المنطق والقدر

الجزء الأول من ( الحلقة 8)

يهمني رأيك وتعليقك في الحلقة عزيزي القاريء
.
.
قراءة ممتعة 🕊

.الحلقة الجزء الأول من [الحلقة 8]
روان : تشبح لي خواتها وفي خاطرها
شن داسين عليا خيرهم سرحنين والخوف علي وجههم
ملك : عن إذنكم بنمشي لجمانة
وطلعت تجري
أنور : خيرها اختكم
أحمد : سارحة ومتوتره
رنيم : في خاطرها
هااه كيف راحت عن بالي هذي أنه اللي هددني ممكن كلمها وهددها
روان : اااا مقتلكمش جمانة ضاربلها البيطري التطعيمة ومرضتها هذا علاش ملك متوترة
أحمد : مد ايده شاف ساعة اليد
يلا اني معش وقت عليا سلامات
أنور : اسمع اصبر شوي نبيك
وناض طلع وراه
أحمد : شنو
أنور : سكر باب الدار تعالا معاي المكتب شوية
وخشوا للمكتب
روان : انتم شن داسين علياااا
رنيم : ناضت تجري تعالي خلي نمشوا لملك
ونزلوا يجروا طلعوا للجنان المعشب
روان : شن صاير علاش خايفين ومتتوترين وملك الي يشبحها يقول وراها عشرة فروخ
رنيم : فتحت باب الحوازة السحااب الكبير الفاصل بين الحوازة والحياش
رنيم :ضبحت بصوت عالي
ملللك... ملللك
روان : بلاش عياط اكيد في الاسطبل
وامشوا يجروا خشوا للاسطبل الكبير
رنيم : حجرة جمانة فاضية
روان : ملك متحبش تركب عليها في الليل .. غريب
طلعوا من الاسطبل وقدموا لي ميدان الخيل
روان : اهيا الفارسا
كانت ملك طالقة شعرها الاسود الطويل وراكبا فوق جمانة
الفرس الأسود ذات الشعر الأصفر
وتجري بأعلي سرعتها
رنيم : دارت صبعها الكبير والوسطى في فمها وبدت اتصفر ملللك وصفرت مرة تانية
ملك : قدمت باتجاههم
روان ورنيم نقزوا من فوق الحاجز
وملك نقزت من علي الفرس جمانةبمهارة
وعطتها خبطة من خلفها جرت جمانة بسرعة🐎🐎
وتوجهت للاسطبل
ملك : خيركم لحقتوني
رنيم : شن تحسي
روان : علاش متوترة هكي
وشن داسين علياااا وعلاش ماتبوش تقولولي
رنيم : امبكري المغرب جاني اتصال يهدد فيا
شبحتلها ملك وهي متأكدة مليون في الميه انه نفس الشخص المهددها
روان : بشنوا هددك
ملك غمضت عيونها وتكلمت بنفس اللحظة هي ورنيم
ملك & رنيم : آية
روان : آ آ آآآآآآ ياااااااة
رنيم : تلفتت لملك
كنت عارفة انه كلموك وهددوك
روان : امتي هددوك ياملك
ملك :
واليوم اتصل بيا ويسئل علي آية وعارفني من انكون
قلتله شكلك غالط أو متلخبط في الرقم وسكرت
توة صلاة العشاء لما روحت من الميتم جدي أعطاني السيارة وروحت بروحي تهجموا عليا زوز سيارات وجاني اتصال يعرفلي بنفسي والعيلة كلها عارف كل شيء علي عيلتنا
رنيم : في حد يراقب فينا اني متأكدة
روان : بلعت ريقها واتفكرت لما جاها الاتصال وخذت الموضوع ببصارة
علي ذكر الراااجل هههذذا الي هددكم كلمني حتي اني
رنيم : شدتها من مرفقها بقوة شن قولتيله
روان: مركزتش معاه خذيت الموضوع ببصارة وقلتله عالصوت المركب كيف داره
رنيم : ساذجاااا غبيييييااا
ملك : قلبت عيونها بنفاذ صبر
روان : أعجبني الصوت به 🤷🏼‍♀️
أحسن مفلقت الشكارة كلها
ترن .... ترن ....ترن
ملك : تلفون مني
روان & رنيم : قعدوا يتبعوا في الصوت
ترن ..... ترن ......ترن
روان : تلفونك ملك خيرك
ملك : خذت تلفونها من جيب سروالها الخلفي
وشبحتلهم بخوف .... هذا هذا نفس الرقم
روان : ردي
ملك : سكرت عليه وردت التلفون
لا مش حانرد
ترن .... ترن ..... ترن ....ترن
رنيم : خذاته منها
ردي وافتحي المكبر
ملك : ردت
قلتلك شكلك غالط ليش ماتبيش تفهم
👤: يمسح في الدم من تحت فمه
وحياتك عندي ياحبي ما غالط وربي العباد لو ماخشتش السيارة في النص والكلب نزل منها ماني راخيك لين تقولي وين آية
ملك : منو آية
👤: اووو الواضح بتعبيني ياقمر
آية البنت الحلوة الرشيقة البيضة العيونها رماديات
صاحبتك من صف اول وجارتكم نسيتي لما كانت تهرب من خوتها وتجي تبات عندكم نسيتي قداش قريتوا مع بعض باش يجيب رباعيكم نفس النسبة نسيتي الفلايط والعمايل نسيتي فوق سطح الجامع لماتنقزوا باش تمشوا لحوش العم خليفة واطيبوا في المبكبكة نسيتي. ياملك
ملك : سكرت الخط
وقعمزت منهارة تبكي اني شن درت في روحي كيف اندير حاجة زي هذي من ورا اماليا كيف دسيت علي جدي الموضوع كيف دسيت علي بوي اني معش قادرة نتحمل اكثر من هكي وناضت وقفت تضرب في راسها كيف فكرت في شيء زي هذا خنت بابا وبوي وجدي ومهند وماما 😭😭😭
رنيم & روان : قعدوا يشدوا ويهدوا فيها وينزلولها في ايديها
رنيم : حضنتها وتبكي معاها اهدي اهدي اشششش
روان : 😭😭😭 كان سمعوا يسامحونا
ملك : طلقت ايدين رنيم اني بنقول لي جدي بنقوللهم كل شيء
رنيم : قعدت تساير فيها به حاضر حاضر
شدتلها وجها حانقوللهم مع بعض لما يجي الوقت الي تفاهمنا عليه حنطلعوا براءت آية زي ماوعدناها قدام خوتها حنربوا ولدها الي ولا ولدنا ونكبروه ونكفلوه بالقانون والشرع والله
رنيم : شبحتلهم
الي بدينا بيه لازم نكملوه للنهاية لازم وهذي مجرد عقبات في طريقنا
الوعد الي اعطيناه للمرحومة لازم نوفوا بيه
ملك : وكان فشل كل شيء ومالقيناش آيات اخت آية
رنيم : رنا آكدتلي انها في ليبيا وحانلقوها
انتي اهدي بالله عليك
حضنوا الثلاثي بعض ناضوا يبكوا
.........................................................................
أحمد : اسمع تعرف كيف تو نشري الاسهم متاعه كانهذا
أنور : قسم بالله الا دره الكبيدة ونفخها تي الشركة ليها اليوم 15 السنة وليا اني والطاهر شادينها وامشيين الأمور والحمد لله المكسب قاعد يزيد كل يوم مش عارف منين طلع لزمتي معش ريحني ياراجل
أحمد : خلاص تو نظم أموي ونخش معاكم فيها الشركة ونشري الاسهم لكن لادخلي في ربح لاخسارة لابيع لاشري اني مجرد مستثمر وخلاص
أنور : انت الهالي بكتابتك وكورساتك وتطورك في الطب ومانبي منك شيء
أحمد : زيد اهزي عليا من يوم كبرنا مع بعض وانت هازي عليا والله ماتتحشم والمشكلة اني الي ننقذ فيك ونطلع فيك من مواقف بايخة
أنور : ايوة تو بتتجمل عليا ولاكيف
أحمد : لالا لابنتجمل ولا بنزمر المهم اني الي طلعت دكتور في الاخير
أنور : أخرِي يمشي يمشي ويشدهالي اني الدكتور
تي باهي فهمنا
أحمد : تفووو عليك والله ماتستاهل
أنور : ايوة احترم نفسك والزم احدودك خوك الكبير اني
أحمد: اكبر مني بتسعة شهووور ماينحسبوووش اصلا
أنور : بأقلب اخليقتك حسك صدعتلي راسي ...
أحمد : طلع من المكتب وبعدين ارجع
ااه قتلك
أنور : شنو
أحمد : غدوة واني مروح من المستشفي تو نخطم عالشركة ونتم الأمور
أنور : به
.........................................................................
في ساحة المعسكر ...
واقفين كل الجنود والضباط استعداد في صفوقدامهم. واقف الزعيم
الزعيم : المليشيات والمعسكرات المزيفة كثرت والتمشيط والخنم وأخذ أموال وأراضي الناس كثرت معاهم البوابات الوهمية قاعدة تشوه في سمعتنا
الجنود تحمسوا وبدوا يتكلموا بأصوات متقطعة
أمرنا ياقايد ..... انت أشر واحني نفذوا .... ولايهمك في يوم نصفوهم كلهم
الزعيم : علي طول حسه...... جندييييي استااااااعد
الساحة انهزت من خبطة رجلهم الموحدة
الزعيم : فاهم حماسكم لكن اهالينا وناسنا واطفالنا وحياشنا لو صارت الحرب الي تبوها والرصاص وين بيمشوا حيعيشوا في رعب جديد نفذولهم رغبتهم هما هذا الي يبوه يبو صوت عياط الأطفال وخنبة حياش النازحين وريحة دم الأبرياء
بدي يلف مابين طوابير وصفوف العساكر وحاط ايديه وراه ويتكلم بصوت عالي
الجنوب قاعد يستنجد فينا ناسنا قاعدين يتألمو والمعسكرات بدت تفضي من السلاح والجنود قاعدين يموتوا بالميات
وقف قدام
اليوم دوووركم الاهالي حاصلة في الحياش ومعش قدرت تطلع اخلوا المنطقة بالكامل وتأكدوا من سلامت الكل
وبدوا يجهزوا الجنود في نفسهم وفي اسلحتهم وركبوا في السيارات المصفحة وطلع الرتل متوجه للجنوب
في سيارة الزعيم ..
الزعيم : احني حنمشوا للغابة
الجندي : أمرك يافاندي
.........................................................................
صوت الرصاص تقوة وبدوا العساكر يفقدوا السيطرة
مهند : يتنفس بصعوبة ويطلق في الرصاص
الوضع طلع عالسيطرة الكلاب أكثر مننا ضروري نوصل للدور الثاني
العسكري : تعرف ياافندي كيف انت اركب واني نقعد وراك نحميك
مهند : صاعب نركب ونخليكم
وسمعوا صوت عياط
مهند: تلفت من الي نصاب
العسكري : العسكري عمر
مهند : خليك مقنص ماتقدمش لين انقولك
وناض وقف وقعد مطبس راسه ويجري ويطلق مرة مرة في الرصاص
وصل مهند للجريح وطبس عليه
مهند : حط ايده علي جرح عمر
العسكري خالد : انصاب في جنبه
مهند : خليكم مركزين على العدو
مهند ابتسم لعمر : خفيفة خفيفة بإذن الله
طبس عليه عسكري : ياافندي الحل قنبلة ياافندي
مهند : نشهد بالله الا خايف عليكم الحوش خايخ نخاف انديروا قنبلة يطيح علي روسنا
العسكري : خلينا نلهوهم وانت اركب للرايس متاعهم جيبه بعد نص ساعه ياافندي حانطلعوا بعد نص ساعة ياافندي حيتم تفجير المكان
مهند : وقف تمام
العسكري: اتذكر يافاندي بعد نص ساعه
لبس مهند التام وطلع يجري وطلع وراه العسكري يحمي فيه
ركب مهند للدور الثاني والي يلقاه يطلق في راسه طول
شبح واحد هارب يجري لبد مهند ورا العرصة وشد المليشاوي من رقبته
مهند : وين الرايس متاعكم
الولد : ااه ااه تمام تمام حانقولك في مكتبه مسكر علي روحه بالمفتاح وخايف يبي يهرب من الروشن للجنان الخلفي لانه صحابه وباقي العصابة بعوه
مهند : وين مكتبه
أشر الولد بصبعه . في نهاية الممر اول دار علي ايدك اليمين
مهند : أطلق عليه رصاصة ومات الولد في مكانه
وطلع يجري ضرب باب الدار برجله تكسر الباب وانفتح
وشبح الرايس متعهم انقز من الروشن
مهند : ياكمال ياكلب
خش مهند يجري وانقز وراه وقعد كمال يجري ومهند يجري وراه لين مهند انقز فوقه وشده من راسه وطيحه تحته وقعدوا يضربوا
مهند : ضربه بالمسدس علي راسه
كمال داخ وافشل
مهند : ياواطي ياكلب وين بتهرب من اسيادك ياخواف دايرلي فيها رايس عصابة وتبيع في الحشيش والمخدرات وين السكو
كمال : مانعرف شيء
مهند : تو يبانلك ياواطي وعطاه خبطة صيخه بيها
وسمع صوت تفجير قام راسه شاف الفيلا راكبة فيها النار
تكلم المحول يااافندي طلعت انت بخير ياافندي
مهند: قام المحول واتكلم
تمت المهمه
.........................................................................
ظلام دامس ومافيش صوت غير صوت البومة
فتح الفلاش
الجندي : عشر خطوات ميلا للغرب
الزعيم : عد عشر خطوات ووقف جهة الغرب وعلي طول شبح شجرة عليها علامة اكس بالدم امشي بعد الشجرة بخمس خطوات ووقف
الجندي : فعلا باين التراب كأن حد حافر
حفر الزعيم بإيده ومن الحفرة التانية حس بشيء صلب حركه يمين ويسار وطلع الصندوق الأسود قامه وطلعه
الجندي : اذا فؤاد الله يرحمه
الزعيم : مش آكيد احتمال يكون محبوس عندهم
الجندي : بس كيف حاتفته هالصندوق
الزعيم : من فترة ابعتلي فؤاد مفتاح وماعرفتش شن قصده الواضح انه مفتاح الصندوق هذا
الجندي : نمشوا حضرة الضابط
طف الزعيم الفلاش وطلعوا من الغابة
.........................................................................
في المستشفى ...
مقعمز وسام وحاط راسه علي إيد جواهر ومحمد حاضن راس أمه
جواهر : فتحت عيونها جت بتقيم ايدها شافت وسام
ماما حمودي
محمد : فقتي ماما الف الحمد لله على السلامة
وسام : قام راسه وناض يجري حضنها
الحمد لله على السلامة وبدي يبكي
محمد تحشم من بوه وطلع
جواهر : اني بخير ياحبيبي والله بخير
وسام : اسف اني أسف سامحيني بالله عليك
جواهر : حبيبي مسامحاتك علاش تتأسف
وسام : لكن اني مش مسامحك من أمتي عندك الشقيقة ومن امتي امي تعامل فيك هكي علاش ماعنديش علم بشيء ليش دسيتي عليا
جواهر : وسام بالله عليك بالله عليك مانبيش مشاكل لا مع عمتي ولا مع خواتك بالله عليك
وسام : توة صحتك عندي بالدنيا كلها
حانفسروا المانيا انشوف مشكلة الشقيقة هذي وبعدها لكل حادث حديث
جواهر: حبيبي بالله عليك لو تحبني مانبيش نسافر لاعلاج ولا إقامة وبالنسبة لراسي قالتلي كيسو ورنا المرة الاولي نبعد علي المشاكل والأعصاب بس
وسام : شد ايديها وباسهم مش متخيل حياتي بدونك والله ديريلي بالك علي روحك بالله عليك
جواهر : ابتسمت حاضر
وين أوبي وزيكوا
وسام :خوفت عليك طلع نجري وخليتهم في الحوش
طق الباب وخش محمد
محمد : ماما الدكتور بيخش
ووقف وسام تفضل دكتوور
الدكتور : السلام عليكم
شن حاسة توة
جواهر : دوخة بسيطة بس الحمد لله
الدكتور : من المرة الي فاتت قلتلك لازم تحافظي وبس لأنها قاعدة في البداية ومنبوش لسمح الله انخشوا في مواضيع تانية احني في غني عنها ديري بالك يابنتي وابعدي علي حرق الدم والعياط أهم شيء ماتقعديش تعيطي وتكشخي لانه بتزيد
جواهر : إن شااااء الله
الدكتور : هي أن شاء الله لاباس عليك يابنتي وديري بالك تقدر طلعها توة
وسام : لو طلعتها برة البلاد وشفنا الطب برة عادي
الدكتور : هو نفس الشيء والله بس براحتك
هي تحافظ وتباعد علي المشاكل وانت زوجها تعاونها في الصغار وتخليهاش ادس وتكبت داخلها وتقعد تخمم
وسام : إن شاء الله
شكرا دكتور
وناضت جواهر تساوي في روحها ووسام ومحمد يساعدوا فيها وطلعوها وركبوها السيارة
.....
في الحوش ...
خيرية : بالطنفير الحمد لله على السلامة
خيرها ست الحسن
محمد : شد إيد أمه وركبها للحوش
خيرية : خشت لدار بناتها
خزي الكذابة وكان نعرف اني بس شن دايرة لخوكم ومخلياته يجري وراها هكي
هيفاء : لمن بتطلع اكيد سحارة لي امها هذا كان مش امها الي دايرتهوهالها
نزل وسام من السيارة وسكرها وخش يجري
وسام: يااااام هيفااااء
خيرية : خش في الدار تعااالا
وسام: خش جبد هيفاء وهويدا من شعرهم ويقعد يتلتل فيهم وهما يتعاايطوا
خيرية : ووووه عليا وووه أطلق خوااتك وووه
وسام : يااكلبة يااامسخة شن دايرتلكم باش تعاملوا فيها هكي
هيفاء : وووه عليا راااسي يااام تعاليلي
هويدا: ريتيها ياام حرضاته علينا الكلبة
وسام: وربي مابارد قلبي عليكم
ويمرجهم طريحة
هيفاء : وووه علينااا تعااالولنا
هويدا : ووووه
خيرية : أطلق خواتك أطلق برة ربيي الكلبة الي عندك
جواهر ومحمد من أول مااسمعوا العياط نزلوا يجروا
جواهر : شحت وسام من كتفه
تربح ربي يهديك ان شاءالله خلاص بالله عليك
ودفاته من عليهم وقعدت شداته
وسام : وقف داهش مسح علي راسه
حشمتوني الله يحشمكم واطيتولي راسي بين العيلة
في شن قصرت معاكم ديما وهي تحامي عليكم عمرها مجابت كلمة عيب في حقكم شايلتكم علي كفوف الراحة هذي جزاتها
تلفت لي أمه
هذي الأمانة يام نطلع نسافر بي اسبوعين وبالشهر وانخلي فيها اهني مطمن عليها معاكم علي الاساس
خيرية : مقعمزة تبكي وتخبط علي فخذها
وووك عليك ياخويرة ياحشمت بحدا خوتك والجيران عقاب العمر ولدي يرفع صوته عليا ويضرب في خواته قدامي يناري عليك ياخويرة تعااالااا ياااحااج نوض وتعالا شوف وتفرج هذا وسام الي عابي عليه تعااالا شوف الوصية متاعك ياابااهي
يضرب في خواته علي خاطر مرته ووووك عليك يااخويرة وووك
وسام : الله يرحمه بوي ياام الله يرحمه
هيفاء : حسبي الله ونعم الوكيل فيك يا سحاارة
تلفت وسام جي بيضربها شدته جواهر
وسام : سكري فمك يااامسخة
جواهر : بالله عليك مصاارت
وجبداته وركبت هي ويااه
خيرية : قامت ايدها وناضت تدعي
ياااربي ياااعااالي ورينييي فيييهم يوووم عيلة خوي ومرته السحاارة وبناااتهااا ماعاد يفيقوا ياااربي
وسام : جبد إيده من جواهر بغجرية وخش للحمام وقربعه
زكرياء : خيره بابا ياا ماما علاش يعيط علي ميمة وهيفاء
أواب : ماهو دارتها تحتها ولاا
جواهر : طبست لاولادها لا ياماما بابا كان يهدرز وصوته كان عالي بس
تعالو يامامي اننوا
ودارت المخدة علي رجليها ورقدت أواب وهو يحك في عيونه وخذت زكرياء علي رجلها اليمين
جي محمد اتكا عالباب
محمد : فيه مكان ليا
جواهر : اكيد ياحبيبي ومدت ايها تعالا حياتي
جي محمد رقد علي رجلها
زكرياء : قوليلنا حكاية ياماما
جواهر : كان يامكان في قديم الزمان
.........................................................................
رئام : وعاشوا في سبات ونبات
وتوتة توتة خلصت الحتوتة
طبست لقت نور راقدة ابتسمت
رئام : ربي يعطيني الصبر والقوة ونحميك ياماما بس لو نوصل في بابا يااارب
وقامت نور في غمرها ورقدتها في فراشها
انفتح الباب وتقربع في الحيط
خش وريحة السكير سابقاته ويغني بصوت رزين ويدعدع
وليد : مافيكم عقيدة خوانات مافيكم عقيدة خوانات
رئام : كانت مطبسة تساوي في نور
وليد : وقف ورا رئام وحط ايده علي خصرها اااه حبي وينك النم
رئام : دفاته وشبحتله بتقزز حول البنت راقدة
وليد : وقف شد حيله قبل مايطيح وهز راسه يمين ويسار يحاول يفيق
قرب شدها من ايديها
اني لما نبي حاجة مانستأذنكش
رئام : طلقت ايدها واني اليدين المسخات واليزنوا بالحرام مستحيل نرضى يمسوني
ويهجم عليها زي الكلب الجعان لما يهجم على العظام
رئام : عيطت صيحت خبشت ضربت
بس مافيش فايدة كان أضخم منها بهلبا ومقدراتاش
نور : فاقت وقعدت تعيط ماماااا مامااااا
رئام : خذت السهارة وخبطتها علي راسه وناضت تجري تستر في روحها وخذت بنتها في حضنها
وطلعت بيها من الدار وخشت لدار الضيوف وسكرتها بالمفتاح
رئام : Don't cry, don't be afraid, my little one, it's okay
لاتبكي لاتخافي كل شيء علي مايرام
نور : 😭😭
You were very afraid why he was hitting
you like that
خفت كثيرا عليك لماذا كان يضربك هكذا
رئام : اششش
Calm down, don't think about anything and
go to sleep
اهدئي لاتفكري بشيء واخلدي للنوم
بدت تغنيلها بصوت هادئ وحنية
I'm fighting a battle.

I'm fighting my shadow
Heard fears like they're cattle
I'm fighting a battle, yeah
I'm fighting my ego
Lost youth where did we go wrong
I'm fighting for me though
I'm lighting the long way home

Oh, the past, it haunted me
Oh, the past, it wanted me dead
Oh, the past, tormented me
Oh, the past, it wanted me dead
Oh, the past, it haunted me
Oh, the past, it wanted me dead
Oh, the past, tormented me
But the battle was lost
'Cause I'm still here

I am winning the war now
I'm winning it all now
Watch tears while they fall down
I'm winning the war now
I win against ego
Cast light on the shadow's long
I'm winning from ego
I'm lighting the long way home

Oh, the past, it haunted me
Oh, the past, it wanted me dead
Oh, the past, tormented me
Oh, the past, it wanted me dead
Oh, the past, it haunted me
Oh, the past, it wanted me dead
Oh, the past, tormented me
But the battle was lost
'Cause I'm still here

It's haunted me
Oh, the past, it wanted me dead
Oh, the past, it's haunted me
Oh, the past, it wanted me dead
Oh, the past, it's haunted me
Oh, the past, it wanted me dead
Oh, the past, tormented me
But the battle was lost
'Cause I'm still here

I'm fighting my ego
Lost youth where did we go wrong
I'm winning from ego
I'm lighting the long way home

Oh, the past, it haunted me
Oh, the past, it wanted me dead
Oh, the past, tormented me
Oh, the past, it wanted me dead
Oh, the past, it haunted me
Oh the past, it wanted me dead
Oh, the past, tormented me
But the battle was lost
'Cause I'm still here

It's haunted me
Oh, the past, it wanted me dead
Oh, the past, it's haunted me
Oh, the past, it wanted me dead
Oh, the past, it's haunted me
Oh, the past, it wanted me dead
Oh, the past, tormented me
But the battle was lost
'Cause I'm still here

تمت ......يتبع
🖋نور القمر