ضماد الغوث

البارت ١٨

روايه : ضَماد الغوث
الكاتبـه : بَنين نَجم
.
_ هلا ياروحي شلونكم كلش اعتذر علتأخير كله بسبب دراستي اعوفه وارجعله

حسابي بلتيك توك استخدمه لكلشي تابعوني عليَ b bi_18iii

_ التصويت لتنسو وعلقو احب تعليقاتكم + متتخيلون شكد تسويلي واهس اكتب وبس يروحي
قراءه مُمتعه .
.
.
_ ميلاف
.
.
فتت واني گلبي ينبض بقوه عكد مامتوتره عيوني من رجعت لسه بس تبچي

الندم كاتلني عليَ وعبالك اني الصوبته شكله شلون متوجع كدامي مجاي يروح من بالي

باوعتله واطمنت من نضراته مابيها فد نضره كره تجاهي منحرچه منه حيل اصابته چانت بسببي

موده :: تعالي يروحي .

تقدمت ناحيته وكلت بهدوء منزله نضري الاصبعي الي شوي وينكسر عكد ما اعصر بي

ميلاف :: الحمد لله عسلامه .

غوث :: الله يسلمج .

باوعتله بسرعه عاصره على اصبعي بقوه وكلت
ميلاف :: شلون صرت ؟!

كال بابتسامه التعب بعيونه
غوث :: كلش زين .

رمشت بعدم راحه واني ادري بي متوجع بس مايحچي كلت احاول ابرر موقفي

ميلاف :: باوع اني اسفه .

_كالـ باستغراب قاطب حواجبه بتسائل ..
غوث :: ههه وعليمن اسفه !؟

ميلاف :: هوه :: باوعتله ورجعت نزلت راسي بنفس الحظه وكملت بغصه :: كله بسببي .

كلتها وغطيت وجهي بأيدي تاركه دموعي تنزل براحتها من جديد حضنت موده الحضنتني وكالت

موده :: ياروحييييي .

غوث :: صدك چذب شهلتفكير هذا ميلاف باوعيلي .

_ باوعتله راسي على چتف موده ضحك وكال
غوث :: دخيلك ربي شوف حلاتها من تبچي .

بعدت عن موده الضحكت امسح بعيوني بطرف قميصي كال

غوث :: كافي والله مابيه شي تردين اروح اكتل علي حتى تتاكدين ترا ماتوجعني !؟!

ابتسمت بخفه على كلامه واني امسح بعيوني ابتسملي بهدوء ساند نفسه على المخده الورا كال

غوث :: تعالي كعدي هنا .

اشرلي بحواجبه انو اكعد يمه على السديه كلت هازه راسي بنفي

ميلاف :: لا ماله داعي .

غوث :: كعدي ارد احاجيچ .

باوعت الموده الي قدمتلي الكرسي كعدت عليَ وهيَ وكفت بصفه زين سوت والله

غوث :: اي ميلافيي .

باوعتله كالـ
غوث :: منو هذا وليش هيج سوه تعرفينه !؟