المنطق والقدر

الجزء الأول من الحلقة 10

عزيزي القاريء انا كاتبة نهتم جدا بالانتقادات والاراء 💫
.
.
قراءة ممتعة 🕊

روان : بناااات
ملك ورنيم : خيييرك 😠😡
روان : 😧😧وين رنا شكلنا ضعنا شوفوا المكان فاضي والمحلات مسكرة والمكان مهجور احني وين
ملك : لا ياربي
رنيم : قدمت
منين جينا وكيف خشينا اهني اصلا
روان : نبي ماما
ملك : نسيت ماركزتش عالطريق نسيت منين خشينا
👤: ههههه الكرزات الحلوات بنات نور الدين ضاعوا
نفخ دخانه هههه
👤: وقف وراهم
ملك !!!
ملك : هرب النفس عليها غمضت عيونها تتفكر فيه
تلفتتله ...هذا انت !!
رنيم : ياواطي ياخسيس
روان : 😨😱
....................
رنا : والله الا زايدة معاك يامعلم
محي الدين: ولايهمك دكتورة خيرك سابق
رنا :تمام امالا مع السلامة
وسكرت الخط
تلفتت لي الحوش العربي
رنا : اها هذا حوش أيات ... يابنات وصلنا
وتلفتت وراها لقت فراغ ... الزنقة فاضية تنفض مافيش غير صوت الريح والغبرة
رنا : بناااات 😧
.............
👤: ملك !!
ملك : زيااااد 😨
زياد : قدم ناحيتها
ابتسم .. اها زياد
رنيم : ومزال عندك حتي عين ووجه حتي تتكلم
👤: ههههه عنده حتي خشم
روان : هههههه ايه صح وكبير
رنيم : فنصت في روان
روان : دمه خفيف يحليله ☺️🙃
زياد : حااارث
رنيم : هه😏 جايب خوك يحمي فيك ولا مأجر حارس
زياد : صاحبي
حارث : ايه صاحبه وانتي خيرك هكي خلوقك في حكة وحواجبك رقم 11 ارخيهم
زياد : حاارث
حارث : بااهي النم
زياد : رنيم عارف انك تكرهيني من زمان وعارف توة زدتوا كرهتوني من الغلط الكبير لدرته بس وربي ندمت ورجعت من روما باش نصلح غلطي
رنيم : توة ناض ضميرك
روان : برا لوحه واعطيه للكلاب لانه خلاص معش يتصلح شيء
ملك شدتها من ايدها وفنصت فيها بمعني 🤫
زياد : ماركزش مع روان
ملك آية وين
ملك : مااانعرفش
زياد : كيف ماتعرفيش وهي صاحبتك أختك صدقيني لا اندمت والله قلبت عليها الدنيا مالقيتهاش سألت الجيران قالولي حولوا
اكيد تعرفي مكانها قوليلي هي وين
رنيم : قلنالك مانعرفوش
زياد : ملك ملك اسمعيني بالله عليك عارفك طيبة وتسامحي اني والله جاي نصلح في الغلط
ونبي أية مرتي بالله عليك عارفك تعرفي وينها قوليلي
اما ملك وروان ورنيم
كانو يتكلموا مع بعض بعيونهم
ملك : غمزة لي روان ورنيم
روان & رنيم : تلفتوا وراهم ركزوا على مسرب ممر ضيق جاي بين المحلات المهجورة
رنيم : هزت راسها بمعني تمام
روان : أشرت بصوابعها علي رقم ثلاثة
زياد : يقدم
وهما يوخروا بالشوية بالشوية يبو يقربوا من المسرب
ملك : تلفتت وراها لقت خلاص قريب يوصلوا
اااا هو اايه ااايه يعني هما انتقلوا ليهم سنة توة
باعوا حوشهم وانتقلوا
وهما مستمرين يهمسوا ويأشروا لي بعض ويوخروا
زياد : وين انتقلوا
ملك : ااا الصراحة اانت عارف انه خوتها واعرين وماتقدرش تدوي معاهم وعارف انه مادورلهاش تلفون فامعش تواصلت معاها
زياد : مستحيل
ملك آية كانت ديما تدويلي عليك وتحكي علي حجم الصداقة الي بينكم انتي اختها كانت تقولي ملك توأمي كيف ماتعرفيش
باش تبيني نحلفلك اني والله الا جاي نقرأ فاتحة عليها ونسفرها معاي بالله عليك احكيلي وين حولو
روان : توة يابنات
وانطلقوا يجروا فيسع خشوا للمسرب
زياد : ضرب الرشادة نطرها برجله
النم هربوا وانت شن واقف تتفرج اجري وراهم
حارث : وين
زياد : حااااارث
حارث : خلاص تم النم
وطلعوا يجروا وراهم خشوا للمسرب
رنيم في الوسط وملك علي اليمين وروان علي اليسار
روان : تلفتت وراها
😱😨 لحقونا 😱😱 اهم ورانا (وبوووم) عثرت في الرشادة جت بتطيح شدتها رنيم من برنوس البالطوا
رنيم : انتبهي معش تتلفتوا أجروا وبس
ملك : 😢😭😭 شن المصيبة لي درناها شن الفالطة لي درنها احني حي علينا كيف مانقولوش لي بابا مفروض علي الأقل قلنا لي جدي
رنيم : فكيني من ضميرك الشارف هذا توة واجري
ماعندنا حل غير الهرب وخلاص
......
رنا : طلعت من الزنقة
ملك رنيييم رواااان
وقفت في نص الشارع حطت ايدها علي جنبها
المشكلة شناطيهم خلوهم في السيارة وفيهم تلفوناتهم
وقعدت تلف بين الزناقي من زنقة لي زنقة واضبح
ملك رنييييييم روااااان
...........
اما البنات يجروا بكل قوتهم وسرعتهم
ملك : التوت رجلها طاحت
ااااه
رنيم : جتها تجري
انتي بخير
ملك : رجلي اطربقت اااه توجع فيااا
رنيم : شدي حيلك بالله عليك
ملك : 😭😭😭 خلاص معش نقدر 😭😭 بنقول لي بابا وخلوه هو يتصرف
رنيم : توة بعد ما خلاص وصلنا
روان : بالله عليك ياملك اصبري علي خاطر آية
ملك : وقفت وبدت تعييط
وروان ورنيم : ماصدومين فيها
معش عندي جهد نتحمل الليل مانرقدش فيه قلبي مش مرتاح عيييت هم قاعد علي كتافي خايفة لايجي يوم
ياخذوا ولدي مني علاش ماتبوش اتحسوا بيا علاش كله منكم كله منكم انتم الي خليتوا الموضوع سر لو قلنا لي جدي راهو توة هو ولدي بالقانوووون ومايقدر حد ياخذه ولايهددني بيه كله منكم بنتفجر معش قادرة
🖐🏻💥ويجيها كف رياحي فقدت توازنها وطاحت🖐🏻💥
روان : هيييي😱.. رنيم لااا
ملك : حطت ايديها علي وجها وقعدت تبكي
اااه اااه 😭😭 اااه 😭
رنيم : نزلت قعمزت قدامها وقعدت تكلم فيها بهدوء
الموضوع وخلاص قريب يتسكر وحانسجلوا نور الدين بإسم عيلتنا اصبري وحضنتها
روان : اااااه وصلولناااا 😱😱
رنيم : مدت ايدها لي ملك
حاتكملي معانا ؟؟؟
ملك : قعدت تشبح لي رنيم
ورنيم تستني فيها
ملك : مسحت دموعها ورشفت أنفها ومدت ايدها لي رنيم
رنيم : 😏😊
روان : اجروووووا
وشدوا في ايدين بعض وانطلقوا بسرعة
حارث : وقف داهش ويلهث
هااااه هاااه شن هاااه هذا هاااه ماقدرتش انلحق عليهم انحس في قلبي بيطلع من مكانه
زياد: النننننم 😠🤬
مش وقتك ياحارث الزفت خير مايضيعوا مننا
وكمل يلحق فيهم
حارث : هاااه هاااه 😮‍💨 استناااانيييي
روان : اااا قربوا مننا لحقوا عليييينا
زياد : يااااملك استنييييي
ووقفوا حاصروهم زياد وحارث
حارث : وقف جري وطبس حط ايده علي قلبه
هييييه هااااه هاااه ماااهاااه شن الرجلين لي عندكم هاذوا اتقول راكبين علي موطوا
زياد: اسمعوني بس
روان : حصلنا مافيش غير طريق السوق بس
ملك : مافيش حل انخشوا منها !!
روان : بس زحمة الناس والفراشات
زياد : صدقوني مش حاندير شيء والله بس نبي آية ملك بالله عليك يرحم والديك والأموات الصالحين
قوليلي وين آية
تمام خلونا نتفاهموا
رنيم : ماعندنا مانتكلموا معاك
ملك : أجروا ماعندنا غيرها الطريق
وطلعوا يجروا مرة تانية
حارث : ااااه بنجروا مرة تانية
زياد : ماعندناش حل تاني
اطلع
وخشوا للسوق وقعدوا يمشوا بين الناس والزحمة يحاولو يتخطوا ووراهم زياد وحارث
روان: تلفتت وراها
معش بانوا
ملك : معش تتلفتي خلي نطلعوا من الزحمة هذي شدوا كويس خايفة انريحوا
رنيم : لمحت زياد
الخسيس يدور فينا
حارث : راحوا في الزحمة
زياد : شن اليوم الزفت هذا شن الناس والزحمة هذي من قعد في حوشه امالا
!!
لمح رنيم وروان . اهما
حارث : وينهم
زياد : ورانا .. خليك واقف قدامهم
ووقفوا في نص الطريق
ملك : خلاص ضيعناهم
حارث : ماضنتيش 😁🤣🤣
شبيك لبيك حارث وزياد قدامكم
روان : كلاااب
رنيم : لفوا فيسع
وابدوا يجروا من جديد
حارث : وربي الا رجليااااااا 😥😓
زياد : هذي فرصة كبيرة بروحهم ومش حانضيعها
وابدوا يجروا وراهم
قصت مابينهم الزحمة والناس
ملك خشت يمين ورنيم وروان يسار
حارث : وينهم
زياد : اهماااا
ووقفوا
حارث : ورا منو بنجروا
زياد: اكيد خطة رنيم الخبيثة تبي توهنا
ضرب حارث علي كتفه خليك ورا رنيم وروان واني نمشي ورا ملك لانها هي الي تعرف كل شيء
حارث : نسيها المدينة اني نسيت الطرق متاعها
زياد : الطريق هاذي حاترفع للميدان
حارث : تم
وطلع زياد ورا ملك وحارث ورا رنيم وروان
ملك : 😥قعدت تمشي بالشوية
وينهم منين خشوا ياااربي ضيعتهم
...
روان : شدت رنيم من ايدها
ملك مش معانا
رنيم : كيييف نحسابها ورااانا
روان: حتي اني تلفت مالقيتهاش
رنيم : انتي فاهمة شن معني ملك مش معانا معناها احني في ورطة كبيييره
روان : عارفة عارفة انها ماتتحملش الزحمة وعندها فوبيا عارفة ماتوترينيش بسيطة حانتلفتوا ونرجعوا منين جينا اكيد حانلقوها واقفة وتبكي انجوا نحضنوها وانهدوها بسيطة وسهلة
رنيم : 😠😠😠😩 شن المصيييبة هاااذي
ديري بالك تطلقي ايدي ديري بالك
وتلفتوا بيولوا من الطريق
حارث : 😊🤗 هاااي girl ( بنات )
رنيم شدت إيد روان: اجريييي
حارث : رجليااااا 😫
.....
زياد : ملك يااا ملك
ملك : اني مانعرف شيء خليني في حالي
وكملت جري وخشت بين الناس والفّراشات
اتقبت في طاولة طاحت الحوايج والعطورات كلها
🙎🏻: خييييرك 😣😡🤬
ملك : قعدت تلم في البضاعة الطايحة
أسفة اسفة
زياد : ملللك
ملك : طلعت فلوس من جيبها وحطتهم عالطاولة
وطلعت تجري
وخشت لمحل طلعت علي محل تاني
زياد : الشيييت وقف 😠
وين امشت تحسابني مانعرفش الزناقي واني حافظها حفظ وخش من زنقة تانية
......
اما رنيم وروان فكانوا يجروا بأعلي سرعة
خبطوا في الناس والفرّاشات وطيحوا البضاعة والناس تسب وتكشخ وراهم
رنيم : دفت الطاولة طيحتها عمدا سكرت بيها الطريق
والناس تسب وتكشخ
روان : هاااهه عييييت
رنيم : اول زنقة علي اليمين
روان : حانطلعوا عالرئيسي
.......
بين المحلات الي تفتح علي بعض ومن زنقة تخش لزنقة وبين الأسواق والبضائع ملك تجري وتخبط في الناس وبضاعتها وتتأسف لين خشت لي زنقة فيها حياش عربية
وزياد يجري وراها
.....
إسكندر وقف قدام العمارة ووراه العسكريين يسكروا في المبني ويشمعوا فيه
ويكلبشوا في عاملين افريقين وبنات وشباب ليبيين مخلطين لقوهم في الشقة
صاحب العمارة : اني مأجرها يافندي ومالياش أي علاقة بالي يديروه السكان ليش تقطع عليا في مصدر رزقي
إسكندر: حتي اني مالياش علاقة كان انت مأجر العمارة لناس دعارة وتاجر في المخدرات
خذوه ...
كلبش العسكري صاحب العمارة وحطه في السيارة
صاحب العمارة : بالله عليك افهمني والله الا ظالمني
وامشت السيارة ..
خالد: ركب سيارة الدولة
امالا اني خلي نمشي للمعسكر ونحقق معاهم
إسكندر: تمام خلي نتم الأمور وجايك
خالد : بييب ل إسكندر واطلع
ملك : معش عندها جهد ولا حيل فقدت توازنها
زياد : يااااملك معش عندك مخرج الزنقة مسكرة والله مانبي منك غير اتقوليلي آية وين بس
إسكندر: تلفت وراه شاف ملك جاية تجري ويجري وراها واحد
ملك : هاااه هااااه
وقفت داهشة حاصرها إسكندر قدامها وزياد وراها
😭😭😭😭
زياد : وقف قدامها
إسكندر: من انت وشن تبي من البنت
وقدم شده من رقبته
زياد : استني ياافندي انت فاهم غلط اني مش زي مخطر في بالك
إسكندر: تي شن هو الي مش زي ماخطر في بالك تجري ورا البنت في زنقة خالية شن تبيني انفكر
ملك : 😭😭
زياد : ملك يرحم الأموات الصالحين سألتك برب الكون آية وين
إسكندر: قامه
تي آلها معاي اهني وسيب البنت
زياد : ملك 😥
ملك : 😭😭 طاحت علي ركبيها
اااااه ااااه حطت ايديها علي وجها
آية ماتت آية ماااااتتت من السنة لي فاتت
زياد : طلق ايدين إسكندر وقدم من جهة ملك طبس عليها
قولي غير هكي بالله عليك اكيد كذبة منكم هاذي اكيد هي قالتلك قوليله ماتت لأنها كارهتني بالله عليك
ملك : هزت راسها بالنفي وقعدت تبكي
من بعد لي صار مرضت وماتت
زياد : لااااااا بالله عليك لااا وشد ملك من كتافها ويهز فيها ويبكي
قولي الحق بالله عليك مستحيل آية اديرها مستحيل تمشي واتخليني مستحيل
إسكندر: شد زياد من ايديه حوله من علي ملك
رنا: ملللللك مللللك
جت تجري حضنت ملك
وين كنتوا قعدت اندور فيكم
شافت زياد
رنا : زيااااد 😨😨
زياد : مش صح الدوة ولا آية قاعدة حية صح
رنيم وروان : خشوا للزنقة يجروا ووراهم حارث
شبحوا ملك ورنا جوا يجروا
رنيم : رنا ملك
وقعمزوا حضنوا بعض وناضوا يبكوا
حارث : خش للزنقة نصدم بالشرطة والردع المكدسين في الشارع ومكلبشين زياد ويركبوا فيه في السيارة
إسكندر: حتي انت
خذوه ...
حارث : غر استني يامعلم وين بياخذوني النم شن دخلي انييي
وجي العسكري كلبش حارث وحذفوه في السيارة
رنا : حاضنة ملك
اهدي اهدي احني بجنبك مصار شيء كله تمام كله تمام
اما ملك فكانت ترعش وتخض مع بعضها
رنا : اششش كله تمام الموضوع تم معش في شيء
ووقفوها خواتها وهوووب طاحت ملك صاخت
رنا : ملللك ملللك
رنيم وروان : قعمزوا يتباكوا
إسكندر: مد شيشة المية لي رنا
رنا : شكرا وبدت تفييق في ملك