المنطق والقدر

الجزء الثاني من(الحلقة8)

أسفة جدا عالتأخير ... 🥺
وشكرا بارك الله فيكم علي❤️❤️
تعليقاتكم واهتمامكم وتحفيزكم والله فرحتوني هلبا🥺
.
.
.
.
الجزء الثاني من(الحلقة 8) ....
عزيزي القاريء انا كاتبة نهتم جدا بالانتقادات والاراء ..
.
.
.
قراءة ممتعة 🕊
.
.
.
طق طق طق 🚪🚪طق طق طق
ملك : ياناس افتحوا الباب
ياربي ديما لما يطق الباب كلهم يختفوا فص ملح وذاب
ونزلت تخطت الدرجتين في الدرجة
ملك : هي هي هياااياي
نجوي : افتحي وينكم
ملك : فتحت الباب
خشت نجوى وفدوى وشمس متغطيات من فوق لا لوطة بالعباية ويطقوا بالصندلي وشادين في ايديهم البكلاوة والشنطة
نجوى : قامت خمارها وينكم اللطف ساعة انطقوا
ملك : تسلم علي شمس
انستينا تفضلي كيف حالك وكيف حال العيلة والشباب والبنات
شمس : تبوس فيها وتعاود ياوخيتي سلمها الحمد لله بخير
الله غالب تحملوني لين يروح بوك والطاهر من السهرية ويروح بيا
ملك : عيب عليك خويلة الحوش حوشك
فدوى : وسعوا وسعوا
وانبطلت علي الكنبة ااااخ يارجليااا ووك وووك ياربي
والله اجهيد هذاك هو
جت ملك تنحيلها في كندرتها وتمسدلها في رجليها
نجوي : تنحي في عبايتها اااخ صقع صميتري
شمس : علي كيفه المهم هالشتاشيت مهاجوش
نجوي : ايه بلحق
قعمزي خلي انجيبلك تغيري
شمس : لا ياحنة صحيتي باش بنّزُلّْ لي راجلي الليلة امالا
فدوى : نهااار احرش راك كبرتي وليتي بحفادك
شمس : لاياوخيتي خيرني قاعدة زي الغزالة
نجوى : هههه يااعطيهالك
ويسمعوا صوت جري وضحك وبعدها طيحة هزت الحوش خشت روان تجري داهشة وتضحك
روان : قلتلك روحوا
خشت رنيم تبكي
رنيم : ااااه ماما بنتك الثورة طيحتني في الجنان
روان : شحت الشنطة وفتحتها امم عشرة جني ودستها في شلامتها وخذت البكلاوة والمكسرات
فدوى : تعيط عليها هاتي جاي حصت بوك روحت بيها معاي يافرخة هااتي اششييي
روان : ويييين العبمبر
فدوى : كليته ياهامعة
روان : حطت الشنطة في حجر امها
شكرا مامي
خالتي شمسة عندنا
شمس : هههه به الاريتيني خالتك شمس نحسابك ريتيني بكلاوة
روان : ههههه سوري
وسلموا عليها روان ورنيم
رنيم : احكولنا هيا
نجوي : شن بنهدرزوا
ربي يهنيهم ويرزقهم الذرية الصالحة
ملك : حلوة العروسة
شمس : مشاااء الله عليها قنينة
وتنوض فدوى : قنينة السوء
شلال شلال الشعر ميشاته ملبزاته ومدايرة سحب لون
ودايرتاه أصفر والفيلوا الدنيا كلها عالشارع
والضل اللطف اللطف هي سمرة ودايراته ترابي والروج احمر
نجوى : لامعليشي لكن والله الا طالع عليها
احني رينيها في الخطبة والله طبيعتها قنينة
شمس : والله حتي اليوم مش هذاك السوء
فدوى : بالله قعمزي اني موتي وعفاريتي الشعر مغيرة لونه والفيلو عريان بكل انهار احرش ماقدرت انقيم حتي عيني
روان : طبت البكلاوة في فم واحد وتتكلم به به غر احكولنا شن صابرة وبناتها
فدوى : هذيك علا لابسة قفطان أخضر مسمرها
نجوي : لاااا عاااد والله البنات الثلاثة ماعندك ماتقولي فيهم مكياج وشعر وقفاطين وصابره تقول مراء ثلاثين سنة
فدوى : من الصبغة الموف امالا
شمس : والله الا طالعة عليها حتي هي بيضة تللش
فدوى : فكيني وراس امي يركبولي في ألوان خاشة طالعة اخخخخييي
شمس : عاد انتي شن عاجبك
نجوى : اختي فدوى من يومها ماعجبها عجب
ملك : شن حال الجارات وشن جوهم
شمس : الله يبارك علي مرات صلاح صاحب الكوشة
عيني مضرها هذاك القفطان هذاك الذهب هذيكة التسريحة
رنيم : صار خذت الاضواء هي اليوم
نجوي : تعالي ملوكة سلكيلي شعري حسه ضايقني
روان : غر كملو به
شمس : أحلام ام أيهم ناضت شطحاته اشطيح ياوخياتي قلنا ااه وهي ماعييت
روان : وراس أمك احكيلي علي حليمة
شمس : من حليمة
روان : تي مالقي العزي
شمس : منو
فدوى : تي هذيكة متع آدومي
شمس : ااااه صبوحة أمير الأمراء
هههه نسيتها امشي فيها اسم صبوحة
هههه ناضت ركصت حصلت رفسة من بروع
نجوي : ايه ريتيها والله الا خفت عليها قسم بالله بلعاني دارتهالها
شمس : تستاهل وهي الخشم في السمي ومافي حد زيي
فدوى : اما تبوها بالرسمي
العريس ربي يبارك عليه اللهم صلي على النبي
روان: ايه ريته يعطيه جلطة طالع صاروخ
نجوي : اسكتوا فكونا ذنوب في هالليل
تعالوا خذوا حصصكم
روان : خنبت زوز فتاريش عبمبر اكيد ملوكة ماتبيهاش
ملك : صحة
رنيم : ياااثووورة
نجوي : تعالي ماما ملوكة دسي حصص خوتك في الثلاجة ودارتهملها اكداس اكداس
هذا غيث وهذا مؤيد وهذا مهند كان روح
رنيم : ايه به مكملتوناش من جي من صبايا الحومة
نجوي : رهام بنت ربوع وخديجة وخولة بنات حليمة
وعبير بنت سالمة جت بدال امها ولميا بنت حدهم
فدوى : خزييي علي حدهم طبع امشي فيها معاد بي يتنحا ودل في بناتها دلالة خزيي
شمس : العار وهي البنت لصقت في فريحة زي اللصقة معاد بت تمشي رقصت قدامها وناضت ماشية جاية عليها تستحق حاجة ولالا علي الاساس
رنيم : حتي هو ولدها راجل أعمال ومستقر في دبي والفترة الي فاتت أمه ادورله
شمس : ايوة قوليلي هكي من الاول واني قعدت حايرة ياوخيتي البنت خيرها لصقت في المراء
روان : يخدموا علي مصلحتهم الناس هذوا ياشموسة يجروا علي مستقبلهم امالا زينا احنييي
فدوى : ياكلبة خيرك انتي شن ناقصك لاحق مزال والله غر انقولك ارقصي قدام فلانة وعلتانة علي خاطر ولدها ولوحت عليها فردت الكندرة
تركها عيطة روان وتخوي الكندرة
فدوى : اقلبي اقلبي زومتك من عليا ياااكلبة ياخفيفة ياطايشة والله كان تبدي اخر بنت علي الكرة الأرضية توة في العمر هذا ماك متزوجتيها ياكلبة وتجيها فردة الكندرة التانية
روان : وتركها عيطة تانية وتنطر تركب لي دارها
تضحك هههه
شمس : هههه حرام عليك طياشة بنات حتي احني هكي كنا
فدوى : فكيني بالله عليك باطير عالزواج بتنكلب مش عارفة لمن طالعة
شمس : به اعطيهالي لي نضال ههه
فدوى : وكان تعنس مانعطيهاله باش يقلبوا الكرة الأرضية
وتكبه روان من فوق
روان : موافقة موافقة بدون مهر حتي صايع وفاشل عادي راضية بيه
فدوى : عيطت عليها
تي خشييي ياحماااارة
.........................................................................
في الطبي 🏥
في حجرة تغيير الملابس ....
رنا وبلقيس مجهزين نفسهم ولبسهم لي إجراء عملية
رنا كانت مثبتة تلفونها عالطاولة وفاتحة السناب وأغنية خلوني نعيش حياتي وترقص هي وبلقيس ويتبعوا مع الاغنية ويديروا في حركات مع الاغنية
غنوا بصوت عالي .. مايهمنيش كلام الناس مايهمنيش غادي نعيش بلا صداع الراس غادي انعيش
فتحت الممرضة الباب ...
الممرضة : انتم اهني والمريضة خلاص بتجيب ومعش مسكينة تقدر تتحمل واحني قالبين الدنيا هي هي
غرفة العمليات جاهزة والمريضة تم تخذيرها
رنا : هي هي
دست رنا تلفونها وطلعت هي وبلقيس ومستمرين يغنوا
مايهمنيش كلام الناس مايهمنيش غادي انعيش بلا صداع الراس غادي انعيش
بلقيس : فتحت حجرة العمليات
من بعدك سيدتي
رنا : شكرا أيتها اللعينة
بلقيس : تفوو ياا مسخة
وبدت العملية .......
.........................................................................
في براكة بازينقوا وجايا متقية في الزنقة
صوت التريس عالي ودخان الارقيلة معبي المكان
مجموعة يلعبوا في كارطة ومجموعة يهدرزوا عالسياسة والنساوين
أنور : انت شن خاسر كان خششتها جامعة
علاش اضيع في مسقبل بنتك علاش تخلي في بنتك تقول بوي مخلانيش نقرأ بوي مباش يصرف عليا
كمال : اني مش مانبيهاش تقرا اني مانيهاش تخش للجامعة علي خاطر الاختلاط وخايف عليها من الاولاد والبلي الي فيها
أنور : ااااه يبدأ انت هكي مش واثق في بنتك وفي تربيتك شنو
كمال : لا والله ماصارت يشهد ربي اني خايف عليها انت عارف الولاد من جميع النواحي والمناطق والطالح اكثر من الصالح وخايف عليها من الخلط والسكك الفاسدة
أنور : الصالح والطالح في كل مكان ومايصير الا لكلتبه ربي توكل على الله راهوا البنات مش تشبحهم ساكتات. معناها مش ناقصهم شيء
الطاهر : فعلا والله دائما طموحاتهم الحرية المالية وحرية الشخصية تبي تتبت للمجتمع انها قادرة تخدم وقادرة تكون ربة منزل وتثبت انها مش محتاجة للراجل ولا لفلوسه
أنور : فكك من التفكير القديم وخلي البنت تقرا التخصص الي تحبه وتحقق حلمها وتثبت نفسها وترفع راسك بتخرجها
كمال : يصير. خير
.........................................................................
رنا وبلقيس طقوا ايديهم دليل نجاح العملية
رنا : هههه وهذا نجاح حاينضاف لي تاريخنا تاني
وسمعوا صوت عياط واسعاف والممرضات يتجاروا
بلقيس : انتي جاهزة
رنا : اكيد ياعمري ..
بلقيس : يلااا
وطلعوا يجروا
البنت: كانت تعيط بأعلى صوت واضح انه اول للها بيبي
رنا : اششش اهدي اهدي خوذي نفس
بلقيس : مفروض تبتسمي وتفرحي لانه اول بيبي
الممرضة : مابتش تهدى بكل انولوها ولادة قيصرية
رنا : مش كل من هب ودب انديروله قيصرية حتي لوكانت هي تبي
تلفتت للبنت وابتسمتلها انتي اكيد تبي طبيعي صح
بلقيس : غر نحولها نقابها نحس فيه مسكر علي عيونها
رنا : ايه صح كيف تشبحي فينا
وبدت تفكلها في النقاب
رنا : ايوه هكي كويس وشبحت لي وجهها وملامحها
وعيطت بأعلي صوت اآياااااااااااااااتتت
بلقيس : تمام يلا بسرعة
الممرضة : حاضر تمام
بلقيس : تلفتت لي رنا من آيات
وبعدين تعيط بأعلي صوت آياااااات
رنا : وين كنتي انتي وييين قلبت علييك ليبيا كلها وين امشيتي ماخليت من سئلت والمعارف كلهم سألتهم حتي من بنغازي والجنوب دورتك وين اختفيتي
بلقيس : بالشوية عليها دكتورة رنا ماتنسيش انها حالت ولادة
آيات : آآآآآآه ااااه اممممم ااااه حمرا مع بعضها وتلمع لمع من العرق
معش نبي انجيب اهني امممم اااااه حوولووو ضبحولي علي رااااجلي اممممم آآآآآآه ااااه
رنا : توة بعد مالقيتك بتروحي تي والله ماك ولدتيها الا تحت ايديا ولما نرفعك تشهدي واتشوفي براءة آية المظلومة
في غرفة الولادة ... آيات الروح بتطلع منها بلقيس ورنا يحاولو معاها تولد
رنا: تولد فيها وتدوي معاها
وآيات تعيط
رنا : راس اخت ظلمتوها خلتوها مذلولة ياااويلكم من ربي يوم القيامة دعوة المظلوووم حارة يشهد ربي عالدموع الي نزلتهم كل ليلة
آيات : آآآآآآه ااااه شن تبيييي منيييي هذا موضوع قديم ومات واندفن مع صاحبته ليش تشهدروا بيااا وتفضحوا في الموضوع خلااااص هي مااااتتت ومااات معاها كل شيء
رنا : علاش ماصدقتيهاش لما حلفت علاش طول طلعتيها انتي وخوت من حياتكم وتبريتوا منها
آيات: امممم ااااااااااااااه ياماااااماااا آآآآآآه ماااااتتت هياااا خلتنيييي اني في البلييي
بلقيس : برافو برافو عليك يلا وحدة تانية
رنا : وين تسكني
آيات : اني تزوجت وانسترت وراجلي متشدد واني نسيتها آية
رنا : نسيتيها معقولة أختك الوحيدة معقولة ضميرك راقد ومرتاح بالله عليك ماتجيكش في الليل وتأنب فيك
واستغلت رنا الوضع وطول سألتها وين تسكني
آيات : آاااااااااااااااااااه ااااه. في المديييينةةةة
واع واع واع
وطلع احلا بيبي عالدنيا وعبة المكان بصوت عياطه
آيات : آآآآآآه ااااه وتتنفس وتبكي
جابتهولها رنا حطاتهولها في حضنها بدمه
رنا : بنوتة ربي يحفظها ويكتبلها الايام الطيبة
بلقيس : شن بتسميها
آيات : تبكي آية
بلقيس ورنا : الحمد لله عالسلامة تتربي في عزك
وخذتها بلقيس رفعتها
رنا : حاصرت آيات
توة قولي وين خوتك واحكيلي شن صار فيكم من بعد
الي صار
آيات : بتعب وإرهاق هكي تعاملي في حالاتك
اني تاعبة ومش لاقية جهد
رنا: ضمت ايديها علي صدرها
تشبح لي آيات وتكلم في الممرضة
حطيها في أجمل غرفة عندنا ووفريلها كل وسائل الراحة هذي حالة خاصة ومش أي حالة
غطت آيات بتعب في نوم عميق
وخذوها الممرضات
طلعت من الحجرة تلاقت زوز رجالة
رنا : في خاطرها
بعد غياب طويل لعنة الله عليك وجهك لين أسود من الظلم والحقد وربي لما انشرشحك في الحبوس يااكلب
كلمها... اني خوها وهذا راجلها بالله عليك طمنينا
رنا : انت عندك اخت تانية ولا هذي بس
استغرب هو من سؤالها
وتكلم
خالد : علاش
رنا : ابتسمت ههه استغربت الصراحة خوها جاي معاها
قلت ياحظها عندها اخ حنين ومهتم
خالد : اااه ايه راس اخت
لا اني كنت عندها وراجلها طالع جبتها اني وبعدين راجلها جي
رنا : شبحتله بحقارة في خاطرها يااكلب اخت واحدة صار وآية ياكلاب اتفووو
( حشاكم اسفة جدا عالمصطلاحات الحلقة اغلبها فيها )
امممم ... وامشت
لحقها راجل آيات ماطمنيتاش شن حالها
رنا : شبحتله من فوق لا لوطة بشمئزاز
الحمد لله على سلامتها ومبروك عليك المزيودة الزوز بألف صحة
وامشت وخلت وراها راجل آيات وخوها مستغربين من تعاملها معهم
أحمد : رنا رنا رنا
رنا : تلفتت وراها
نعم بابا
أحمد : خيرك شاردة
رنا : لا تاعبة بس
أحمد : شوفيلي الحالات الإسعاف الدكاترة مافيش والممرضين تعبو شدي معاهم حاليا انتي وبلقيس لين اندير حل
رنا : تمام
وامشت هي وبلقيس استلموا الإسعاف وطول الوقت رنا شاردة وعقلها مش معاها
............................................................................
في عالم التيك توك والبثوث:
مؤيد ونضال مقعمزين في السيارة وفاتحين بث يقروا في التعليقات
نضال : اهوو حتي هذا قالك نفس الشيء احكيلنا قصتك
مؤيد : تي لالا ياشباب فوتوها
وكثرت التعليقات وكلهم يبو يعرفوا قصة مؤيد مع حبيبته
نضال : اوووو اييي شوف هاه الدنيا كلها تبي تعرف
هيا هي هي ياراجل
مؤيد : تي لالا فوتوها قولو اي شيء فوتوه الموضوع
نضال : غر هي ياراجل خيرك الزفت تكسر بخاطرهم
مؤيد : به خلاص اسكت اهو تو نتكلم
لكن قبل كل شيء المستورة تزوجت وربي يهنيها
هذا ياسيدي يا بن سيدي
نضال : اهو بيذل فيتنا بهم هالكلمتين
مؤيد : ضم فمك اهو بنتكلم
القصة ليها سنتين توة واني الحمد لله تأقلمت وهي ربي يهنيها
كنت انكلم فيها من ثالث ثانوي وهي وقتها كانت ثاني اعدادي تزبطوا انتم جو حب المراهقة الطهقة وهدايا وجو نحكم فيها وديري ومااديريش وهي تسمع في كلامي الحق المهم كبرنا وكبر حبنا والله ماتوقعت ياشباب انحب وانكبد تي وصلت لي مرحلة معش نبي يشوفها حد هوس فددتها بالغيرة واني كنت بنطربق نجحت في الشهادة الاعدادية واني فرحت ياشباب هكي حسيتها قامتها بيا وامشت الايام وامشت السنين يوم نتعاركو يوم نتراضوا ماانطقوش ليلة كاملة متعاركين نتنازلوا طول استمريت اني انشوفها بالخنبة نوصللها هدية بالكذب مسكين الحاج بوها كل مرة نكذب عليه مرة انقوله عامل توصيل مرة انقوله نصلح في مواد كهربائية هذا كله باش نخش لحوشهم وانشوفها ونعطيها هديتها برة برة كبرنا ونجحت هي في الشهادة الثانوية تي تعرفوا ياشباب اول مكلمتني تعيط وتقولي يااميدوا نجحت ممتاز تي خلاص شعور تقول اب يفرح ببنته لما تنجح تي شعور في حياتي ماحسيته وقتها هههه واااك ايام الزفت المهم جبتلها تلفون أيفون ههههه وناض يضحك هو ونضال ههههه المهم هي القصة مكانش عندي حقه خنبت من مهند من سيارته وبعدها ركبنا في سيارة الزعيم لقينا 2000 خنابناهم في مرة وحدة هههه مكناش نعرفوا نخنبوا الي لقيناه بنجيبوه والدليل ورانا نضال : واضحة الزفت وقتها احني الي خنبنا هههه علق علينا الزعيم هههه وكلينا الجلد وقتها كفوف في جرة بعضهم
مؤيد : خيرك انت زدنا دكنها قاللنا شن درتوا بيهم ههه قوللنا شرينا وسكي ودرنا سهرية قنينة في الاستراحة مع الجماعة
وكل مايتفكروا ينوضوا يخبطوا ايديهم ويضحكوا
مؤيد : هههه المهم ههههه ومستمر يضحك
نضال : هههه وبعدها قاله من أمتي تسكر قاله وربي ماحطيته في فم ويحلف بكل ثقة
مكناش نعرفوا نكذبوا خلطناها في بعضها
مؤيد : ههه ااااخ وخلاص به المهم ايه ورفعتها لي تغليفاتي ونضموا الجو وداروا منشور علي الاساس صحبتها وجو المهم وصلها الله علي الفرحة الي كلمتي بيها كان عندها جناح راهو طارت اني صوتها بس يديرلي في مية رعشة نفرح لما اتقولي مستاحشاتك وقتها جيت لي بوي بالتريس قلتله نحب وحدة ونبيك تخطبهالي ونبيها مرتي وحبي وربة بيتي وأم صغاري
قالي بوي خطبة باهي اما زواج وانت ماتخرجتش ومكونتش روحك فوتها لكن حاضر نمشي واليوم تنكتب بإسمك فرحت واستعجلت وربي مرات العجلة في النداما ياشباب ومرات فيها خير المهم قالي هي قداش عمرها قلتله 17 كيف طلعت من الشهادة قالي انقولك اصبر عليها البنت شوية حتي سنتين تانيات كون روحك ودور خدمة وأسس نفسك وبإذن الله هي ليك
فاتت سنة ماشية الأمور متفاهمين ناخذوا في رأي بعض انحلوا في مشاكل بعض تي خلاص كاتبها في تلفوني حلالي ❤️
نتفكر فيها لليوم عمري ماننساه الشهر هذاك في يوم وليلة معش فتحت نت انشرين ماتردش استنيت تاني يوم وقفت قدام حوشهم الأمر طبيعي خوتها يخشوا ويطلعوا بوها بصحته باهي خيرها ماتردش مافهمت شيء دورت رقم اختها وكلمتها سمعت صوتي دارتلي حظر ثلاث ايام واني بنهبل لاليلي ليل ولا نهاري نهار الماكلة والشراب والنوم مانعرفهمش كلمت اختي وقلتلها بريلهم قولي صحبتها وخشي شوفيها خيرها امشيت طقيت قربعت الباب مافتح حد طلع جارهم قالي امس حولوا بضاعتهم وباعوا الحوش اتفركست معش فهمت شيء قلبت ليبيا كلها عليها
دورت شرق غرب جنوب فص ملح وذاب محد عرف أراضيهم ثلاثة شهور لانوم لاماكلة لاشراب تلخبطت اتفركست الدنيا سودة نشبح فيها معش نشبح في شيء لاطلعت لاخشيت لازمرت وربي يشهد عليا نحس في وجع عمري ماحسيته قلبي قلبي ياشباب يشعل في نار تاكل فيا من الداخل امرضت تعبت نفسيتي ادهورت صحتي واني مزال عندي امل انه نلقاهم امرضت بأنيميا حادة رقدت في المستشفى اسبوعين طلعت من المستشفي حاولو الشباب يغيرولي جوي اطلع ادوهر واني مافيش نفس ولا جو ولاخاطري في الحلوة
المهم عندي خوال امي بغازيين نضال كلم ولد خال امي ونضموا الجو هو والشباب وداروا زردة علي بالسيارة بنمشوا لي بنغازي وكل يوم بنستقروا في مدينة المهم سفرة امشيت معاهم واني مهموم وضايقة بيا الدنيا وطول الوقت نخمم علاش مقالتليش بنحولو باهي خيرها معش اترد عليا شن الي قاعد يصير بتسلم في حبك بالسهولة هذي به خلي نفهم منها شن الي صار باش هجرتني هكي وصلنا لبنغازي ومشينا لحوازة ولد خال امي
والشباب بحداي يستفوا ويضموا ويساوو في الماعين
ويتكموا في الشواء تعشينا
قص نضال عليه
نضال : اما جي شواء ومبكبكة وبركوكش من الا خير زردة صقع لكن غر البلي هذا تقول مالقي عزي
امشينا ترهونة ودرنا وطبرق وراس الهلال والبيضاء وصورنا بدخ لكن بنعاودوها ياشباب مرة تانية
دفه مؤيد من علي الكاميرا به غر حول وانت زي الشطان
مؤيد : المهم ياشباب
الساعة 3 الفجر قعمزنا حلقة ومعانا واحد عنده طقة ورّنة دربوكة ربي يبارك عليه
المهم وبدي يدربك ومن ياليل ياليل للين بدت في يادنيا وخلطنها علي المزداوي عالسوكني نشطت الحكاية وبدوا الشباب يرقصوا
نضال : ووقتها مؤيد مقعمز زي مالقي العزي
مؤيد : دفه من الكاميرا
المهم قعمز جنبي شبوب اول مرة انشوفه الحق
هدرزنا من اهني من اهني طلع صحيب ولد خال امي راس تسهوكوا عليه الشباب قالوله مش عارفة مسيب عرس ولد عمك راس وجاي متزرد
قاللهم تي فوتو البلي من عليا حاشا اسمه العيل هضا
الهو الشباب في الدربيك والرقص واني قعدت سارح ومهموم وغامة عليا
أسئلته قلتله خيره ولد عمك في بينكم حساسية
قالي ايه من يومه عيل وكلب فلوس ومعنداش كلمة وصاحب مشاكل وآخر مشكلة دايرها صاحبه من طرابلس عليه دين وهو يبي اخته من قداش ليه لكن صاحبه مايبيش يعطيه وكل مرة يتسبله بحاجة
وتوة ولد عمي لما اسمع بصاحبه امشي خلص الدين وقاله انزيدك عليهم وانخدمك معاي في الشركة ونشريلك حوش انت وعيلتك وتعالو استقروا في بنغازي صاحبه قاله علاش وشن تبيبني اندير قاله اعتبره مهر أختك وبإذن الله أختك تعيش مرتاحة معاي
صاحبه مصدق واعطاه اخته في أقل من شهر بدي يخدم وحولو من حوشهم واستقروا في بنغازي وخطب اخته والبنت المسكينة قالتله اني نبي واحد وهو يبيني وفي حكم مخطوبين سمع خوها زاد عجل بالعرس وصارتلها مشكلة البنت واهو اليوم الفاتحة
مؤيد : سخفتني البنت الحق وجعتني ماقلتش غير لاحول ولاقوة الا بالله
من عيلة مني البنت قالي عيلة #%$ بوها راشد #%&
مانعرفش وقتها شن حسيت وقفت قدامي الدنيا شفت الموت بعيوووووني اهرب انفس عليا ونضت نرعش ومعش قدرت نتكلم وقفوا الشباب الدربيك وجوني يجروا وبعدها معش نندري علي روحي الا في المستشفي
نضال : وقتها سألناه صحيبنا وقال احكيتله قصة ولد عمي بس في البداية نحسابوه تأثر بعدين لما سألته قلتله هي من عيلة مني البنت قالي وقتها اعرفت انها نفسها البنت الي يبيها مؤيد
مؤيد : طلعت من المستشفي اذان العشي واصريت عليه الولد توة يرفعني للعرس حوش البنت امشيت وياريتني ماامشيت لقيتها كيف مطلعينها من الحوش وبتركب في سيارة العريس وسكت مؤيد معش قدر يكمل حط ايديه علي وجهه وصوته انخنق ومعش قدر يشد عبرته
نضال : حضنه وسكر البث
.........................................................................
ألماسة : سكرت تلفونها ولوحاته وغطت راسها بالبطانية وتفجرت بالبكي هيا بروحها معش عرفت علاش تبكي علي خاطره ولا لأنها تأكدت انه قاعد يحب حبيبته
حطت ايدها علي فمها وبدت تشهق وبعدين حطت ايدها علي قلبها جتها النغزة مرة تانية وزادت تبكي
ترن .... ترن .... ترن ...ترن
ردت علي التلفون بصوت مبحوح ايوة
ملك : تبكي
ألماسة: لالا شكلي استبردت من الجردينة امبكري
ملك : عليا ياميسو
اسمعني انتي عارفة انه مستحيل مزال يحب وحدة متزوجة وعايشة حياتها وعندها زوز توأم ومرتاحة
شفتي البث صح
ألماسة : خليك معاي نحس في روحي بنتفجر انتي بس فاهمتيني وتفجرت تبكيييي ااااه وتشهق بالعبرة
اني متكنطية من روحي كيف نحب من طرف واحد كيف نحب واحد عارفاته مستحيييل ينسي حبه الأول مش اني الي اخترته قلبي الي عشقه قلبي الي حبه مش اني ااااه اصلا اني ملياش الحق حتي انغير عليه اصلا
ملك : ماتعرفيش الخيرة وين ممكن توة تتعبي وبعدين ترتاحي وهذا امتحان ليك
ألماسة : استمرت تبكي اني بنمشي لي ماما
وامشت طقت علي دار امها
شمس : تعالي
ألماسة : فتحت الباب
لقت بوها يصلي في قيام الليل وامها مقعمزة تقرا في القرآن
ماما وبدت تبكي قلبي يوجع فيا
شمس : بسم الله علي بنتي تعالي ياماما
وخشت ماسة تجري في حضن امها وزاد بكاها وشمس تقرا في القرآن وتسمي بسم الله عليها
ملك : اطمنت عليها مع امها سكرت الخط
ناضت فتحت باب الدار الحوش هادي بوها بايت برة وامها وفدوى راقدين في المعيشة ورنيم راقدة بجنبهم وروان غاطسة تحت البطانية وفاتحة تلفونها
ملك : بهمس نوضي اربحي أجر قيام الليل خيرلك من التفتفيت الزايد
روان : فوتي جدي وراس أمك
شفتي العرعوري خوك قاعد يحبها بنت الكلب
الفيس كله مقلوب بيه والتعليقات كلهم يدعو عليها
ملك : هو موضحش نضال سكر البث
روان : تي مية مية منورة
غيث : ملك تجي نطيبو امبكبكة
ملك : تعالا هي
كلمت ليث
غيث : ايه وصل من امبكري
وخشوا للكوجينة
روان : بعياط احسبووووني معاااك
في الكوجينة ...
ملك وغيث مسكرين الباب وفاتحين كامي كازي ويرقصوا مع بعض