Eternal Sunshine {The Criminal Syndrome} //COMPLETED //

CHAPTER 22 (U)

အခန်း (၂၂)
အလေအလွင့် လမ်းဘေးခွေးလေးတစ်ကောင်

"Thank you for the dance. Well, it was fun while it lasted, wasn't it? You know this may sound silly but I don't know who you are...not that really makes any difference."

"Doesn't it?"

"No..not at all. I discovered you myself that's smartest thing I've done this evening."

"Thank you"

"but..you're just matter of statistics...you know. Who are you?"

"Who am I? I am your mother's maid."

ခရမ်းနုရောင်မျက်ဝန်းထဲတွင် မင်းသားနှင့်မင်းသမီးနမ်းနေကြသည့် ပုံရိပ်တချို့က ကြည်နူးဖွယ်ကောင်းအောင် အလင်းပြန်ထင်ဟပ်နေသည်။ ရှေးခေတ်ဂန္ဓဝင်ရုပ်ရှင် classic movie များ၊ အထူးသဖြင့် Black & White အဖြူအမည်း အချစ်ဒရာမာရုပ်ရှင်ဇာတ်ကားများကို ကြိုက်နှစ်သက်သော သျှန်ဝေးအတွက် ထိုအဖြူအမည်းရုပ်ရှင်က သူ့ကို စိတ်ဝင်တစားကြည့်ရှုချင်လာအောင် ဆွဲဆောင်နေခဲ့သည်။

သို့သော်လည်း သူ့အတွက် ဂန္ဓဝင်ရှေးဟောင်းဖြစ်စေ၊ မော်ဒန်ဖြစ်စေ အချစ်ဒရာမာကားများကို တစ်ယောက်တည်း ကြည့်ရှုခံစားရသည်က အနည်းငယ် ပျင်းရိငြီးငွေ့စရာ။ ချစ်ရသူပခုံးပေါ်မှာ ခေါင်းမှီကြည့်ရရင်တော့ ပိုစိတ်ဝင်စားဖို့ ကောင်းပေလိမ့်မည်။ တီဗီရှေ့က ဆိုဖာခုံပေါ်မှာ တစ်ယောက်တည်းထိုင်နေရင်း သူ့ဘေးနားက လွတ်လပ်နေသောအငွေ့အသက်လေးတစ်ခုကို လွမ်းဆွတ်နေမိ၏။ ဤနေရာလွတ်လေးထွက်ခွာသွားခဲ့သည်မှာ ၄ လကျော်ပြီဖြစ်သည်။ မကြာခင် ခရစ္စမတ်နေ့ကို ရောက်ရှိလာတော့မည်ဖြစ်သည်။ ဤနှစ်ခရစ္စမတ်ကို ချစ်ရသူနှင့် ဖြတ်သန်းရတော့မည်ထင်ထားခဲ့သော်လည်း မဖြတ်သန်းနိုင်တော့ပေ။ ထိုအစား တစ်ကိုယ်တော် ခရစ္စမတ်ဖြစ်လာတော့မည်။

သူတို့နှစ်ယောက်တွဲကြတာ တစ်နှစ်ပင်မပြည့်သေးခင်မှာပဲ ထပ်မံ၍ကွေကွင်းကြရပြန်သည်။ နေဒွေးဒံ ပန်ရာကနေ US ကို ထွက်သွားခဲ့ပြီးနောက် သျှန်ဝေး၏နှလုံးသားမှာ စက္ကန့်နှင့်အမျှ ဟာတာတာနှင့် ဗလောင်ဆူနေရသည်။ ယခုသူ့အား "မင်း အဆင်ပြေလား" လာမေးသည့်သူတစ်ယောက်များရှိခဲ့လျှင် ထိုလူအား ရယ်မောစွာ ပြုံးပြလျက် ကိစ္စတုံးပေးမိလောက်မည်။