ضماد الغوث

البارت ٣٧ والاخيرر .

روايه : ضماد الغوث
الكاتبه : بَنين نجم
.
_ السلاممم عليكم شلونكم يروحي طبعًا اسفه واتمنى مايجي فد انتقاد على هلبارت لان راح اسرع احداث بي تمام عيناي
.
.
قراءه مُمتعه .
.
.
_ ميلاف

طلعت تبارك والبنيه من الاربعين وكل يوم نسوان جايات للبيت يباركن الها ، غيث وعلي طايرين بلبنيه من ايد الايد ضاله

اما عن غوث بس يشيلها لهديل ويضل صافن بملامحها ، اجه اليوم الي دخل غوث وغيث وعلي للبيت

_ صاح غوث
غوث :: وينجنننن ؟؟

چنه كاعدين ثلاثتنه بغرفه غيث يم النيه گبل كمنه طلعنه سوه

موده :: ها ؟؟

ميلاف :: شكو ؟؟

تبارك :: ها ؟؟

غوث :: بدلن .

ميلاف :: ليش ؟؟

غوث :: هسه دبدلن بلا اليش يله بسرعه ؟؟!

تقدم غيث بوجهه بشوش اخذ هديل المكمطه يبوس بيها واحنه رحنه بدلنه على السريع اني نزلت طَيف يم ياسر واسر وطلعت

تلاگينه ثلاثتنه بلصاله ضحكنه وطلعنه الهم نتسائل وفوگ هذا كله جَمهر طلعت بس تسال واحنه كله مادري مادري

طلعنه برا صعدنه بلسياره علي ويانه اني وموده وغوث ، وغيث ويَ تبارك وهديل

مسافه طريق مو حيل طويله هيج اكثر من الربع ساعه تقريباً او وصلنه كدام بيت چبير ، نزلنه او غيث سيارته ورانه طبگت

نزلنه وحده تباوع بوجهه الثانيه بيت منو هذا المن جابنه ، غوث تقدم طلع مفتاح من جيبه فتح الباب وفات ، خفيت ابتسامتي من شكيت بلسالفه

دخل واحنه ورا الحديقه داير مداير البيت حيل جبيره وحلوه وشكله من برا حيل مرتب وكف كدامنه ابتسم بوجهي وكالـ

غوث :: بيتچن الجديد .

باوعنه البعض مصدومات وسالن اثنينهن سوه واني بس اضحك بذهول

_ هااااااا !؟

علي :: اي اشترينا سوه شبي مو حلو؟؟

موده :: ياي يجنننن .

غوث التفت يباوع عليَ اني ضحكت او كلت
ميلاف :: صدكك يعني ثلاثتنه بي ؟؟!

غوث :: اي حبيبي .

ضحكت بفرحه وتذكرت من كتله اريد ثلاثتنه سوه وهز راسه ، كضينا ايدين بعض وفتنه شفنا من جوه حيل مرتب وچبير وكامل

موده :: عزااا هاي صارلكم شكد تسون بي !!!؟

غوث :: اهووووووو .

علي :: انكسر ضهرنه بي .

موده :: بنيتوووو انتو شنووو !؟

علي :: ههههه اكيد لا بس چان ناقص حيل مثل هذت الواحد .