المنطق والقدر

الحلقة 9

عطلت عليكم هلبا اسفة جدا والله ...
وينهم محبين ومعجبين الرواية نبي انشوفكم
..

قراءة ممتعة ...🕊

ووقف ليث علي درجة الترتيب الأول
و واحد وقف علي الترتيب الثاني
وواحد علي الترتيب الثالث
وجو المدربين والكبار في الدولة وجت الأمم المتحدة كرمتهم
وليث لابس ورا ظهره علم ليبيا ولبسولهم القلايد الفضية
وليث لبسوله قلادة ذهبية
وبدوا يسلموا الرؤاساء والوزراء والمدربين عليهم
وبعدماكملوا تسليم جو الإعلام والمصورين يجروا تكدسوا علي ليث وبدوا يعافروا كل واحد يبي يسئل والامن يحموا في ليث
الإعلام: استاذ ليث لوسمحت يعني في عندنا أسئلة بدنا تجوبنا عليها
ليث : بعد الأمن من قدامه
اتفضلوا
اتكلم صحفي : عفوا شو حاسس يعني شيء كبير بالنسبة لا إلك فهمنا كيف وصلت لاهون
ليث : قبل كل شيء
انقدم هذا الفوز وهذي الجائزة لي بلادي لي ارض الفل والحنة
مش هذي النهاية مزال في قدامي مشوار كبير
بنوصل لي عالميا بإذن الله
صحفية : بس نحنا مافهمنا يعني ليش بلشت بالاخر يعني ليش مادفاعت عن حالك من البداية وبلشت بالهجوم من البداية ليه بأخر عشر دقايق لا حتي هاجمت
ليث : الموضوع انه مااستخدمتش قوتي استخدمت عقلي استنزفت طاقته خليته يضعف ويبدا معش عنده جهد واول ماشفت انه ضعف ومعش عنده مقاومة استغليت الوضع وبديت بالهجوم
صحفية : واااو برافو مع انو هي رياضة قوة
صحفي : برغم صغر سنك يعني انت عمرك 17 السنة وباين عليك اكبر من هيك عقلا وجسما والله بس في السؤال محير المشاهدين والمشجعين
هل انت باقي في هي الرياضة لا الأبد او عند التحاقق بالجامعة رح يتغير تفكيرك وتبطل هذه الرياضة ؟
ليث : شبح للكاميرا وتكلم بثقة
الأعمار بيد الله وعلم الغيب عند الله ورب العالمين مسخر ومقدر حياتي قبل ولادتي فالله اعلم
صحفي : بنفهم منك انك احتمال كبير تبطل تلعب في البطولة
ليث : الحقيقة مانقدرش نتكلم بالمنطق لانه القدر هو الي يحكم
صحفي : مشكر استاذ ليث علي اجاباتك بنتمني انك اضل رافع راية بلدك بكل فخر مثل هاليوم وبتمني انك اضل بطل الملاكمة وترفع راس العرب قدام الغرب
وامشي ليث والصحفيين يلحقوا في يجروا والامن يباعد فيهم وصحفين يمشوا قدامه
صحفية : والله انا بهني عيلتك لانو عندهم بطل مثلك وبهني بلدك وكل العرب واحني مفتخرين فيك
ليث : شكرا ... وركب للسيارة
........................................................................
الليل معروف عليه عيون تبكي وقلوب تتألم
زي
رئام : بنتها راقدة في حجرها وهي مطبسة تكتب في البحث بالانجليزي وتبكي لأنها بعيدة علي أهلها لأنها عايشة مذلولا تبكي لانه عندها بنت زي القمر بس بوها مش مهتم بيها ولا مدور عليها فايتها
خش وليد: نحة جاكيته وقعمز بجنب رئام
مكملتيش قاعدة
رئام : هذا اخر واحد
وليد : تنحنح تعرفي كم حقهم التقرير هذوا
رئام : 3000 مع بعضهم
وعشرة بحوث 30 × 10 =300
وليد : من قالك
رئام : ناسي اني خدمت سنة في شركة بوي
وليد : احم احم اااا ايه
فكرت يعني نستلم فلوس هاذم ونرفعكم لي اماليك
رئام : طاحوا منها الوراقي وبدت ترعش من الفرح
تدوي بجديات بالحق تدوي
وليد : الي يسمعك يقول ماتشوفيش فيهم بكل
انتي الشهر الي فات مهند جي وبات وكلمتيهم وفي العيد امشيتيلهم
رئام : في خاطرها هلبا كلاااام وهلبا دوة وبتناقش
لكن سكتت لانه عارفة الدوة معاه حاتنتهي بطريحة
وليد: نوضي رقدي البنت بجنب نسرين وتعالي طفي الضي
رئام : فهمت مقصده طعت سكرت الضيء والباب ورقدت هي وبنتها في دار الضيوف وطلعت مذكرتها بدت تكتب ...
كلَّ مااتذكر انِّ وافقت علي هذا الزواج بكامل قواي العقليه اتأكد انه لم يكن لدي عقل ....
وسكرت مذكرتها ... تلفتت لي نور باستها لكن نحمد ربي انه أنعم عليا ببنت زيك ياماما ربي يعطيني طولة العمر باش نحقق أحلامك
.........................................................................
اما الليل عند جواهر ....
سكرت الكريمة ودهنت ايديها وسكرت الضيء وفتحت السهارة
جواهر : زعلك مايهونش عليا ياغالي
وسام : مستمر يقرأ في الكتاب وماعدلش عليها
جواهر : وسام حبيبي غلاي
وسام : ولاكأنه بحداه حد
جواهر : وسام الحياة تفاهم وتانزل وتضحية
وسام : عطاها شبحة بايخة
جواهر : علاش الشبحة هذي قلت حاجة غلط
وسام : لاابدا انتي الصح وصح الصح
جواهر : انت غلطك تكشخ قدام الصغار وتتسرع من قبل لاتفهم الموضوع
حبيبي بيني وبينك بروحنا في الدار اضربني اقتلني
بس تعيط وتكشخ عليا قدام الصغار ويكبر النقاش علاش بروحنا ينحل الموضوع
وسام : اني مايهمنيش كلام الي قلتيه الي يهمني علاش ماقلتيليش علي معاملة امي وخواتي ليك
انتي قدرك كبير انتي برنسيسة انتي ملكه أميرة قلبي انروح نلقاك شغالا علاش وفوقها خواتي بدال مايحترموك يلقحوا عليك واضميلهم في. دارهم فوقها
اسمعي ديري في بالك نزول لوطة انسيه
جواهر : لفت ايديها علي رقبته
حبيبي ماتجيش عاد في النهاية عمتي هذي
وسام : قرب منها هلباا .. وغمض عيونه
جواااهر
جواهر : زعلان مني لدرجة هذي
وين جوجو عيوني قلبي حبي
وسام : وجعتني منك طرطور اني تمرضي وماتقوليليش
جواهر : حشاك انت غالي ووالي بس مابيتش نشغلك
وسام : يلف في خصلات شعرها بحنية
واني عندي اهم منك في حياتي
قرب من وذنها
خاطري في بنوتة هكي كرزة زي امها
جواهر : نزلت عيونها متحشمة
وسام : نزل يدغدغ فيها
اليوم عندنا ثلاثة صغار وانتي قاعدة تتحشمي مني
جواهر : حبيبي هههههه لالاغر اصبر طفي الضي باهي هههههه
.........................................................................
اما عند بنات الطاهر
في الدار الأولى...
فيها زمرد وبلقيس واستبرق
بلقيس : انتي اليوم عمرك 27 والعمر يجري
استبرق : صح ومدامة كملتي قرايتك وخدمتي
زمرد : تشبحلهم وساكتة
بلقيس : هو مش غدوة جاي مرة وحدة للمقابلة
زمرد : ايه
بلقيس : خلاص امالا تفاهموا وهدرزوا
وكان عجبك ربي يتمم على خير وكان ماعجبكش ماعندهمش عندنا نصيب وتم الموضوع
زمرد : يصير خير
وتلفتوا لي استبرق كانت سارحة وشادة وردة حمرا كاتفة كيف بادية تفتح
استبرق : في خاطرها
من حطها في شنطتي كان مش صاحباتي من بيكون
وحطتها علي خشمها وشمت ريحتها
فيها ريحة رجالية تجنن
بلقيس : يابنية وين سارحة
زمرد : من منوا الوردة وغمزتلها
بلقيس : شاكله قلبها بدي يخدم وماتبيش اتقول
استبرق : لا يخدم لاسو خليت شنطتي وشيتاتي عالطاولة وامشيت نطلب اني والبنات من الكافتيريا ولما ولينا فتحت الشنطة لقيتها سألت البنات قالو ماعندهمش علم
بلقيس : واضحة هذا معجب
زمرد : وشكله محب مرة وحدة ههه
استبرق : تكلمت في خاطرها
معقولة لكن اني مانعرف حد ولا عمره ولد كلمني
.........................................................................
في دار ألماسة وياقوت ...
ياقوت : تقرا وتحفظ وتكرر وتأشر وتشرح وتدوي مع روحها
ألماسة : متكية علي السرير وسارحة
وتتفكر اخر رسالة وصلتها
محمد : وربي يشهد عليا حبيتك لي أدبك وحشمتك ووعلمك وخشيتي القلب قبل الخاطر يوم الي مااتجيشيش للجامعة نهبل نحس في باقي يومي معكر وجوي مش تمام لين انشوفك وانملي عيني بابتسامتك اعطيني فرصة راني طالب الحلال
اني نعرف عليك كل شيء ونتمني ترضي وتكوني ربة بيتي جاي نسألك موافقة نبعت اماليا ولا في حد في حياتك
الماسة : اني شكله مانعرفاش لكن الي يحس بيه وصلني وفهمته واني قاعدة انحس فيه
لكن هو صحة ليه عجبني وعجبتني جرئته مخلهاش في خاطره وماحد يعلم بيه الاقلبه اعترف بحبه واتشجع
وناضت قعمزت معقولة اندير زيه نعترف لي ميدوا وانحكيله علي حبي المدفون في قلبي
ووقفت عالروشن اهبلتي انتي بعقلك بطيح راس بوك وتربايته وثقته الي عاطيهالك معقولة اديري حاجة زي هذي وانتي عارفتيها حرام بعدين اصلا الي اسمه محمد ولد راجل واكيد شجاع وجريء انتي مش حاتعايريه بيها اما كان انتي درتي الحرام وخشيتي كلمتي مؤيد واعترفتي شن بتحصلي غير عايرك ومعش يوثق فيا
ياقوت : حذفت عليها البيروا
الماسة : اييي وشدت راسها من الألم
ياقوت : ليا ساعة انكلم فيك وين سارحة
الماسة : في المطر الي برة مشاء الله ماوقفتش خيط من السمي
ياقوت : ايه
هي هي سمعي عليا
الماسة : منين العلم نازل عليك
ياقوت : الفاينل قريب وزعيم حالف مانجيبيش 90%
يبطلني واضيع النيابة والسيارة والسعادة
الماسة : امممم
وقعدت تتفرج عالشيت شن هذا حكم دستوري وقوانين شن القرف هذا
ياقوت : لوسمحتي مانسمحلكش تهيني مستقبلي
امالا زيك علاج طبيعي وفي الاخير بتطلعي متدربة
الماسة : به به خلاص اسكتي
ياقوت:غدوة سبت ولاا
الماسة : اييييه عندك زهايمر
ياقوت : قرصتها بلا قلة أدب
وردتهالها الماسة وخبطتها ياقوت علي كتفها ردتهالها الماسة علي راسها
وهذا كله عالصامت باش بوهم مايسمعهمش
وخشت بلقيس لقتهم يتعاركوا
بلقيس : نهار احرش علي العواويل
وسكرت الباب وطاحت فيهم ضرب
ياحمارة ياامسخة انتي وياها ياعيلة ومرة تضرب الماسة ومرة ياقوت
الماسة: 😭😭😭😭 اااه خلاص خلاص باهي باهي
هي الي بدت الاولي 😭😭😭😭
وتلفتت بلقيس لي ياقوت وشدتها من وذنها
اعقلي اعقلي ياعار وربي ومانعبد ياياقوت وربي ومانعبد انخش ونلقاكم تتعاركوا مرة تانية نهاركم اغبر
ياقوت : مغتاظة والدخان بيطلع من وذانها
ولا فتحت فمها بكلمة
جت بلقيس شحت الماسة منوذنها ورقدتها في سريرها وخبطت البطانية عليها
بلقيس : أرقدي حسك مانسمعاش
الماسة: قعدت متجمدة في مكانها وتبكي بالعبرة
بلقيس شدت ياقوت من مرفقها اقلبي زومتك تعالي معاي
وخشت للدار
زمرد راقدة وشادة تلفونها واستبرق تقرا في رواية
زمرد : مااتقوليلش خيرك في هالليل المغبر
بلقيس : قولتلك الصوت جاي من دارهم خشيت لقيتهم يتعاركوا وجبدت ياقوت
بلقيس : نوضي استبرق أرقدي في سريرها
استبرق : اني مافهمت شن دخلني في شني جيت
بلقيس : استبرق
استبرق : نزلت راسها حاضر وامشت لدار ياقوت والماسة
خشت فتحت الضيء لقت الماسة تحت البطانية وتبكي بالعبرة
سكرت الضيء وقعمزت في سرير ياقوت وفتحت فلاش تلفونها تكمل في الرواية
بلقيس : دفت ياقوت وغطتلها راسها ادمدري توة
ياقوت: قلبت عيونها وكاتمة غيضها ماتقدرش تدوي وترد الدوة علي اختها اكبر منها
زمرد : راكم كبرتوا عيب تتعاركوا
ياقوت: ضمي فمك من عليا انتي التانية
واتجيها بلقيس ياكبدي
بلقيس : شدتلها وذنها
شن قلتي عاوديها ترا علي من تلقحي انتي
تأسفي منها توة
ياقوت : اطلقيني
بلقيس : مااتخلينيش نعجنك تأسفي منها
ياقوت : اسفة
ورقدت وغطت راسها بالبطانية
زمرد : شبحت لي بلقيس متع كثرتي
بلقيس : خشت لسريرها
خليها هاذي ماتبيش من يساير
ورقدوا وطفوا الضيء
.........................................................................
عيون تبكي وعيون لاتنام وعيون تاكل في عز الليل ..
روان : فتحت فمها وحشت كاشيك الاندومي المعبي في فم واحد
غيث : بالشويةياهامعة بتكمليها عليا
روان : تتكلم وتاكل وتبلع
كول كول فيسع تخش امي تلقانا ناكلوا في اندومي ليلتنا سودة وبدوا ياكلوا بسرعة
روان : الحمد لله تسلاااما غسل الماعين وادير ببالك تخلي أثر
غيث: تي غر تعااالي يااكلبةة
اشي الحمارة خلتني بروحي
.........................................................................
رنا : وين ملك
رنيم: طلعت مع ميدوا
رنا : وين
رنيم مش عارفة مقالتش
رنا : كثرة طلعاتهم وتوشويشهم
رنيم : انتي عارفة ميدوا متقرب لي ملك اكثر
بعدين متخافيش كان فيه حاجة تو اتجي ملك اتقوللنا
وفتحت روان الباب
روان : هاي ليدي
رنا : هي زودوا نمشوا لي فيروز
روان : اوكي وطلعت تجري سبقتهم
رنا : يامخفوقة
رنيم : 😒 مستحيل تكبر
.........................................................................
في استراحة أنور
مقعمزين عالكنبة ومركزين مع ملك
ملك جايبة سبورة واقفة صغيرة وتشرح عليها
ملك : سكرت الخطاط فهمتوا شن بتقولو وكيف بتتكلموا في اجتماع غدوة
اهم حاجة المراوغة والمسايرة سايروا لابعد حد عندنا هدف يستحق انكم تتحملوا
مش اديرولي زي اخر اجتماع من اجتماع لي حلبة مصارعة
الشركة بدت تكبر وبدت من أكبر شركات إيطاليا
احني عندنا فرعنا الأصلي للشركة روما
الموضوع عجب ممولين دبي وهدفنا حانفتحوا فرع في دبي
نضال : وليبيا
ملك : صعب جدا نفتحوه في ليبيا
مؤيد : علاش الزفت باه والله حاتزيد تكبر الشركة في ليبيا فيه عملاء أملاح الزفت
ملك : سكرت تلفونها وتنهدت في ليبيا لوجينا حاتوخر أسهم بابا وعمي الطاهر في السوق مانقدرش اليوم انكون منافسة ليهم
مؤيد : اصلا الاسهم الي واصلينها هما في السوق عالية راهم اكبر مدراء أعمال في ليبيا
مستحيل نبدوا في مستواهم وحتي اصلا نبوا هلبا سنين اليوم الشركة ليها فاتحة 3 سنين بس
نضال : فكري في الموضوع وخلينا نفتحوا فرع في بلادنا وتبيها مليحة جيبي الفرع الرئيسي اهني
ملك : الموضوع مش سهل زي ماامفكرين راه خلونا توة في الي احني فيه
بالله عليكم بالله عليكم خلوني متهنية عليكم
نضال: تم خلاص ماادوري شيء
مؤيد : ماعندك كان التريس اطمني
ملك : ماهو اني لمااتقولولي فيها ماعندك كان التريس نخاف نرعش اني
نضال : بإذن الله خير ورابحينها رابحينها الصفقة
ملك : شافت الساعة
اووو الساعة 1 عطلنا
امتي طيارتكم
مؤيد : 3
ملك : تمام وطلعتلهم شناطي السفر متاعهم التزموا بالبدالي زي ماامرتبة اني مش اديرولي زي اخر اجتماع سروال جينز وسورية وقرواطة ماادرهوش الكبد انتم مدراء أعمال الهيبة وحسن المظهر اهم حاجة
نضال : مش عارفة خيرك تنرفزتي انتي بالعكس احني درنا هكي عمدا باش نبانوا هكي كيوت
ومؤيد: ايه مش عارف خيرك علي الاساس نبو انبانوا اننا فرفوشين
ملك : 😒
ماشي لاجتماع مش مسرح مصر
وطلعو ركبوا في السيارة وطلع صاروخ للحوش
فم باب الحوش
مؤيد : السيارة بنخليها امدرسة في المطار واحني وين ماشيين
ملك : تمام ماشيين زردة لراس هلال فهمت
نضال : الساعة 5 وتي روحك والنت والسكايب وخليك في مكان هادئ
ملك : تمام توصلو بالسلامة
مش تختافوا خلوكم علي تواصل معاي
مؤيد : تي مية مية
نضال : ولا يهمك سستر
مؤيد : سكر فمك وانت استانست
ملك : سلام
نضال & مؤيد: تشااو
وسطربوا بالسيارة
.........................................................................
في الملحق الي في نهاية الحوازة ...
إسكندر وخالد ومهند
قايمين عمر وطلعوه من الباب الخلفي ركبوه في الإسعاف وسكروا الباب وطلعت الإسعاف
مهند : تم يااسكندر انتم خلكوم معاه في المستشفى وديروا بالكم معاه ماتسايبوشي لين يوقف علي رجليه
اني بنلحق الزعيم للجنوب الدنيا خاشة بعضها غادي
إسكندر: تم ياافندي اطمن
مهند : المعسكر امانة دير بالك
إسكندر: أمرك ياافندي
وركبوا السيارة هو وخالد ولحقوا عمر
ومهند امشي للمعسكر
أول ماخش المعسكر كله وقف استعداد
مهند : وتولي الطيران
وخش جهز نفسه
....
في الساحة ....
ركب مهند الطيارة الحربية
ونسبة الادرينالين عالية وفي قمة الحماس
مهند طار بالطيارة الحربية وانطلق ونسبة السعادة الي في قلبه بروكبه الطيارة الحربية انطلقت معاه
.........................................................................
في جنوبنا الحبيب....
💥💣💥💣💥💣💥💣💥💣💥
مجموعة من الجنود مطبسة ومنبطحين علي بطنهم
ومجموعة فوق الحياش يقنصوا
حاتم : طلع مطبس راسه ويجري وقف داهش
هاااه هااااه احترامي ياافندي
كان راقد علي بطنه ومسكر عين وفاتح عين مركز في القناصة مركز علي كبير المليشيات ويراقب فيه كيف بيحاول يهرب بس مش قادر يطلع
الزعيم : نحا الدخان من فمه وقاعد مركز علي الرئيس
احترمناك
حاتم : قريب يبكي من برود الزعيم واللامبالاالي هو فيه
يااافندي معش قادرين انقاوموا قاعدين يتكاثروا علينا كل مرة يطلعولنا من مكان الشباب معش تحملوا ياقايد
الزعيم : شاف للساعة
10 دقايق 10 دقايق خلي الفرقة 1 توقف ضرب والفرقة 2 تخفف شوية وخليهم يضربوا عشوائي من اول ماتسمعوا التصفير انسحاب تكتيكي انسحاب شنو
حاتم : تكتيكي فهمت بالدفعة تنسحب والقي التحية
وفعلا ماهي الادقائق وخف الضرب وبدي ضرب عشوائي مرة بعد وين
اما الزعيم فقعد مركز بالقناصة شاف رئيسهم من اول مخف الرصاص طلعوه جماعته وقعدوا يحموا فيه ويراقبوا في المكان بخوف اول ما ركب رئيسهم السيارة قاعد مسكرش الباب
الزعيم : صوب عليه وبكل هدوء ودقة أطلق عليه رصاصة في نص جبهته ورصاصة في قلبه
الزعيم: ابتسم علي جنب وقام القناصة وطبطب عليها
روحي انتي
حط المنظار علي عيونه وشاف المليشيات حايسين في بعضهم وخايفين بدوا يهربوا وينسحبوا
الزعيم : قرب ايده وشاف الساعة ⌚️
1 ... 2 ....3✈️🛩
مجرد مكمل عد رقم 3 سمع صوت الطيارة الحربية شوش المحول بعدين تكلم
مهند في الطيارة : من الطيار مهند لحضرة الأفندي
جاهز للعملية
الزعيم : دار صبعه الكبير والوسطى في فمه وبدي يصفر تصفيرا طويلة دركت
وبدت الجنود تنسحب شوية شوية
درست بجنبه سيارة مصفحة عسكرية فتح الباب وركب وطلعت السيارة بأقصى سرعة
الزعيم : شد المحول وتكلم ..... صوّب
💣💥💣💥💣💥💣💥💣💥💣💥
.........................................................................
بعيد علي هالحرب والصواريخ
في أجواء الشتاء الرومنسية .....❤️
وصوت المطر الهاديء الخفيف ....❤️🥹🌧
منزل صغيرون دافيء وريحة كاكاو سخون
ومدخنة والعة فيها نار مضوية ومدفية المنزل الصغير
ملك رنا رنيم روان
مدايرين حلقةومعاهم فيروز مرت موسي مقعمزين قدام المدخنة وملك تعزف علي الجيتارة اما رنيم وروان متكيين علي بعض ومتغطين ببطانية خفيفة
ورنا مقعمزة في حجرها بيبي زي القمر عمره حوالي 8 شهور ومتغطية هي وياه
ملك : تعزف وتغني بكل احاسيسها ومشاعرها وصوتها الحنين الخفيف الجميل ........