အင်မော်တယ်ကမ္ဘာမှစားဖိုမှူးလေး ရှီယု ( 1 - 500 Final) ( Completed )

231 - 235

အပိုင်း၂၃၁

ညရောက်လာချိန်မှာတော့ ဗဟိုကွင်းပြင်ကြီးတစ်ခုလုံးက မီးရောင်တွေကြောင့်လင်းထိန်နေတယ်။အထူးသဖြင့် လူအများရဲ့အာရုံစိုက်ခြင်းခံနေရတဲ့ စင်မြင့်ကြီးပင်...

ရှီယုတို့တွေ ဒီနေရာကိုမလာတာရက်ပိုင်းလောက်ပဲရှိသေးတယ်ဆိုပေမယ့်လဲ မလာတာတော်တော်လေးကြာသွားသလိုမျိုးခံစားနေရတယ်။

နားနေခန်းထဲမှာတော့ ကျောင်းအုပ်ကြီးနဲ့အကြီးကဲတွေက သူတို့လက်ထဲမှာရှိတဲ့ လင်းဖန်တို့ပြိုင်ဘက်တွေရဲ့အချက်လက်တွေကိုကြည့်နေကြတယ်။

ဒီညပြိုင်ရမယ့် သူတို့ရဲ့ပြိုင်ဘက်တွေရဲ့ကျင့်ကြံမှုအဆင့်တွေက သိပ်မမြင့်ပေမယ့်လဲလင်းဖန်တို့တွေသေချာအလေးနက်ထားပြီးတိုက်ခိုက်လိုက်ကြတယ်။

အထူးသဖြင့် ဖုန်းလျိုနဲ့ချီချူးယွင်တို့ပင်..သူတို့ရဲ့လက်ထဲကလက်နက်တွေကအသစ်တွေဖြစ်နေတာကြောင့် အခုမှအသားကျအောင်ကိုင်နေကြဆဲပင်..

ဒါကြောင့်ပဲ သူတို့ရဲ့လှုပ်ရှားမှုတွေကအရင်လောက်မသွက်လက်ပဲဖြစ်နေကာ တစ်ယောက်ချင်းပြိုင်ပွဲမှညအမှတ်တွေအများကြီးဆုံးရှုံးထားတာကြောင့် အသင်းလိုက်ပြိုင်ပွဲမှာပါရှုံးတော့မလို့ပင်။

ဒါပေမဲ့လဲ ထိုကဲ့သို့စိတ်လှုပ်ရှားရင်ဖိုစရာမြင်ကွင်းကြောင့်ပဲ ပရိတ်သတ်တွေက သူတို့နေရာမှာကိုယ်ချင်းစာပြီး သူတို့အတွက်စိုးရိမ်ပေးနေကြကာ ဖုန်းလျိုတို့တွေဘေးကင်းတာမြင်တော့မှပဲ သူတို့ရဲ့နဖူးပေါ်ကချွေးတွေကိုသုတ်လိုက်ကြရင်း လက်ခုပ်လက်ဝါးတီးကာအားပေးလိုက်ကြတယ်။

ဒါကြောင့်ပဲထိုညမှာ သူတို့အတွက်ပရိသတ်တွေအများကြီးရသွားခဲ့တယ်။

နောက်တစ်နေ့မှာတော့ လူအများက လင်းဖန်တို့အဖွဲ့က အားနည်းချင်ယောင်ဆောင်ပြီးမှရန်သူကိုအနိုင်ယူရင်းပရိတ်သတ်တွေကိုဆွဲဆောင်နေတယ်ဆိုပြီးပြောနေကြတယ်။ မဟုတ်ရင်သူတို့ရဲ့လက်ရှိအဆင့်အရဆိုအစောထဲက ပြိုင်ဘက်တွေကိုအနိုင်ယူပြီးနေပြီလေ..

တစ်ချိန်တည်းမှာပဲ တချို့လူတွေက လင်းဖန်တို့ရဲ့ပြိုင်ပွဲကို သူတို့နဲ့အပြိုင်ကျင်းပနေတဲ့ မီးဝံပုလွေအဖွဲ့နဲ့ အဖွဲ့နဲ့နှိုင်းယှဥ်လိုက်ကာ  တကယ်လို့သူတို့၂ဖွဲ့သာထိပ်တိုက်ရင်ဆိုင်ကြရင် လင်းဖန်တို့ရှုံးမှာပဲဆိုပြီးပြောနေကြတယ်။