتها في شعرها ورموشها وظوافرها
روان : اممم دكتورة رنا وين طالعة وبالآنقة هذي كلها
رنا : عندي ديوتي اليوم
أخخخ وفوقها مع بابا اليوم والله اليوم الا مايطلعني تقول ماقريتش طب سبع سنين العيوب كلها بيطلعها
وتلفتلهم شن رايكم
كانت تفصيلة البشت الرسمي دبل كلوش واسع لون بيج كمامه متنيات برة لونهم قهوي ورقبة رسمية نفس لون الكمام وبطمه نفس اللون جاي معاه وشاح لونه قهوي  لابساته بطريقة خليجية 
رنيم :ماكنتش نحساب عبايتي حلوة هكي
رنا : حبي اني الي محليتها
رنيم :  بعتتلها بوسة في الهواء
قمر يا وحيتي قمر
حلال عليك العبايا هي ليك 
روان : شبحتلها من فوق لا لوطة
اممم دوليلي كيف شكله ووين بتتلاقوا
رنا : قامت حاجبها من هو ياااهم
روان : كلت البطاطا
هذا الي متكمة علي خاطره ومشيكة التشييك هذا كله
تقول واخدينك من قناة أبوظبي
رنا : ضربتها علي راسها
هاهاها 😒 سامطة بصارتك  المرة هذي
لبسة كندرة عاليا خشبية وفيها بروشة مربعة عالفضي وشنطة بنفس البروشة ونفس اللون
رنا : يلا صبايا تشاو
رنيم : تشاوات
روان : سكرت الباب
وجت تجري ل رنيم يااعطيني دي كان ماطلعتش تتمعشق
رنيم : بلا دوة فاضية انتي عارفة رنا تكره ولد آدم
وعندها نفسها وجمالها  فوق الكل
روان : مهتمةقلتيلي  منين جاها
وهي العبايا منك والوشاح منك والسروال متاعي والسوريا متع ملك والشنطة والكندرة ناسيتهم رئام عندنا من العيد لبستهم نهار العيد وبس
رنيم : وووك عليك
ماك حتي انتي لبسك كله مننا عمرك مالبستي حاجتك وبدليل البجامة هذي متاعي
روان : امممم تبيني النحيها اهو تو نحيها
ماذلينيش بيها