روايه : ضَمــاد الغوث
الكاتبـه _ بَنين نَجم
.
.
________
_ميلاف
بسرعه اتصلت عليها ثوانِ وردت بسرعه كلت
ميلاف :: تبارك !؟ شصاير .
موده :: فتحي سبيكر .
فتحته سكتت ثوان وباوعنه لبعض بصدمه اني وموده مِن سمعت شهكتها .
ميلاف :: ولججج تبارك لطيحين گلبي شصايرر امي بيها شي !! انتِ بيج شي شكوووو ليش البچي !!!
انفتح الباب ودخل غيث يباوع باستغراب حجت هيه من بين شهكاتها .
تبارك :: ميلاف ميلاف يردون يزوجوني لطاهر فدوه لحكيلي فدوه ماريده .
فتحت عيوني بصدمه وصحت
ميلاف :: شلوننن وليششش وشوكت !!
تبارك :: ابوي ابوي ماصدگني من كتله يتحرش بيه جذبني ميلاف جذبني وصدگه ليش مو اني بنته مو اني اوله ليش هيج .
زمخت بيها بعصبيه
ميلاف :: ومن اكلج عاررر تسكتيني .
سكتت بس صوت شهكاتها تنسمع كلت بسرعه
ميلاف :: شوكت هلحچي .
تبارك :: ماعرف بس امس فلشت الصحن براسه وصارت قصه واجه ابو يحجي ومن كلت يتحرش بيه كاله خل نزوج جوز البنيه نيتها غير شي .
ميلاف :: شنووو نيتها غير شيي .
تبارك :: قصده احبه واريده الحقيرررررر وضن بيه هيج كدامهم حتى نزوجج الگلببب النذل .
سحبته مني موده تحاجيها وتهدي بيها غيث واكف ويباوع باستغراب سحبت منها الجهاز وكلت بسرعه .
ميلاف :: سمعي تبارك جايه اني تمام بس خل اقنع ابوي ساعات واكون يمج لاتبچين عيوني .
تبارك :: تمام خيه
تبارك :: تمام باي .
سديته منها كال غيث .
غيث :: شصاير !؟
ميلاف :: طاهر يصير ابن عمها وبس يتحرش بيها ماذي نفسيتها واصله بيها كاسره الصحن براسه وهسه يردون يزوجوها اله .
غيث :: صدك چذب شهلعقليات هاي .
ميلاف :: غيث حباب تاخذني انتَ اذا ابوي ما اخذني حباب .
غيث :: ميلاف للبصره وين يقبل ابوج !؟
ميلاف :: يقبل يقبل احاول ويا .
غيث :: خوش حاچي .
ميلاف :: اي .
ركضت لغرفه ابوي اخذت نفس ودكيت الباب بهدوء فتحته ودخلت كاعد يباوع على التليفون ويدخن
ميلاف :: بويه .
وسام :: ها بويه !؟
تقدمت عليه كعدت بلكاع كباله وكلت .
أنت تقرأ
ضماد الغوث
Science Fiction# الروايه خياليه من اصل احداث ومعلومات واقعيه . . الوصف . . عيون ضاغنه .... نفوس حاقده ..... ارواح لئيمه ... . لكـن . من يرا الودَ كيف لا يروقهُ يجرحونها ويداويها ... يؤلموها ويشافيها ... ينكرُونها ويراضا ... غرفتهِ مسكنهُ ... اب...
