ضماد الغوث

البارت ٨

روايه : ضَمـاد الغوث
الكاتبـه _ بَنين نَجم
.
علقووو بناتتت
.
.
_ ميلاف
.

نص ساعه واسمع العياط گب جوه .

ركضت فتحت الشباك اباوع منه بس صوت غوث وهوه يصرخ بحنجرته او هوسه يمه

سحبت شالي ونزلت ركض اريد بس اوصل حسيت الدرب صار عليَ شطوله

طلعت لبرا واني اشوف غَوث كاعد على صدر واحد من الولد وبالش بي ضرب

كلها عليَ ملتمه يردون بس يوخرو وهوه يسب ويضرب بي

موده ايدها على حلكها وتبچي بهستيريه وابتهال تضرب على خدودها وتصيح ابني راح

_الموقف وگف گلبي قبل عقلي .

ركضت عليها درتها علي خشمها نازل منه دم حضنتها لصدري مصدومه هيه حضنتني بقوه تبجي بهستيريه .

سحبه ابوي مقيده من وره طاح على ركبه ويصيح عليَ بقوه ويرفس بأبوي يريد بس يهده باوعت للولد الكض وجهه يدغمث بوجع .

غوث :: افنيككككك فنيييي يا سـ* لكككك هدونييييييي انتَ هدنيييي .

ميلاف :: ولج شصايرررررر .

لابده بحضني وتبجي بقوه باوع حوليه بجنون تمركزت عيونه عليها

دفع ابوي وتقدم علينا بسرعه كض زندها وسحبها مني بقوه يسحل بيها للبيت سحل

ركضت وراهم كضيت زنده نترني بقوه ورجع يسحب بيها وهيه بس صوت نحيبها طالع محاولت حتى تبعده عنها .

رجعت طلعت يمهم كضه ابوي من ياخته وكومه .
وسام :: شصاررر ولككك احجي .

سحبه عمي منه الي هوه ابو وكالـ
محمد :: امشي نحجي جوه وسام هلحركه ابد ما مقبوله منه .

ركضت لصاله لكيته يفتر وكلشي كدامه يكضه يكسره طيبه وجنات واكفات اباب غرفه جَمهر مبينات توه كاعدات .

صفن بلگاع وهوه يمسح على شعره بقوه رفع عينه علساعه سحبها وشمرها بكل ماعنده من قوه على الحايط

باوعتله بصدمه وصرخن البنات باوعلهن بخزره ونقل نضره الي

ميلاف :: غوثث .

حجيت بهدوء احاول استعطفه حتى يهدئ
تقدمت منه وهوه چنه عصار رجع انتجى على الباب كاعد وكاض راسه باثنين ايده

يسحب نفس بقوه يحاول يهدئ دخلو كلهم هوه كام بسرعه راد يهد على عزيز وهوه يسب بي بالفاظ مايلبس عليها ثوب .

كضه اخو الثاني الي هوه فؤاد يحاول يهدي لو جنى على روحه لزمه من ياخته وجابه بكله على راسه صرخن البنات وركضله ساحباته عنه

اجت ابتهال تلعلع وتحجي وجَمهر ما فكت حلكها واكفه عصفحه وشبه ابتسامه على شفتها خزرتها حركت حاجبها باعجاب .