Unicode
"အန်တီ .. အန်တီ မောင့်ကိုကြည့်ပါဦး အဲ့လိုကြီးမနေပါနဲ့"
သျှားခက်မာန် ၏ နာရေးကို မောင် ကိုယ်တိုင်စီစဉ်ပေးသည် ။ ယနေ့မနက်တွင်တော့ မောင် အပါအဝင် ဒေါ်ကျော့ကေသီ နှင့် ယဉ် ပါအတူ ခက် ၏ နေအိမ်သို့ရောက်နေလေသည် ။
ကြီးမားသော ဧည့်ခန်းမကြီးရှိ သျှားခက် ၏ နာရေးဓာတ်ပုံလေးရှေ့တွင် သျှားခက် ကြိုက်တတ်သည့် အစားအစာများနှင့် အဝတ်အစားအသစ်တစ်စုံ နှင့်အတူ သျှားခက် သဘောကျသည့် ကစားစရာတစ်ချို့ကို ချထားလေသည် ။
သျှားခက် ၏ နာရေးဓာတ်ပုံလေး ဘေးတွင်တော့ ခက် ဟာ ထိုင်နေသည် ။ ခက် သည် မနေ့ညထဲက ယခုထိ မျက်ရည်တစ်စက် မကျသေးပေ ။ တင်းခံထားသည်ဟုထင်ရသည် ။
"အန်တီ .. ငိုချလိုက်ပါ အန်တီရယ် အဲ့လိုကြီးတင်းမခံထားပါနဲ့ မောင် မကြည့်ရက်ဘူး"
ခက် သည် သျှားခက် ဆုံးသွားသည့် ညထဲက မည်သူနှင့်မှ စကားမပြောပေ။ မောင် သည် ခက် ၏ လက်ဖဝါးနုနုလေးကို အသာကိုင်လိုက်ရင်း ..
"မောင် ရှိပါတယ် အန်တီ .. ငိုချလိုက်ပါနော် အဲ့လိုကြီးမနေပါနဲ့"
ယခင် က ထိုအိမ်ကြီးထဲတွင် ပြေးလွှားဆော့ကစားနေသည့် ကလေးငယ် တစ်ဦး၏ ပုံရိပ် ။ ယခင် က ထိုအိမ်ကြီးထဲတွင် အသံဆာဆာဖြင့် အော်ဟစ်ငိုတတ်သည့် ကလေးတစ်ယောက် ၏ ငိုသံလေးဟာ ထာဝရ တိတ်ဆိတ်သွားလေသည် ။
~ တီ တီ တီ ~
ထိုစဉ် မောင့် ဖုန်းကလေးသည် သူ၏ အိတ်ကပ်ထဲမှ အသံမြည်လာသည် ။ ခက်၏အနားမှ အသာလေးထကာ ဖုန်းကိုင်လိုက်သည်။
"ကျွန်တော် သတင်းကြားပါတယ် ဦးမာန်ထက် လွတ်သွားတယ်ဆိုတာ"
" ... "
"ကျွန်တော် သူ့သား နာရေးမှာပါ"
" ... "
"ဟုတ်ကဲ့ ကျေးဇူးပါ"
ဖုန်းချပြီးသည် နှင့် အနားသို့ ဒေါ်ကျော့ကေသီ ရောက်လာသည် ။
"ဘယ်သူတွေလဲ သား"
"စခန်းကပါ ညက ဦးမာန်ထက် လွတ်သွားတဲ့ကိစ္စရော အခုသူ့ကို ဝရမ်းထုတ်လိုက်ပြီတဲ့"
ESTÁS LEYENDO
Daddy Wife (Completed)
Romance"မောင်မငိုရဘူးနော် နာကျင်စွာမုန်းလိုက်ပါ" Own Creation ။ Starting Date - 24.8.2023 Ending Date - 15.12.2023
