အခန္း (၂၁)
အမွတ္တရ အမာ႐ြတ္ေလး
"ဒီေန႔ ဦးေႏွာက္က ခ်ီးေတြနဲ႔ပဲ ျပည့္ေနတယ္ထင္တယ္...ဘာမွကို ေရးလို႔မရပါလား..."
လက္ေတာ့ပ္ဖန္သားျပင္ေပၚက စာေၾကာင္းမ်ားကို သွ်န္ေဝး စိုက္ၾကည့္ေနခဲ့ၿပီးေနာက္ ဘဝင္မက်စြာ ညဥ္းညဴလိုက္သည္။ ရွည္လ်ားေသာ ျဖဴဥဥ ညာလက္ညိဳးက ကီးဘုတ္ေပၚရွိ "delete " ခလုတ္အား စိတ္မရွည္စြာျဖင့္ႏွိပ္ခ်လိုက္သည္။ ထိုအခါ ေရးလက္စ ဝတၳဳအပိုင္းတစ္ပိုင္းလုံးလည္း အကုန္ပ်က္သြား၏။
သက္ျပင္းရွည္တစ္ခုႏွင့္အတူ စာၾကည့္မ်က္မွန္ကို ဆြဲခြၽတ္လိုက္ၿပီးေနာက္ သူ႔မ်က္လုံးႏွစ္ထက္ကို လက္ႏွစ္ဖက္ျဖင့္ အုပ္ထားရင္း...
"တစ္...ႏွစ္....သုံး...ေလး.....ငါး....."
ကိန္းဂဏန္းမ်ားကို ျဖည္းညင္းစြာ အသံထြက္ေရတြက္ျခင္းျဖင့္ ဂဏွာမၿငိမ္ျဖစ္ေနသည့္သူ႔စိတ္မ်ားႏွင့္ ဘူပိတ္ေနေသာ သူ႔ဦးေႏွာက္ကို ေအးေဆးျဖစ္ေအာင္ အနားေပးေနခဲ့သည္။ ယခုတြင္ ကိစၥတစ္ခုေၾကာင့္ သွ်န္ေဝးဘက္က ေတာ္ေတာ္ေလး စိတ္ရႈပ္ေထြးေနသည္။ အေၾကာင္းကမူ မေန႔ညက အိပ္ရာထဲတြင္ သူႏွင့္ေနေဒြးဒံတို႔ႏွစ္ေယာက္အတူတူအိပ္ေနၾကသည့္အခ်ိန္တြင္ ေနေဒြးဒံက သွ်န္ေဝးမ်က္ႏွာကို ပြတ္သပ္ေနရင္း...
"ေမာင္....ကိုယ္ ေနာက္အပတ္ေလာက္....US ကို သြားရေတာ့မယ္။ FBI Agent ေတြနဲ႔ အလုပ္တူတူလုပ္ဖို႔ဆိုေတာ့...တစ္ႏွစ္ေလာက္ၾကာႏိုင္တယ္။ ဒါေပမဲ့ ဆရာေက်ာ္စြာေျပာတာေတာ့ ႏွစ္လတစ္ခါ၊ တစ္လတစ္ခါေလာက္ေတာ့ ကိုယ့္ႏိုင္ငံကို ျပန္လာလို႔ရတယ္တဲ့။ ဟို ေမာင္နဲ႔အဆင္မေျပျဖစ္ေနတုန္းက ကိုယ့္ဆရာကမ္းလွမ္းတာကို လက္ခံမိလိုက္တာ...ဆရာက ဟိုဘက္မွာ ကိုယ့္အတြက္ register တင္တာ အဆင္ေျပသြားလို႔။ အဲဒါ..... ေမာင့္ဘက္က သေဘာမတူရင္ ျငင္းလိုက္မယ္ေလ။ "
သွ်န္ေဝးဘက္က ေတာ္ေတာ္ႏွင့္ ျပန္မေျဖလာခဲ့ေပ။ ထို႔ေၾကာင့္ ေနေဒြးဒံမွာ သွ်န္ေဝး၏မ်က္လုံးမ်ားႏွင့္ မ်က္ႏွာရိပ္မ်က္ႏွာကဲကို ေသခ်ာေလ့လာေနၿပီး သွ်န္ေဝးဘက္က တုံ႔ျပန္လာမည္ကို စိတ္ရွည္စြာ ေစာင့္ေနခဲ့သည္။ သွ်န္ေဝးကမူ ယခုတစ္ႀကိမ္၌ ေနေဒြးဒံကို ထပ္မပိတ္ခ်င္ေတာ့ေပ။
YOU ARE READING
Eternal Sunshine {The Criminal Syndrome} //COMPLETED //
Romanceနှလုံးသားရဲ့ အမှောင်မိုက်ဆုံးနေရာမှာ အလှပဆုံးဖြာကျနေတဲ့ နေရောင်ခြည်လေးဟာ မင်းပါပဲ။ မင်းပေးတဲ့ မေတ္တာတွေကြောင့် ပြိုလဲလုဆဲ ငါ့ကမ္ဘာဟာ တစ်ဖန် ရှင်သန်ခွင့်ရခဲ့ပေါ့။ စိတ္တဇ၊ အရိုင်းဆန်လွန်းတဲ့ ဒီ universe ထဲ လမ်းပျောက်နေတုန်း မင်းသာ ငါ့ရဲ့လမ်းပြကြယ်၊ ...
