المنطق والقدر

الحلقة 3

🖊 الكاتبة نور القمر

قراءة ممتعة 🕊
#رواية المنطق والقدر

ليث : كان عارق ويصب اميا
الزعيم : اضغط قوي قوي
مهند : ليث ركز على وين بتضرب ماتضربش هكي وخلاص غير اسلوبك
الزعيم : هيا واحد اثنين ثلاثه
ليث : قعد يضرب في الكيسة الي في إيد فارس
مهند : ضروري ماتربح ضروري طلع قوتك اتفكر انت بتقيم علم بلادنا علم ليبيا لما تحصل الأول
ليث : قعد يضرب لين طاح دهش
ليث : هاااه هااااه 😮‍💨 خلاص ضغطوا عليا اليوم
مهند : حذفله الفوطة وحذف لي فارس ترمس المية
غدوة نفس الحال يامعلم
فارس : فتح الترمس وشرب اول قاعدة ركز في المهاجم رقم 2 دافع لين المهاجم يتعب وتقل طاقته رقم 3 هاجم وركز علي نقاط الهجوم حذف الترمس وتلقاه ليث
طلع فارس وقربع الباب
مهند : ضرب ليث علي كتفه تعالي ياعقيد تعالي وحضنه
ليث : ههههه عكفه
مهند : لالا ههههه
وطاحو علي بعض ويبدوا يردسوا في بعض
..................................................................................
في فيلا نور الدين
مافيش غير صوت تحريك الكواشيك
غيث : يناشب في ملك من تحت الطاولة
روان : مطبسة راسها وتضحك وخايفة ضحكة رقاصة تطلع منها قدام جدها
رنيم : تشبح لي ملك ومفنصة فيها وتأشر براسها علي جدها وأنور
ملك : تضرب في غيث برجلها وتشبح لي رنيم وتهمسلها بشنو
روان : ههههههههاااااااااهههه خلااص والله معاد اااه اااه نقدر ندسها ههههههاااااهه
غيث : اسكي ياكلبة تو تركز اسكتي
أنور : ضحك معاها هههه انتي ديما ضحكتك متبرية منك
نور الدين: ههه انتي عارفة انه الضحك بدون سبب
روان : تمسح في دموعها قلة أدب
لاكن اني والله الا بسبب وتشبح لي ملك وتضحك
غيث : طبس عليها اسكتي خير متركزش تو تبكي تو نحيه اسكتي
رنيم : آآآآآآه هذا شنو ومدت ايدها تأشر علي ملك
روان : ههههههه وخبطت الطاولة. وطاحت علي الارض من قوة الضحك
غيث : ضرب جبهته وغمض عيونه🤦🏻‍♂️لاا توة شن بيسكتها
ملك : وخرت الكرسي وقفت شنووو 😟😰
غيث : أوقفي اقفي ماااتتحركيش متخافيش بس
ملك : شنوووو😟😰
أنور : غييييث
غيث : به يابوي اهو بنحيه
ملك : ااااااااااه غييييييث مااااماااا😱😨😭
غيث : يقدم وهي توخر اهو بنحيه مااتتحركيش
وقرب وشد العنكبوت الكبيرة الكحلة 🕷من رجلها هااه مصار شيء
وقام ايديه
ملك : آآآآآآه ااااه جدي بابا ومشت تجري حضنت بوها
غيث : قلب عيونه اهو بنبدوا
أنور: ششش خلاص مصار شي
غيييييث كم مرة انقولك زواحفك وحشراتك الي مش مكانها ولا موجود منها في ليبيا ماتطلعش برة المختبر الوهمي الي دايره
نور الدين: انت عارف انه حجات خطيرة فوق ماانها مش مكانها الا إنه سايرناك وقلنا ياالله جي يحب الأحياء ويحب المختبرات والاكتشاف ماقلنا شيء ودرنالك مكان خاص بيك بشرط انه ماانشوفوش الحاجات هذي برة
غيث : قام كتافه ودار ملامح استغراب مجرد عنكبوت بس واي الأوفر
أنور : غيييييث دااارك وغدوة العرض متاعك فوته
غيث : بس 😟 غدوة فروسية واني واحد مننن ...
أنور. غيث بدون نقاش
غيث : شبح لي روان بحقد 😠 اوووف مجرد عنكبوت
أنور : من جنوب أفريقيا الي قريب تنقرض
غيث : ركب للدروج وقربع باب داره
ملك : 😭😭 كانت علي كتفي كانت علي كتفي
روان : ههههه ليها ساعة من اول ماتغذينا
نور الدين: رووااان
ملك : مشت تجري وهي راكبتها حالة هيسترية وتحك في جسمها
خشت للدوش بحوايجها
رنيم : افف اففف توة تصير الشحنة لما بنكلم جدي علي المشي واااك حايقول لا
روان : هههه ديما هكي حظك
رنيم : بطلي بطلي وانتي ديما تضحكي كل شيء عندك ضحك ضحك ققققاا قققققييييي بطلي
روان : ههههه مش متخيلة لو اتشوفي منظرك كيف يضحك
نور الدين : خشلهم للمطبخ وهو يلبس في الحولي يابنات وتو سفرة وابعتوها عندي تريس
روان : حاضر جدي
رنيم : اااجدو
نور الدين: ولاّ للمطبخ نعم
رنيم : ااامع المغرب ماشيين لحوش عمي الطاهر
نور الدين: 😊 وين المشكله ماه ديما تمشوا ولا هما يجو اوكي برو
رنيم ؛ اااا لا المرة هذي غير ااا ماهو ماهو المرة هذي بنباتو
نور الدين: كلكم
رنيم : ايه اكيد
نور الدين: تمام بروا وتو حوايج الجمعة قبل
رنيم : ايه واتيات
نور الدين: لحقوني بالسفرة
رنيم : حاضر وتلفت توتي في السفرة بفرح
روان : ههههه ماهو ماهو هههه مش طبيعية انتي والله
رنيم : حذفت عليها الكاشيك وتي وتي وانتي ساكتة
روان : هههههه
...................................................................................
بلقيس : شن فيها ويين المشكلة وين الغلط
رنا : خذت كوب الشوكلات وشربت وحطاته تلفتت لي بلقيس مافيش غلط ومافيش مشكلة بس ضميري مايسمحليش
بلقيس : جبدت منها الكوب أرقدي أرقدي ضميرك لوحيه
رنا : حطت ايديها في جيوبها وجت قدام بلقيس انلوحه هاه انلوحه اني نحمد في ربي انه ضميري حيء وفي صوت يوري فيا هذا غلط وهذا صح
بلقيس : تشرب وتشبحلها اذا كان متزوج وكانه المهم مع الايام يحبك
رنا : كيف يحبك وهو متزوجك بس علي خاطر الصغار يعني انتي ام الاولاد وهي الغاليا الحبيبة
بلقيس : لا ياماما ام الاولاد هي الأصل وهي الغاليا
رنا : انبحي فعلا انك سطحية لو انتي في مكانها كنتي ترضي تنزل عليك ضرة
بلقيس : بس المريضة هي الي تبي تزوج راجلها يعني راضية
رنا : انتي وحدة تافها وسطحية وقلبك ميت وشحت منها الكوب
ومشت تجري في ممر المستشفى
بلقيس : وقفت تو وين التفكير الغلط باهي شن دخل الشوكلات هاتيه ولاحقتها تجري
...................................................................................
ليث : فتح فردة الدولاب طلع فالينيا ولبسها
تلفت لي غيث الي كان راقد عالسرير وشاد الكلب ويلعب بيه
ليث : وقف قدام المرايا ويسلت في شعره ويشبح لي غيث 🗣 صفرلها وغمزله
غيث : يدلك في الكلب الصغيرون فوتني
جي ليث وأشر للكلب : اششت مستر قريت كمان
وانطلق الكلب من غيث وامشي لي ليث صبله من ماكلته وحطه
ليث : توأم روحي ونزبطك غمزله شن صاير خيره ملك تبكي
غيث : اففف امسح شعره ورقد عالسرير بوك حرمني من فروسية غدوة
ليث : اوووو الموضوع كبير
غيث : مليون مرة انقولهم عاقبني بتلفوني النت ولابتوب والبلايستشن لاكن مع الفروسية لاااا
ليث : شن درت
غيث : شبحله كنا نتغدو وقبل الغدي طلعت 🕷 من قفصها وحاطيتها في الفازوا وحطيتها علي البار باش ماننسهاش لانه بنفحصها شكلها هربت من الفازو تلفتت لقيتها علي رجل ملك قعدت نحاول انشدها لاكن فرخة روان الشلالة وهي تبي مرجة علي الضحك الي تضحك فيه خنست وبدت تضحك ركزبوك لاكن مباش يتكلم باش ملك ماتنخلعش لاكن شافتها رنيم وعيطو
ليث : ههههههه واااو عنكبوت ضخمة علي كتف ملك حي عليك باهي مصاختش
وانت وين عقلك كم مرة بوي قايلك نشبح حشرة ولاحيوان يحاسبك
غيث : هاهاهاها مافي شيء يضحك
ليث : وقف ضحك اوكي خلاص ههه وحط ايده علي فمه
غيث : اسمع بدرق عليا غدوة
ليث : تو نمشي بدالك ومحلولة
غيث : لالا تو تخسرني درق عليا اهني
ليث : بتهرب لالا فكني ياراجل تو توصل لي مهند
غيث : 🙃🥹
ليث : اوووف اوكي بلا شبحة بايخة
غيث : خشييي وطلع
ليث : اهبل ووقف قدام كيس البوكس الي نازل من سقف الدار ولف ايديه بفاشا وابدي يضرب
..................................................................................
ملك : 😭 ااه ااه وتحك في كتفها
طق طق طق 🚪
ملك : مسحت دموعها تفضل
غيث : فتح الباب وكبه راسه ملوكة
ملك : 😔🥺 وتلفتت عكس الباب ممكن تخليني بروحي غيث
غيث : خش وسكر الباب والله ماقص..........
ملك : غيث ممكن تطلع
غيث : جي قعمز بحداها عالسرير وحضنها اني اسف نسيت نغطي عليها والله هربت ماكان قصدي
غيث : تصدقي يحلوو عيونك الخضر لما تبكي
ملك : ضرباته علي صدره وضحكت
غيث : اااه به نبي نفهم اني شعرروبانزل هذا كيف لونه أسود وعيونك خضر 🙆‍♂️🙆🏻
ملك : مزيج بين بابا الأشقر وماما العسلية هكي الانتاج
غيث : لااا به توة العنكبوت السودة متزوجة عنكبوت قهوي بيطلع صغارهم...........
ملك : غيييييث اسكت
غيث : ههههه اختي الجميلة انبصر عليك
به انتي من أما صف معش طولتي ممكن من رابع صح شعرك أطول منك واغلظ من جسمك مش معقولة هكي ضعيفة هلباا هلبااا يخوف ضعفك وقام ايدها ياااا مش معقولة بجد شعرك أطول من .......
ملك : غييييثثثث😭😭😭
ااااه بااابا
غيث : اس اس مش قصدي والله ماقصدي
طلع من جيبه شكلاتة من احلا بنت في العالم
ملك : نقزت وضحكت واااو كندر
غيث : ههههه نعرف دواكم البنات
....................................................................................
ياقوت : ياماتك سوووود نهارك مغبر وتجري ورا الصغار بالعصا وهما يجروا ومتشرتعين ويضحكوا
طلعت استبرق من المطبخ شادة سفرة القهوة هاه هاه خالتو حبايبي ديروا بالكم
ماسة : طلعت وراها بمترد الكيكة والحلوات زمرد ماما القهوة واتية زمرد ضبحي علي بابا
جواهر : بالله مش هذا بس يامات بلي دايرين فيا واني طنش وفنش والله بالطول والعرض ممعدلة
سندس : هييي هيفا الكلبة مايطلع منها قبل لاتتزوجي كانت صحبتنا وحوش خالي وبنات خالي توة خير بلاها
جواهر : مريضة كللله نفاق في نفاق حوش عمتي والله من يوم ماتزوجت خوهم واني كل مرة نعرف بلوة جديدة هي هي مزال مزال شووق شووق هذا موضوع الورثة تو اني ملياش علاقة بيه ولا نفتح فيه معاهم لاكن شيء عبس الا مايسمو بدني بيه
سندس : هييي ديري بالك وخيتي راهو تزلق كلمة هكي ولا هكي والله فارس مايرحمك
جواهر : لالا ماهبلتش مزال
استبرق : وهي تصب في القهوة نبي نفهم اني بس اذا بابا بابا مدخلش فيه موضوع الورثة ومخليه لي فارس ماسدهمش بعد ماركبوله السكر
زمرد : جت قعمزت علي منو
ماسة : اسسس بابا جي قيمو هالسيرة علينا ياسر نكد
الطاهر : شن الحاجات لملازلزة هذي
ماسة : تفضل حبيبي هذا شغل زمرد
الطاهر : اووو دكتورة أسنان وتأذي في أسناني علاش يابنتي هذا غر عارفة الحلو مضر للأسنان
زمرد : ههه اهو نجربو
الطاهر : وين دكتورتنا المغرب بإذن وهي مروحتش كلمتوها
سندس : متخافش عليها بابا مدامها هي ورنا مع بعض خاف منهم مش عليهم
الطاهر : انتي حتي تزوجتي وقاعد لسانك متبري منك
سندس : اني يابابا
شمس : جت قعمزت ايه انتي والله لسان طاول ومتفرعنة
سندس : والله حرام عليكم اني ديما واكلين غداي وعشاي
ياقوت : والله مافي غيري ياماتها سود من مفرخكم زوجناكم ولااا شن تبو عندنا مزاال النهار المغبر
الطاهر : اسكتي عيب خواتك
ياقوت : عيب عليهم كل وحدة عندها ثلاث مفرخ يطلقوهم وينطمروا
راهو حتي النعجة تفقد في ولدها تطلع ادور فيه وانتم لاقلب لانمي
ماسة : غر تزوجي انتي وانشوفوك
ياقوت : اني والله غر نتزوج بس معاد جايتكم
شمس : اما والله ماتتحشمي غر قوليها مش قدامي وقدام بوك
ياقوت : لما نبي نتزوج انقولها من وراكم لاكن اني بنقعد عانس مش متزوجة
الطاهر : يضحك علي بنته والله عارفك بتجلطيني يوم تاني
ياقوت : علاش بعيد السوء
شمس : متزردين اليوم
الطاهر : ياعيني اهو نستني في أنور بيخطم عليا
سندس : خلي نديروا حتي احني وحدة بروحنا
الطاهر : حط فنجانه ان شاء الله في عطلة خمستاش اليوم بإذن الله نلم العيلة كلها عماتكم وخالاتكم زي كل عام
شبحوا البنات لي بعض وعرفوا بوهم مافهمهمش
ياقوت : لا يابابا
شمس : فنصت فيها
الطاهر : كيف ياقوت
ياقوت: شبحت لأمها معش تفنصي فيا
الطاهر : شبح لي شمس خيركم
شمس : عارفها تخرط
ياقوت : لا مانخرطش ولله يابابا خاطرنا في زردة بروحنا عائلة الطاهر وبناته حتي رجالاتهم لا احني الطاهر زوجته شمس ابنته جواهر وابناؤها اااا لا حق صغاااار لاااا سندس زمرد بلقيس استبرق ياقوت ماسة والأخ الي قريب يسجل في كتيب عمي أنور نضال وكبيرنا فارس الذي شهر منذ صغاره بالزعيم
الطاهر : انتي ماتبيش تبطلي هبااال الصغار وييين بيحطوهم خواتك
جواهر : خليها يابوي مهبولة
سندس : لاكن هذا مايعنيش خاطرنا في زردة مع بعض
الطاهر : يصير خير تو نضربها في راسي
هي غزالاتي يسلم ايدكم قهوة تعدل المزاج وكيكة توجع السوسة
زمرد : ولا يهمك قيد الاستعداد
الطاهر : اصلا عيادتك كان مش مني ومن خواتك رهو سكرت
زمرد : خصوصا الي قاعدين مادفعوش وشبحت لي جواهر
جواهر : كح اححح احح
استبرق : سلامتك سلامتك صحة
الطاهر : هههه 😂 طلع التلفون من جيبه ودار عيونه نص فتحة
📱شبر ونص يتصل .... اااا ه أنور
الطاهر : ايوة هكي طول استاحشتني تي ماهو كنا مع بعض في الجامعة
أنور : قلبي مايتحملش فراقك شن بدير هي
الطاهر : ايه ريته هالقلب
أنور : المهم هي زود اخطم عليا
الطاهر : وخيره مش انت تجي بسيارتك ولا ااااه زابط الزكاطة متاعك سيارتك ماتبيش تمسخها يمسخ
أنور : ماهو كانك تسأل علي صاحبك راه عرفته بأنه سيارته في الورشة واقفة لاكن يلا انت حبيبي ومسامحك علي كلامك
الطاهر : غر ماتبكيش بس اهو جاييك
أنور : هي تعالي
وسكر الخط
الطاهر : هي غزلاتي ديروا بالكم ماتبو شيء
شمس : وقفت معاه باش تسقده ربي يحفظك في امان الله سقداته وسكرت الباب وتلفتت لي ياقوت شدوهالي شدوهاليي
ياقوت : شن قلت أني
وجيتها شمس وقعدت تقرص فيها في كل مكان
شمس : يايماتي اني كم مرة انقولك يابهيمة كم مرة انفص فيك سكريها خرارتك سكريها
جواهر : تشد في امها خلاص يام
البنات يضحكوا
ياقوت : وووه عليا ووه احيييه قسم بالله كان مرت بوي راه أرحم
وجت شمس : اسمعيها هالكلبة شن تقوول وجواهر واقفة بينهم تو تعدلي عليها
شمس : الحق مش عليك الحق عليااا معرفتش انربي
ياقوت : هذا كله وماعرفتيش تربي
جواهر : اسكتي بكشة
....................................................................................
أنور : هي بابا اني ماشي غدوة روحو مع العصر قولو لي رنا وكلمو رئام تجي معاكم
ملك ؛ حاضر بابا
أنور : هي سلام
وطلع لي الطاهر
الطاهر : عام عااام باش تطلع
أنور : تي اسكت تي اسكت مكثر دوتك ياراجل جبت البضاعة
الطاهر : تي بضاعة شنو هي طرحة شواء ومبكبكة تو غدوة نبعتوا النيجري يشريهم
الطاهر : حق لقيتك واقف مع دكتور محمد شن لمك عليه ياراجل من يومه وسخ
أنور : شيء سألته خيره مجاش للاجتماع
الطاهر : فوته ياراجل معش تلم عليه
أنور : تي هي واقفة في العمر درت العار
الطاهر : اسكت واسمع اسمع فيروز شن بتقول
فيروز : أنا لا حبيبي وحبيبي ال الي
أنور والطاهر: ياحمامة بيضاء بطلي تسألي
أنور : الله الله علي فن قبل كله ليه معني مش توة ماه من الاول قتلك خليني مش توعدني وترخيني مافهمتش حتي شن قصده
الطاهر : لبز شهرة وخلاص
أنور : هي هي رد رد فيروز
فيروز : انا لاحبيبي وحبيبي ال الي ياحمامة بيضاء بطلي تسألي
...................................................................................
في عالم الشهرة والتيك توك الي كان مقلوب ببث مؤيد ونضال الي كانت كل بثوثهم اقل مشاهدة ليهم نص مليون وكل بث قالبينه هذا مصدر رزقنهم او بالاحري هذا شغلهم لاكن بث اليوم كان اقوي المشاهدات وصلت مليون مشاهد
نضال : هييي هي يلا هي
مؤيد : هي هي عاصم عاصم وحدة بس
عاصم : لالا مانبيس
مؤيد : ماتبيس تي غر هي
عاصم : شن تعطيني معلم
مؤيد : حاجة ماصارتش بكل
عاصم : احلف ترا
مؤيد : والله العظيم ماصارت
نضال : يضحك عالجرية الي دارها مؤيد لي عاصم
عاصم : وقف وبدي يرقص ونضال ومؤيد قايمينها هي هي هي
نضال ومؤيد : اااه الي درته فجنبية تحب تلعب بيا
وعاصم يغني ويرقص مع الاغنية
والمشاهدات تزيد والتفاعل يزيد
....................................................................................
تعويضة : كلمي مهند يجيب البنات مدامكم بايتين
سمية : حق والله استاحشناهم
هويدا : حق خالتي والله جيت قلت اكيد بيجو
فدوي : متكية بيمشوا لي حوش الطاهر
تعويضة : من الطاهر
نجوي : تقرض في المعدنوس صاحب أنور الروح هذا حتي لما جو ساعتها لي غريان اقروا اهني هو معاه من صغرهم مع بعض
تعويضة : اااا هذا الي مرته شمسة
فدوي : ايه شمس.
هويدا : خذيلك توة تصوير وفخفخة أكيد ليلة مقيومة
نرجس اختها : ايه والسم الهاري الي مدايرينه بياكلوه
هويدا : انتظري الستوريات غدا
نرجس : امممم امالا زينا نكد في نكد
هويدا : هي نوضي للمربوعة نطلعو في البث مع مؤيد
نرجس فاتحة علي بث مؤيد الزفت شوفي الجو المشاهدات التعليقات هذا كله عليه ماني يا ماما
هويدا : من قالك اصلا انتي شن فهمك فيه التيك توك
نرجس : ههه ماما توة من مزال مايعرفاش حتي العيل تلقيه فاتح حساب وينزل في محتوي وفاتح بث
فادية : ماما نرجس هويدا نوضوا حبيباتي اطفو عاطنجرة
نرجس : احني نخدمو ماه خدمات واللات بيمشو بيديروا ترند
....................................................................................
🔔🔔🚪🔔
ياقوت : هي هي
فتحت الباب يامرحبا يااهلا
خشت بلقيس مدت ايدها
ياقوت : اني مش عليك شن نبي في خليقتك وانتي ماشركتيني في كل شيء حتي من الدار والصحبات
بلقيس : مهبووولة ياماما كم مرة انقولكم ارفعوها مستشفي المجانين
روان : ههههههه وخبطت ايدها وطبست من الضحك
ياقوت : جت الشلالة
رنيم : ايه جبناها معانا ماهو شلالة
روان : هههههه حتي كلامكم زي وجهكم
وجو الصغار يجروا ماالاااك مللك
رنيم : اهلا كتاكيت ومدت ايدها
الصغار : وخروا وين ملووووكة
روااان : بأعلي صوتها ههههههههاااهاااهاييي حتي الصغار خافو منك وهههههههه
رنيم : تحشمي
شمس : محلاها آنسة ضحوكة خشوا خيركم واقفين عالباب
روااان : هههه كيف حالك خالتي شمسة
شمسة : تفضلو حبايبي وين ملك ورنا
رنيم : مشو للمحل شوية وجاايين
وجو البنات وبدو يسلموا والصغار يعيطوا نبوووو مللك ويين ملك
جواهر : اهي شوية وتجي يا ماما اسكتو سندس عيب انت وياه خيركم
جواهر : اسسس خلاص
والصغار شادينها عياااط
جواهر : يااازعييم زعيييم تاعللهم
روان : هربت الضحكة وتلفتت لي ماسة ان شاء الله الوحش قاعد
ماسة : زعيم هههه لالا غر نخوفو في الصغار بس
روان : 😅😟 نحسابه قاعد
رنيم : تلفتت لي سرير استبرق استبرق بطلي قرايا خلاص جينا نغيروا في الجو خيرك
استبرق : قامت نظاراتها خلاص والله اخر صفحة
روان : امتي تتخرجي
استبرق : خلاص توة اني في السيم السابع مزال الثامن بس
روان &رنيم : بالتوفيق ان شاء الله
ماسة : وانتم شن خاطركم تخشوا
روان & رنيم : هندسة معمارية
ماسة : 😂 حتي هذي مع بعضكم
روان & رنيم : اكيد
استبرق : نزلت نظاراتها حب للمادة ولا تبو مع بعض
رنيم : حبا للرياضيات
روان : واني علي خاطر التصميم وكيف تصممي داخلي
وانتي كيف ماشية معاك الصيدلة ياام عيون ملونات
استبرق: حلوة وشغلها نضيف والاحلي انك تتعلمي تصنعي أدوية وكريمات تجميل كيمياء
روان : هههههه تعلمتي كيف تحولي الخشب الي ذهب
ماسة : هههه قوية هذي
رنيم : شبحت لي روان بقرف مبردك وتلفتت لي ماسة وانتي تخصصتي ولا مزال
ماسة : مسحت دموع الضحك ايه السيم هذا تخصصت علاج طبيعي
روان : خشيتي تحاليل زي سندس
ماسة : اني خاطري علاج طبيعي
روان : به تعالي دلكيلي ظهري وديريلي مساج
ماسة : قققق
رنيم : اووو جواهر شن تخصصها
استبرق : هندسة كهربائية راجلها مباش يخليها تخدم قاللها شن بتخدمي بيها بدت تقري في مدرسة ثانوية رياضيات
وسندس تحاليل تخدم في مستوصف وزمرد أسنان وياقوت قانون
روان : مفروض فتحتو عيادة بروحكم
رنيم : حذفت كريمتها عليها قولي مشاء الله عليهم أن شاء نقيم راس بوي
روان : والله ماك ضيقتيها الكريمة
....................................................................................
ملك : شن مزال
رنا : طلعت الورقة وبدت تخط وملك تكر في السلة المعبية
اللون الموفي كم
ملك : من كل شيء زوز واللون الأحمر زوز واللون الأزرق زوز
رنا : الأخضر واحد والاصفر واحد والبودري زوز
ملك : هما احسبيهم جواهر وسندس وزمرد وبلقيس واستبرق وياقوت وماسة روان رنيم
رنا : خالتي شمسة مزال
ملك : شدي خلي نمشي نلقطلها حاجات عاللون الخشبي
رنا : زي شنو مافيش مشروب قهوي
ملك : تو ناخذه اني اللون تو نركب مشروب الطاقة
رنا ؛ اكحل ع
ملك ؛ عادي اصلا جايبة توتي الكحلة
رنا : شن باهي مافيش هلبا حاجات
ملك : تو انركب سنكرس ومارس وبسكويت القهوة وبطاطس توريتوس الكحلة والي نلقاه
رنا : به اجري
وخذت الكريسة ووقفت عالكاسة
رنا : نزلت نظاراتها حي حي هذا مهند خوي نهار اسود كان يشبحني ووه عليا ووه سلم خوي خف شوية يرحم والديك
ملك : جت بحدا رنا كملت
رنا : تعرفي خش مهند
ملك : مهند
رنا : اشش ايه هييي اهو متتلفتيش
ملك : زمطت ريقها حي حي وووه علينا غر ان شاءالله مايعطش قدام الناس
جي امهند وقف
صاحب الكاسة: تفضل أفندي تفضل غالي
مهند : طبس علس رنا اطلعي اقلبي وجهك شن طلعك في الوقت هذا شن مقايل عليها الطلعة هذي اني
رنا : ااااا مهند مش توكة الليلة انت واحني
مهند : قنط علي سنونه اطلعي
ملك : طول الوقت مسكرة عيونها وتتخيل في مهند انه بيضربهم وبيكسر المحل كله
رنا : شحت ملك وطلعو
مهند : احسبلي هذوا بروحهم وهذوا بروحهم
صاحب الكاسة : اااتبعك البنات
مهند : عطاه شبحة كيف قتلي
صاحب الكاسة : لا قصدي تبعك البضاعة
مهند : اخدم خدمة وبس وضرب عالطاولة بإيده وشحه من رقبته ولاخاطرك تشوف النجوم في النهار وحذفه علي الكرسي
في سيارة رنا
ملك : بدت تبكي
رنا : ااس خلاص مصار شيء شن الي يبكي فيك
ملك : انتي بروحك خفتي
رنا : تي عيوني ماقدرتش نقيمهم نرعش مع بعضي
رنا : أسس خلاص به مهند تو نفهمه
وجي مهند زي الثور الهايج وفتح بابها افتحي الكوفيني وبري في الطريق وراي
رنا : هزت راسها وهي ترعش ولا قامت راسها
مهند : حسابك مزال عليها هيا طلعت العشيء أذن وقربع الباب
وجو 3 عمال شادين الشكاير ويحطو في الكوفينو ويولو جيبو في البضاعة
مهند : ولع دخانه وواقف يستني في العمال يكملوا
طلع ورقة خمسين عطاها للعامل
العامل : لالا خلاص كل خالص تمام
مهند : حطهاله في جيبه وطبب علي كتفه
العامل : متشكر أفندي وامشي
مهند حط الدخان في فمه وفتح الباب بالقوى انزلي اركبي التالي
نزلت رنا وهي ترعش
رنا : به
مهند : وخر الكرسي ولاكلمه ولاصوتتت
شن طلع امك في وقت زي هذا اتصلتي بيا اتصلتي بي ليث وغيث اتصلتي بي موسي لاكن عاااارف دين امك اني طالعة بدهوري عارف جايك يوم ناخذها منك السيارة ومعش نخليك تخدمي عارف قاااايلك مليوون مرة بعد المغرب معش تطلعي تدرس السيارة ان شاء الله بتموتي ماتطلعيش بعد المغرب الا معاك واحد مننا لاكن ماعندكش من يحكم فيك سااايبة عندك لمن دايرة قدر
رنا : علاش الكلام هذا اني هكي عارفني هكي اني
مهند : فعلا والله معش نعرفك معش نعرفك وهو يجري بأعلي سرعة وملك بحدا شادة راسها وتبكي
ملك : خفف السرعة نوصلو واقتلنا
مهند : سطرب تسطريب في جنان فيلة الطاهر انزلي احسن مانذبحك لأمه وربي الشيطان واقف قدامي انزلي
نزلو رنا &ملك ونزلوا البضاعة
رنا : أمسحي دموعك درهتي الكبد وعطتها اميا
ملك : مسحت دموعها وغسلت واجهها وغيرت نفسيها مجاملة وطق باب الفيلة ومهند كان واقف في السيارة ويستني فيهم يخشو
روان : تفضلو تفضلو هيييي خيرك

ملك :

.........يتبع