المنطق والقدر

الحلقة 4

قراءة ممتعة 🕊
علق واعطي رأيك في الحلقة 🥰🌹
.
.
.
.
روان : تفضلو تفضلو 😱هيييي خيرك
ملك : مسحت دموعها شيء 😣
وجو الصغار يدجااارو ويعيطواا ملوووكة ملووووكة
ملك : فتحت ايديها حباايبي الحلويين 🥹
الصغار : احني اشتحشناك
ملك : وحتي اني
رنا : هي روان ضبحي علي البنات معش وقت
روان: به
ياااقوت : عاالنوووم انت ويااااه
ملك : اااه اااه يااوذني انطرشت خيرك تعيطي
ياااقوت : هييي اقلب وجهك انت ويااه ادمدروا
ملك : اسكتي اسكتي تو نرفعهم
تعرفو العصافير إنهم يرقدوا بكري
الصغار : لالا
ملك : ايه يرقدوا بكري باش ينوضوو بكري نااشطين
وامشت بيهم للدار ورقدتهم وبدت تحكي في قصة
شمس : نازلة من الدرج وتسكر في عبايتها اهو نازلة ياولد اختي هيي وسكرت التلفون
رنا: والله ماصارت ياخالتي وين ماشية والله لما تقعديها
شمس : والله ماصارت ماني قاعدتها تحسابيني عزوزة امالا بنقعمز مع العزايز
هي ديروا بالكم وماتعطلوش في السهر ونووضو بكري
استبرق : ماما بتخلينا بروحنا وبتمشي
شمس : اهو مشاء الله معاكم جعفر وشبحت ل ياقوت
ضحكوا البنات
ياقوت : عادي اصلا
شمس : كلمني علاء قالي امي زادت عليها البردة خلي نمشيلها استبرق والله ماعبية غير عليك انتي وملك الباقي عارفتهم بايرات نوضو بكري وحطي البازين عالنار غدوة خوك متغذي اهني
استبرق : حاضر ماما
شمس : هي بالسلاما
............................................................................
الزعيم : كييف صااار هكيي كييف ولوح الجندي الأول وقام التاني من رقبته شن صااار أدوي
الجندي : مشش عااارف جااانا جاانا اتصااال وقااال الزعيم قااال تررراجعوو
الزعيم : حدفه وحط رجله علي بطنه وطبس شحه من راسه صار الزعيم قال تراجعوا
تعرف شن مصير الجبان في المعسكر هذا ولاالا
الجندي : هز راسه عااارف عاارف
الزعيم : خبطله راسه وضربه علي بطنه
وطلع السلاح ومده للجندي التاني انهيه
الجندي : خذي المسدس ويديه يرعشوا قعد يشبح للجندي التاني كان حاط ايديه علي بطنه ويتألم من الضربة
الزعيم : انهييييه
الجندي : بس يااافندي
الزعيم : انهيييه
الجندي : شد السلاح وجهه علي صاحبه وأيديه يرعشوا وعيونه حمر
خش مهند : زعيم اهدي توة فهمت كل شيء مكانش غلطهم لعبوا عليهم وركبوا صوتي هما نفذوا الأوامر وبس
الزعيم : تلفت وقربع الطاولة برجله  من  امتي نعطي في قرار بالتراجع اني فسدوا كل شيء كل شيء كنا مخطيطله توة غيروا مكانهم وفشل كل الي درناه بسبب غلطة من هذوا الزوز
وجبد المسدس من الجندي وضربه  في رجله وتلفت للتاني وضربه في ايده
الزعييم: ارفعوووهم
الجنود: أمرك ياافندي
مهند : مش هكي تنحل الأمور الشباب ماقصروش وداروا جهدهم ونفذوا الأوامر  هما من اول مجاهم اتصال لخبطهم ومع ذلك نفذوا الأمر منين بيعرفوا انها لعبة اذا كان الصوت فعلا وكأنه صوتي
الزعيم : ضغط ايده قريب عروقه طربقوا وضرب الحيط فش  غيضه فيه
اني اني يلعبوا عليا مفرخ زي هذوا لاكن مية مية هما ابدوها واني ننهيها
............................................................................
سندس : ياااقوت جيبي سفر اللوح
ياقوت : قطعوها قطعوها يااقوت وخلاص
سندس : بري واسكتي
جواهر : رنوا مديلي الشكاير خل نحط الكواغط
استبرق : كيسو سرب الضيء الأبيض مالقيتاش وينه
بلقيس : في دولاب امي شوفيه
رنا: روااان روااان تعالي هاك ردي هذوا في الكوجينة وضميها الكوجينة ماتخليهاش مقلوبة
جواهر : اوكي كل شيء تمام هي نوضوا نلبسوا توتنا
سندس : رنا وين حطيتهم
رنا : في دولاب كيسو اسمعي ماحصلتش حمرا 38 جبتها 40 راه
يااقوت : متخافيش تو اتجيها ماتشوفيش في كرشتها طالعة
سندس : حذفت  المخدة عليها مبرد فيتها الزفت
ياقوت : 🤪🙃
جواهر : والله ناقصنا رئام ناقص الجو بلاها
مبردها  علاش ماجتش  وكلمتها ماردتش
رنا : راجلها الشلال وحق آيات الرحمن قداش ماخاطري نعفجه وهو حارمها من كل شيء جايتني سفار منه
سندس: بالله عليك لما اتجيكم طول اتصلي بينا بغبرتها أختك هذي معش ريناها
رنا : ههه اضحكي تعرفي مرة في الشهر يجيب فيها
كان مش من مهند يمشيلها هو وجدي ولا بابا ويديروا عليها في دورة راهي نستنا
...........................................................................
بعيد علي هالدوشة هذي كلها بجنب الحوض وعلي المعشب بعيد علي عالم الواقع في عالم الاحاسيس والمشاعر ❤️‍🔥❤️‍🩹💭
ملك : ماتبيش تقوليلي شن اسمه
ألماسة : لفت علي روحها الشال وتلفتت للحوض خلي يعدل عليا ويعرف انه في انسانه تحبه ويعرفني
ملك : الي عند ربي مش بعيد
ألماسة : رشفت خشمها ومسحت دموعها مش عارفة كيف طحت في حفرة الحب مش فاهمة كيف صار وامتي مش فاهمة روحي مش عارفة منو أني ضايعة بعيد علي هالعالم مانبيش انفكر شن بيصير بعدين نبي نقعد في توة وبس معش نبي الوقت يقدم تصدقي كل مايتم يوم ويجي يوم تاني نتعب ونخش في نوبة تفكير نحس في قلبي والعة  فيه نار وماتبيش تنطفة ❤️‍🔥
أصعب شيء الحب من طرف واحد
انحس في روحي بروحي في هالدنيا
ملك : حضنتها واني وين مشيت
ألماسة : اصلا كان مش انتي معاي ونحكيلك راني متفجرة
ملك : حطت ايدها علي خذها وتلفتت لي ألماسة احكيلي شن تحسي
ألماسة : 😊 مانعرفش بس انحس في كل شيء كل شيء
غضب هدوء غيرة خوف فرح وسعادة حماس حزن كأبة كل الي نعرفه اني نتصرف بدون مانفكر وقلبي هو الي متحكم فيا مهتمة بأدق تفاصيله شن يحب شن يكره
اكلته المفضلة مشروباته المفضلة وين يطلع وين يمشي صحابه طريقة لبسه جوه وضحكه وأسلوبه
أبسط تفاصيله بدون مانحس لقيت روحي نعرفها
ملك : يااااه كان  الحب هكي اللهم ارزقنا بحد يحبنا زي حبك
يااارب يااارب يجمعكم بالحلال
ألماسة : مسحت دموعها افف ديما لما تجينا واني منكدتها عليك
ملك : خبطتها علي كتفها اسكتي تحشمي صحبتك اني
جواهر : ياقوت ضبحي علي ملك وألماسة
ياقوت : فتحت باب المرش متع الصالة طلعت راسها
ياقوت : ياشعراااااء العرب تعااااالي انتييي وياااهاااا
هياااا
ألماسة : قلبت عيونها وااااك اكثر انسانة مزعجة مش طبيعي صوتها نستغرب كيف قاعد مهربش
ملك : هههه أسس خير ماتسمعنا وتلفتت لي ياقوت جايين هيي
ملك : وقفت ومدت ايدها لي ألماسة
ألماسة : طقت إيدها وشدتها
وخشوا
روان : هي تعالي صوري
ملك : خل نلبس توتي وانجي
رنيم : فيسع
ألماسة : قعمزت امالا وين زيزو
رنا : في الصالون تكلم في صحبتها الي في كندا
ألماسة : واااك البلوة سجي تكلمها تعبيها طاقة سلبية وتقعد تهدرز علي راجلها وأمه وعركاتهم هي وسلفاتها وراجلها مايبيش يطلقها علي خاطر مؤخرها غالي وتنكد عليها وتسكر
📞📱 .....ترن .... ترن 📞📱 ألماسة حي غريبة
فاطمة صاحبتي
ياااقوت : ليلتكم سودة اصبري انتي وياها
وخشت للكوجينة جابت صونية وجت
ياقوت : هاااتي البلي متاعك انتي وياها وجبدت تلفون ماسة
الماسة : عيب البنت تتصل خلي نشوفها
ياقوت : والله ماك رادة عليها هااتي الشطاني مرض وشحاته
الماسة : ياقوت تلفوني علاش هكي
ياقوت: روان سكري البلي وهاتيه
روان : غر اسمعي غر خلي نتفاهموا
ياقوت : جبداته هاااتي جاااي رنيم حطي حطي
رنيم : به اهو صامت وفي جيبي خليه
ياقوت : تييي هااتي
جواهر : اني لااا عيب اني الكبيرة بعدين اني  مرا مزوزة
وزوزي بيكلمني
ياقوت : راجل العازة والقهرة نحلف عليه إلا ساكها نومة وفايتك زوزي قتلك هاتي هاتي قريب صدقتك  تعرفي انك رومنصية
سندس : ياقوت غر هاتي غر بنكتب رسالة لي راجلي اصبري هاتي شوية
يااقوت : خلي الراجل يرتاح منك ومن نقانك
رنا : اني دكتورة والدكتورة تلفونها دائما مفتوح
بلقيس : صح
ياقوت : هاتي انتي وياها
شن هذا الزفت خيركم هكي تو كلكم بتطلعو تتمعشقوا
والله ماكم واخذينهم لاالصبح
وقربعت الباب وخشت تعيط علي زمرد
ياقوت : هاتي هاتي الشطاني يعطيك جمري انتي ومدام نكد وهي لا أطلقت ولا ريحتنا
زمرد : نحت تلفونها من وذنها وحطت ايدها عالسبيكر اسسس البنت تسمع فيك
ياقوت : هاتي وراس أمك وشحت التلفون سكراته   وحطاته مع التلفونات في الصونية
مستحشتيها هالمنكدية علي حسب علمي انتي دكتورة أسنان مش دكتورة نفسية ورحمة حناي كان مكانك راني سكيتها حظر شن هذا انتم خلايقكم خلايق جو وترند
الترند من العام الي فات واحني بنقولو انديروه وماندارش وقداش لينا عليها البيتة ناضت كل وحدة شدت تلفونها وقعمزت شن هذا
زمرد : ااااه ااااه وحطت ايديها علي راسها اااه ياراسي ماعيتيش ماعيتيش دودودودودو اسكتي اسكتي به افهمنا
............................................................................
مؤيد : 2مليون مشاهدة وربحنا الجولة هذا الي يقولوله
نضال : التبزنيس يابرذر
مؤيد : يتصفح في تلفونه اسمع ضروري من سفرة لي روما كلموني الجماعة فيه اجتماع
نضال : تيي لا الزفت قتلوني سكر الببجي وتلفت لي مؤيد كيف قتلي روما
مؤيد : ايه المرة هذي الصفقة اقوي
نضال : اسمع فوتها سادنا الي لميناه خير وبركة
كان نخسرو يامعلم يضيع كل شيء واحني ماليناش سنتين
مؤيد : شن وصلنا لااهني احني ماهو القلب القوي والمجازفة كان مجربناش راهو ماوصلناش ومستحيل كنا انقدموا خطوة وحدة
متخافش حتي كان خسرنا نعاودوا نقفوا مرة تانية
والي يصير عليك يصير عليا
مؤيد : الواحد للكل والكل
نضال : شبحله شبحت مش مرتاح
مؤيد : نضال الواحد للكل والكل
نضال: للواحد 😔
مؤيد : صوت اطربيقة رجلين امي سكر التلفون غطي وجهك دير روحك راقد
ضربه مؤيد غطاله وجهه بالبطانية
نجوي : فتحت باب المربوعة والضيء شافتهم راقدين مطمنتش خشت وسكرت الضيء والباب وقعت واقفة
مؤيد: هوووه قريب كبستنا ونحا البطانية من علي نضال هههه متت ولا قاعد حي
نضال : هاه هاه خشمي تكسر و النفس هرب
مؤيد : كان شافتنا نايضين لما تاخذ التلفونات هاك تلفونك
فتحوا تلفوناتهم وكملوا لعب
نجوي : نحت الشبشب وحذفاته عليهم وخذت الفردة التانية وضربت مؤيد صار دير روحك راقد خزي عليك ياباير ياسفتول هات جاي هات التلفون جاي انت وياه يمين بالله غدوة مانلقاكمش نايضين قبلي تشوفو حسابتكم هاااتت التلفووون
مؤيد : غر خيرك يام والله ماصارت اهدي اهدي خلينا نتفاهموا كله بالعقل والرزانة يجي مش ديما هكي تقولي انتي تو يجي منه هذا مايطلعش عليك والله
نجوي : شحت التلفون ماخذيتش رايك هات التاني
مؤيد : اما تاني وتلفت لي نضال اما تاني
نضال مشعااارف
نجوي : مشيه عالمصرية هات تلفونك التاني
مؤيد : تحسابيني ولد تطانااكي امالا بدخ زوز تلفونات
نجوي : هاته
مؤيد : بالله ماعندي اسألي نضال هاه
نجوي : تي والله كان ترقدوا للسمي وتنزلوا مانصدقكم كذابين بلاش حلف وهااات الشطاني
قامت فردت الشبشب هاته خيرلك
مؤيد : به طلعيه انتي
نجوي : ههه سبيتة هيا هاااته مؤيد نعد للثلاثة مطلعاش نهارك اسود
مؤيد : ريت ياصاحبي شفت جمال امي وانت حاسبني في جمالي وتقولي منين وهو ورثة من امي مقنينها والله
نجوي : دير لسان المصرية توة والله ماك واخذني بلسانك طلع التلفون
مؤيد : به غر قوليلي علاش ماخذوكش من أجمل مرأة في العالم عام 2001 ااه والله انتي من انجلينا جولي سعدوده بوي ولاا
نضال : ايه والله الا صح
نجوي: ضرباته علي رجله
مؤيد : ااااه اخخخخ وقام رجله
نجوي : شحت التلفون مسطردي خزيي علي وجهك
مؤيد : غر هاتي يام بالله عليك يااام علاش هكي هاتي التلفونات وسعي بالك
نجوي : وسعته وسعته ومفلحش فيك اسهر الليل ونوض المغرب ولا صلي ولا عبادة ادمدروا شن هذا وطلعت وسكرت الضيء وقربعت الباب
مؤيد : ههههه جو امي فاتت عليها
نضال : والله خفت تاخذ تلفوني حتي اني
مؤيد : هات تلفونك التاني
نضال : رقد وفتح تلفونه تلقاه تحت المندار
مؤيد : ناض طلع التلفون ورقد
نجوي ولت قربت الباب انخلعوا جو مقعمزين شحت التلفونات الزوز اتفووو كلااب وطلعت
مؤيد قعد مصدوم هو ونضال يشبحوا لي بعض
مؤيد : غر علااااش يااام الزفت الليلة خميس بتكتب السهرية مكسدة النم
نضال : نهدرزوا علي بعض وخلاص
مؤيد : حذف عليه المخدة ارقد وراس أمك
............................................................................
ملك : واقفة ومثبتة التلفون في العصا وروان ورنيم شدين الضيء
ملك : هي جواهر اطلعي وانتي ماسة افتحي الباب لما اطق عليك
وطلعت جواهر لابسة توتة حمرا وشدت سفرتها الي كانت كلها حاجات عالاحمر ولابسة شخشير ابيض فيه قلوب حمر وملك تمشي قدامها وتصور فيها طقت الباب وخشت وبعدها سندس عاللون الأحمر نفسها  وزمرد عالموفي ورنا عالبودري وبلقيس عالبودري حتي هي  واستبرق عالاخضر  وياقوت عالاخضر حتي هي  والماسة وروان عالاصفر ورنيم وملك عالاسود
(قاعد خاطري فيه الترند هذا🤤🥹 )
ملك : اديرلهم في بروموا
............................................................................
ليث : هما يطلعوا يباتو برة الحوش ويتفرهدوا وقربع الدولاب واني حاصل اندور في ام الفانيليا
غيث : ياخرا الدولاب مزال نبوه
ليث : وينها به
غيث : شن هي
ليث : اخت فالينتك الكحلة مالقيتهاش
غيث : منشورة شوفها
ليث : شفتها مهناش
غيث : اتصل بأمي
ليث : شوف الساعة وراس أمك
امي اكيد حتي راقدة
غيث : شوف ملك اكيد سهرين
ليث : اتصل بيها
غيث : اتصل بيها ..... مقفل
ليث : يانعن... تلجت
غيث : واااك نفختهم راااه البس اي حاجة وخلاص
ليث : طلع سروال وادجاكة جلد
غيث : اييي اييي ياااهو قلتلك فالينيا تانية مش لبسة طلعة
ليث : تفكر في الي انفكر فيه
غيث : حي حي وانقز عالسرير والله الا اطلع طول انت
وناض يلبس زي لبسة ليث
............................................................................
نور الدين : فتح ضيء السهارة وامسح وجهه بيديه استغفر الله استغفر الله
وناض قعد يتني في كم سوريته وطلع من الدار
ليث : جبد غيث اسسس جدي ناض
قعدوا واقفين عالدروج يستنوا فيه يخش للحمام (أكرمكم الله )
نور الدين: وقف عالطاولة وصب مية وشربها
ليث : تكلم بهمس في وذن غيث شكله معطل يارا
غيث : اششش
نور الدين: خطم من قدام الدروج
ليث : جبد غيث قريب شافنا
استنوا لين جدهم خش للحمام (أكرمكم الله )
ونزلوا يجروا طاح غيث تكردس في الدروج ولاله ليث قامه وطلعو يتجاروا
في طريق السريع :
ليث : لابس الخوذة ويسوق في الموطو
غيث : مقعمز وراه وطالق يديه
غيث : ووووووووووههه خشيييي وووووه وووووه
ليث : قعد يسطرب في الطريق
غيث : وووووه ياااا دنيااااااا
............................................................................
ألماسة : هاكي ملوكة اهي لقيتها الجيتارة
ملك : خذتها منها جربتها
ااا تبي تعديل ...... وقعدة تعدل فيها
وجو قعمزوا البنات حلقة بجنب بعض
رنا متكية علي بلقيس
رنيم : ادف في روان من عليها
قعمزي علي حيلك
روان : ماعدلتش عليها وحطت راسها علي كتف رنيم
سندس : ألماسة قبل ماتقعمزي حبوبة بالله عليك سكري ضيء الثريا وافتحي الأبيض المخفي
الماسة : به
ملك : بدت تعزف علي الجيتارة
الماسة : جت تجري استنوووني وقعمزت بجنب جواهر وسندس
ملك : 🎸🎶🎸🎶🎸🎵 🎸🎶
       لما بتغيب عن وعيك وتعمل شياء مش طبعك
                    لما فجأة تتغير يعني بتحب
                            🎸 🎶
  لما مافيك تفرق بين الوهم والمنطق لما ما تقدر تفهم
                         يعني بتحب ❤️❣️
                         🎸🎶🎸🎶🎸                          
............................................................................
طلعت الشمس بضيائها🌤وتوسطت في سماء بلادي🏙 الحبيبة وبدت ريحة التراب المبلول بالندوة وريحة الخبزة السخونة ودوشة الناس علي طبور الخبزة
👥️ 👥️🗣هي سقدنا ياحويج  معش وقت عالجمعة
🗣هي هي دقايق بس قريب تطلع من الفرن
🗣بكم كيلو التفاح ياغالي
🗣بخمس دينار ياعم
............................................
نور الدين : صباحك عرب يا صلوحة سقد الناس صلوحة
صلاح : صباح الخير هي هي وطلعت الخبزة سخونة
نور الدين: أعطينا تلاث فرادي صلوحة
صلاح : تعال ياولد شف الشيخ
نور الدين: مسكين هالولد واقف علي راجل وحدة ذهبتله شيرته
العامل : تفضل ياشيخ
نور الدين: الله يبارك فيك
وطلع كمل طريقه في باقي الزنقة
🗣صباح الخير ياشيخ
👥️شن حالك شيخنا
نور الدين: صباح النور صباح النور
اووو ابو عجيلة سلم عالوالد
👤تسلم تسلم
🗣صباح الخير ياشيخ
نور الدين: اهلا اهلا صباح النور
هي ولدي مدلي زوز سنفنزات بالدحي
👤تفضل ياشيخ
نور الدين: الله يرحم والديك
وطلع وقف عالبراكة
المصري : ازيك يا كبير
نور الدين: الحمد لله
المصري : تأمر ايه يابيك
نور الدين: كيلو تفاح وكيلو موز وليم
المصري : علي عيني وراسي
اهو يابيك تفضل
نور الدين: مدله الفلوس
المصري: خل علينا فضلك سابق
نور الدين: تفضل
المصري : دي كثير والله
نور الدين: متنساش تسلم عل الوالد
المصري : تسلم تسلم يا بيك
الله يخليك الله يكرمك الله يفتحها عليك منور والله
نور الدين: كمل طريقه
أيهم : هات عليك هات عليك ياشيخ وخذي منه البضاعة
صباح الخير كيف حالك وكيف حال العيلة والشباب
نور الدين: الحمد لله بخير ونعمة انت شن حال الوالدة
أيهم : بخير الحمد لله
نور الدين: كيف حال خدمتك والورشة
أيهم : الحمد لله يوم في خدمة ويوم مكسدة
نور الدين: وشهادتك متع الطب مزال بتقعد معلقها في برواز
أيهم : الورشة واخذة وقتي ومعندي ليها جهد ومسؤولية  المستشفي
انت شن داير شن جابك اهني
نور الدين: اهو الحمد لله نطول في رجليا كل جمعة انجي علي رجليا اهني انطول في الطريق من الثمانية انخضر وانروح مع العشرة نوصل للحوش
أيهم : ربي يعطيك الصحة ان شاءالله ويطول في عمرك
نور الدين: اجمعين يارب
............................................................................
نجوي : مؤيد ياااامؤيد ياااا مؤيد فيق حرااام عليك ياولدي نوووض كب ادب علينا وتقضيلنا
نووض عاد كثرت علي ماوصوه قداش من الهزايب والنشاف نوووض بالكي
مؤيد : 😴 فووتيني ياام اهو قولي لحناي
نجوي : فتحت الروشن وجبدت البطانية قلتلك نوووض جيب قضية الغذي نووووض توة
ياا يااا مااتي ياانهاري اني خيرني اللطف من دون الناس شن دايرة تحتك يااااربي اني
مؤيد : فاق وهو يدعدع خلاص خلاص اهو فقت 🥱
مية مية شن الجو
نجوي : شن تخرف شن اتقول انت
مؤيد : 🥱 صباحخير
شن تبي
نجوي : افطر وصحصح وبدل واشرب قهوتك وتعالي
مؤيد : تم مية مية
نجوي : سلمه يارب نجيه ننعني مانفقته يارب
مؤيد : 😊☺️
نجوي : هي ياغالي الحمام فاضي خشله
مؤيد : ☺️
نجوي : نوض نضال وكملو والحقوني اني في الكوجينة البرانية
مؤيد : ☺️
نجوي : هي ماتعطلوش اني سبقتكم
مؤيد : 😊☺️
خلاها طلعت من الصالون
وناض يجري قربع الباب وسكره بالمفتاح وسكر الضيء وطربق البرسيانات وسكر الروشن والستار
وله تحت البطانية
نجوي : سمعت الترقبيع ولت تجري
نجوي : اشيه هالسفتول شن دار وبدت اتخبط علي الباب افتح الباب افتح يا مؤيد خيرك هكي معش وقت عالغذي تيييي نوووض
نجوي : مؤيد وتخبط علي الباب مؤيد وتخبط علي الباب ياااا مؤيد افتح حرااام عليك مؤيد مؤيد مؤيد