المنطق والقدر

الجزء الثاني الحلقة 10

الجزء الثاني من الحلقة 10 ..
مهتمة جدا بتعليقاتكم حول السرد والاحداث........
.
.
قراءة ممتعة 🕊

إسكندر: استغرب
مافهمتكش علاش ضميرك يأنب فيك لأنك سيبتها ؟!
وقف زياد وناض يعيط
زياد : لأنييييييييييي اغتصاااااابتهاااااا اغتصبتهااااا وطلعت خليتها ملوحة خذيييييت اغلي شيء عندهاااا ولوحتهااااا
إسكندر: وقف شنووووووو
وانفتح الباب وخش قايم حاجبه .....
إسكندر: وقف استعداد وضرب رجله والقي التحية
احترااامي يااافندي
الزعيم : قعمز علي الكرسي
شن الي صاير
إسكندر: هذا هذا ااا
الزعيم : انطق منو هذا وشن قضيته
إسكندر: مدله ملف التحقيق
الزعيم : وقف
من هي البنت
إسكندر: توتر وتخزرط ومعش عرف شن يقول
زياد : آية عمار جيران حوش الشيخ نور الدين
الزعيم : شده من رقبته وينها هي توة
زياد : مانعرفش
الزعيم : من هما البنات لي تجري وراهم
زياد : خوات مهند بنت أنور وبنات أحمد واختك الدكتورة بلقيس حتي هي تعرف كل شيء
الزعيم : لوحه عالطاولة يااااوااطي
ووقف وتولي سيارة
إسكندر: ااااامرك وقف استعداد
.........................................................................
في حوش الطاهر..
الزعيم : وقف في الصالة قدام الدروج ويضبح
بلقييييييس بلقيييييس
شمس : طلعت مخلوعة
خيرها شن دارت
الزعيم : بلقيييييس
شمس : تي فهمني شن في
....
في دار نضال ...
نضال ومؤيد سمعوا صوت الزعيم ناضوا مخلوعين يلموا في البضاعة ويدسوا في السبورة والوراقي
مؤيد : فتح البلاكونة وطلع
نضال : ارفعني معاك
ونقزوا من فوق السور
مؤيد : اااه مزطتتني
نضال : أوقف أوقف خير مايكبسنا ويديرنا كبسة
ولعوا الموطوا وطلعوا تسطريب
.....
في الصالة ..
زمرد واقفة قدام الزعيم واستبرق والماسة شادين في بعض وخايفين
زمرد : فهمنا خيرها وين رافعها
الزعيم : ضرب الطاولة برجله طيحها
هياااااا
نزلت بلقيس لابسة عبايتها
الزعيم : اطلعي قدامي
شمس : تي تعالاااا فهمنااا الهمم
قربع الزعيم الباب وراه وماعدلش عليها
فتح باب السيارة لي بلقيس
الزعيم : اركبي
وركبوا السيارة وطلعوا
بلقيس: ااا شن فييي مافهمت شيء
الزعيم : تو تفهمي
لوحلها التلفون
اتصلي بصحبتك
بلقيس : من صاحبتي
الزعيم : بلا عبط الموضوع مش متحمل غباء
بلقيس : كتبت رقم رنا بيدين يرعشوا
........
في دار رنا ..
ترن ..ترن ..ترن..ترن
رنا : ماشية جاية متوترة
رنيم : لوجدي عرف كيف يصير شن المبرر
روان : اااا مش حايعرف يارنا صح
ترن ..ترن ..ترن
رنا : اففف شوفي انتي وياها تلفونك
رنيم : مش تلفوني هذا
روان : قامت تلفونها ولاتلفوني
رنا : خذت تلفونها من فوق الشكماااجة
خيره مافيش رقم
رنيم : بلكي تلفونك مستاكي
روان : ااا اتفكرت مرة مهند اتصل بيا وحتي هو هكي الرقم مش طالع في الشاشة
رنيم : شكله عرف
رنا : قعدت تشبحلهم
ترن ..ترن ..ترن
روان : ردي
رنا : آلو
بلقيس : رنا
رنا : بلقيس هذي انتي نعم
الزعيم: انزليلي لوطة انتي وخواتك
رنا : وييين كيف مافهمتش
الزعيم : اطلعيلي في راس الزنقة انتي وخواتك خمسة دقايق ماجيتيش وربي لما نطلعك من وسط الحوش
رنا : بااهي فهمني شن في وشن بنقول لي أمي
طووط ..طووط ..طووط
رنا : ضعنا احني ضعنا
روان : شكله زياد قاللهم كل شيء
رنيم : أيات هي الحل الوحيد يارنا هي الحل الوحيد
رنا : ضربت إيدها عالشكماجة
المشكلة انها نكرت كل شيء ومابيتش اتجي
نجوى : ياااابنااات انييي ماااشية لي أحلام واهو التلفون قاعد امكم بتتصل ردوا عليها اهو طلعت اني
مللللك سقي الغذي وحولي لي غيث وبوك وجدك صونية بروحهم
رنا : فتحت الباب
باااهي حاضر
استنو دقيقتين وبعدها طلعوا يجروا
رنيم : وقفوا
رنا : شنو
رنيم : ملك في حوش موسى ضروري ماتعرف
روان: لااااء
رنا : صح مش لازم تعرف اصلا هي مش متحملة وحاتقول كل شيء
وطلعوا يجروا للشارع .... وقفت سيارة كحلة عالية
فتحوا الباب وركبوا ..
.....
ملك : راقدة وحاضنة نور الدين
فيروز: جت غطتهم
ملك : فاقت مخلوعة ...نور
فيروز : اهدي اهدي اهوة بجنبك
ملك : تمام مدامه راقد نمشي لي ماما اني ندير دورة وانجي
فيروز : تمام
....
فتحت الباب وخشت نحت سبيدروها
ملك : ماما مااامااا رناااا رواااان انووو
فتحت باب الدار.. مالقت حد
هاذوا وينهم ..طلعت تلفونها من جيب سروالها الخلفي
واتصلت بي روان سمعت التلفون يرن بحداها
لقت تلفون روان ورنيم قاعدين
اتصلت بي رنا
...
ترن ..ترن ..ترن
الزعيم : شبحلها من المرايا
رنا : شبحتها ملك سكرت الخط عليها
روان : رديتي عليها
رنا : حاتقعد تبكي وتنق وووو
وصلوا للمعسكر..
الزعييم درس السيارة من الجهة الخلفية
ونزلوا خشوا من الباب الخلفي
بلقيس ورنا يمشوا مع بعض
بلقيس : نفضحنا عرف كل شيء اليوم جنازة
رنا : اشش تو يسمعنا نفس كل مرة إنكار حتي الموت
روان : اوكي نفس الكذبة
رنيم : مع الاصرار والاقناع
رنا : برافو حافظين درسكم
الزعيم : فتحلهم المكتب
وخششهم قعمزوا الأربعة علي الكنبة
الزعيم : يلا نسمع
روان : علي شنو بالضبط
سكر ايده وضرب المكتب بالقوة خلاهم سكروا عيونهم وخشوا في بعضهم
الزعيم : حلو معناها وصلتكم الفكرة
يلاااا ادوووو انييي نسمع ولو شميت ريحة كذب في الموضوع ياااويلكم
رنا : تمام حانقولوا كل شيء
وتلفتت للبنات لقتهم مفنصين فيها بصدمة
غمزتلهم
رنا : الموضوع انه لي اسمه زياد متهمنا انه في بنت اسمها أية ونعرفوها وداسينها عليه
الزعيم : قام حاجبه اها متهمكم
بلقيس : وقفت ايه ومسكر راسه وصلت الحقارة بيه انه يلحق فينا ويهدد فينا بحاجات مش دايرينها وآخرها قاعد يرشي فينا بالفلوس انه مانقولوش للشرطة انه انسان مريض نفسي وإنه يتخيل في حاجات تصير وهي وهمية
الزعيم : قام حواجبه الزوز
بحاجات مش دايرينها وهو انسان مريض نفسي وهميي
رنا وبلقيس: ايه
رنيم : همست لي روان هاذم شن قاعدين يقولوا زادوا غرقونا
ترن ..ترن ..ترن
رنا : طلعت تلفونها من جيبها وسكرت الخط
...
ملك : خيرها هاذي سكرت علياا بعتتلها رسالة
انتم ويين
......
الزعيم : يعني انتم ماتعرفوهاش أية
رنا : لااا
بلقيس : ابدا
روان ورنيم: نهائي ماسمعناش بيها من قبل
الزعيم : حلو حلو ...
وطلع وسكر الباب
رنيم : وقفت تعيط
انتم شن درتوا شن الكذبة لي غرقتونا بيها هاذي
رنا : اشششش نقصي صوتك
بلقيس : مكانش في حل غير انه نحطوا كل شيء علي زياد يعني حاينحبس اكثر شي سنتين ويطلع
رنيم : لا والله هااه سنتين ويطلع
بلقيس : علي الاغلب
...
نفتح الباب وخش إسكندر ومعاه شرطية وشادين الكلبشات
إسكندر: آسيا
آسيا : أمرك يافاندي
ووقفت عليهم وشدت ايدين رنا
رنا: غر اصبري شن في احنا مادرنا شيء ارخيييني انتي عارفة انا من انكون وربي بكلمة مني يحبسوك
آسيا: وقفت شبحت لي إسكندر
إسكندر: دكتورة الموضوع معش بيدينا توة الموضوع وصل للزعيم وهذي أوامر منه
بلقيس : كيييف
إسكندر : القضية معقدة وكلتا الطرفين ناكرين الموضوع كبيير وفييه شرف
رنا : بس احني مانعرفوهاش البنت ولا نعرفوه هو تبلا علينا
إسكندر: هاذي الأوامر وماعلينا الا التنفيذ
رنا : مدت ايدها بثقة تمام تعالي كلبشي اني حاجة غلط مادرتهاش وطزز فيكم
إسكندر : كلامك هذا لو وصل للزعيم حاتنحبسي شهر كامل بقضية تطاولك وعدم احترامك للاوامر وكلامك وقلة أدبك مع الجندية
رنا : 😠
آسيا : كلبشت ايدين رنا وبعدها بلقيس وصلت لي روان
روان : اوو ميييقاد مش معقوولة خسااارة تلفوني مش معاااي لحظات لاتنسي
آسيا: مصدومة وفيها ومش فاهمة شيء
روان : بالشوية بالشوية ببطئ خليني نتأمل وااااو تجربة من حياتي ولاااا أروووع
قعدت زي المسطولة تتفرج علي ايديها
آسيا : شدت إيد رنيم وقنطت عليها
رنيم : شحت ايدها اااايي بالشوية ديري بالك 😠😡
ديري بالك 😠😡
آسيا : تمام وشدتها مرة تانية
رنيم : حولي تو نمد بروحي
إسكندر: جيبهم
آسيا: شدت بلقيس من ايدها وطلعوا ووراهم إسكندر
قعمزوا في الممر بحدا بعض وماقابلتهم زياد وحارث
رنا : هجمت على زياد وبدت تضرب فيه بايديها
ياولد الكلب ياااكذاب يافااسد وربي لما نمرمدك وربي لما اتختخ في الحبوس ياانكرة
وهو يبعد فيها وساكت
جي إسكندر يجري بعدها من علي زياد
إسكندر: انتي مش طبيييعية مستحيل تكوني طبيعية تبي تنحبسي بالسيف ولاااكيف خييرك اهديييي والا وربي لما نزلوك انتي دكتورة وليك اسمك مجرد تحقيق ماتخلوشي يكمل بحبسكم مؤبد توة
الموضوع كبييير وتوة وصل للزعيم معناها مافيش مهرب الا بكشف الحقيقة والمتهمين يتعاااقبوا
بلقيس : اهدي انتي مش متخيلة انه احني في المعسكر ومكلبشين لو سمعوا الناس برة حايطلعوا اشاعات وكلام شروي غروي غير انه كيف انجوا علي مكان زي هذا وفوووقها خوووي خووووي الي داخل ومش فارقة معاه لي برة اخته ولا برنية اني أختاه مفروض يتستر عليا مش يجيبني ويلوحني ومايعدلش عليا
رنا : بالله احني نقربوله وهكي امالا كان برانية ونتاجروا في المخدرات كيف امالاا
آسيا: حبس بدون رحمة صدقيني ماعندش فرق بين المتهمين الفاعل ياكل جزاته مهما كانت ايده واصلة او واسطة هذا الزعيم
رنيم ؛ محد سألك الهي في شغلك
آسيا : هزت راسها وامشت
رنا : إنكار حتي الموت فااهمييين
مانعرفوا شيء لانعرفوا زياد ولا آية
بلقيس روان ورنيم: تمااام
.......
ملك : اطعم في نور الدين وتلعب فيه
توووت توووت القطار في الطريق امممم ههههه
فيروز: لما انتي بحداه ماتتخيليش لما انتي معاه السعادة الي هو فيها لما انتي مهناش ديما وهو راقد
ملك : شاداته وقماته وحذفاته وشداته وقعدت ادغدغ فيه وهو داهش من الضحك
حضناته وفجأ نقلب ضحكها بكي وبدت تبكي
نور الدين: امماااما ماما هههه
فيروز : قعمزت بجنبها ماتبيش اتقوليلي خيرك من الصبح وانتي تبكي
ملك : زادت قنطت علي نور الدين وتبكي
فيروز : يالله
.................
الزعيم: يعني انت كنت علي علاقة معاها
زياد : رشف خشمه ومسح دموعه ، ايه نعرفها من لما كان عمرها 15 سنة
الزعيم : وانت قولت انك درت عملتك وهربت وتوة روحت ومعش لقيتها
زياد: ايه
الزعيم : وشن علاقة بنات نور الدين بيها
زياد: صداقة قوية بينهم وجيران
الزعيم : اتكاا علي الكرسي .. إسكندر
إسكندر: أمرك ياافندي
الزعيم : ملف مفصل علي آية وعيلتها كامل توة
إسكندر: أمرك .... احترامي ياافندي
الزعيم : آسيا
آسيا : حاضر
طلعت وجت قامت زياد من ايديه وطلعاته
آسيا : وينها روان
روان : اني هههه بشحمها ولحمها
آسيا : تعالي معانا لوسمحتي
روان : نسمح علاش مانسمحش مدامه في أكشن
ومشت معاها تجري
رنا : تشبحلها وغمزتلها
روان : تي مية مية
وخشت للمكتب
رنيم : هاذي مخفوقة حاتفضح كل شيء صدقيني
رنا : عندي ثقة فيها ماتهزيش عليها
داخل المكتب ...
روان : واااااو
حجرة ظلام فيها ضيء خفيف وطاولة في الوسط ومحقق ووراه عسكري وااااااو
الزعيم: يشبحلها ومصدوم فيها توقعها تبكي وتتمسلك
وتنفخهمله بعياطها ونقانها
قعمزي
روان : انقعمزوا ونشربوا حتي الشاهي ماعندكش مشكله
الزعيم : من آية
روان : من آية
الزعيم: نسأل فيك من تكون آية
روان : حتي اني نسأل فيك من آية الي تسأل فيا عليها
الزعيم : ضرب الطاولة بإيده وقنط علي سنونه
ماشي تمام نمشي معاك وين ماتبي
روان : لكن اني مش ماشية لحد ماعنديش وين نطلع
الزعيم : ابتسم علي جنب وقام حاجبه
تمام مية مية وصلت
روان : وين وصلت وانت قاعد ماطلعتش
الزعيم : علاش زياد كان يجري وراكم
روان : وووك عليا فكرتني بقهرتي ووك عليا ماهو رعشة حصلناها مصاريني ياوخيي صبيتهم رجليا رجليااا قريب تكسروا رعشة علي رعشة رحنة ومعش عرفنا الطريق وبعدين مانلقولك الا واحد يجري ورانا ويضبح علينا يا آية نحسبوه مهبول قلنا اكيد مريض وطحنا فيها جري من زنقة لي زنقة ومن محل لي محل ومن حوش لي حوش ولا قال انوقف المنجوه مافيه من صحةولاقال انوقف زي عزوز القايلة في عز الظهر ونحصلهالك رعشة تانية فرخة رنيم ضربت ملك كف جت طايحة بيه وهو زي الكلب جي يجري ورانا مرة تانية والله حتي الفرس تعيا وهو ماعياش
.
وهي تشرح وتتكلم بيديها.
.
إسكندر: يقلب في عيونه وشد راسه
آسيا : هذا شنو ععلي شن تتكلم هاذي مافهمت شيء
إسكندر: راسي خلاص
آسيا : شوف الزعيم مهتم معاها ويسمعلها
.
الزعيم : خوذيها وجيبيلي رنيم
آسيا : شدت روان من ايديها واطلع فيها
روان : اتشح في روحها واتجبد في ايدها
غر اسمعني مزال ماقتلكش شن صار اول مالقينا الزنقة فاضية ورحنا من رنا