ضماد الغوث

البارت ٢٥

روايه :: ضَماد الغوث
الكاتبه :: بَنين نَجم
.
.
_سلامممم لتنسو التصويت عيناي + تعليقاتكم تهمني
_ شبعووو بچي يهلبارت 
_ قراءه مُمتعه
.
_ ميلاف
.
.
صفن بوجهي وانيهم مدري شصابني بسرعه كمت جاي اطلع بسرعه نسحبت عليَ

كعد على حيله كاض ايدي ويباوع لوجهي بصدمه كال بكل هدوء وصدمه

غوث :: چذب ؟؟

سكتت ماحاچيته سحبت ايدي منه بهدوء ضغطت عليها بسبب كميه التوتر الي اني بيها حالياً رجعت باوعتله نقل نضره من ايدي لوجهي كلت

ميلاف :: هوه لا موچذب بس مادري مامتاكده .

كال بسرعه
غوث :: شلون يعني ؟؟

باوعتله انقل بنصري بين عيونه وكلت بسرعه احاول اتهرب من الموضوع

ميلاف :: اهوو مادري غوثث مادري خل اروح  .

غوث :: اوكفي لا تعاي تعاي كعدي احچيلي واني افهمج  .

سوالي مكان بصفه وربت عليَ بخفه بمعنى تعالي يمي ، كعدت يمه وگلبي يضرب بقوه تربع كدامي وكال

غوث :: اي احچيلي شلون انتِ هم تحبيني ؟؟

ميلاف :: هوه ما اعرف بس من تجي يمي گلبي يضل يضرب بسرعه ومرات من تجيك النوبه اخاف عليك هاي مو من علامات الحب ؟؟

نهيت كلامي وباوعتله بتسائل هز راسه بخفه وشبه ابتسامه باينه على طرف ثغره كال

غوث :: اي ومن تصفنين بوجهي وتلمسين شعري هاي همَ علامه من هلعلامات   .

لانت ملامحي بصدمه توسعت ضحكته كلت بارتباك
ميلاف :: لا شنوو  !؟

كال بسرعه ياشرلي بايده اشوف الفرحه بوجهه
غوث :: كومي نزلي كومي  .

بدون اي تفكير كمت بكل سرعه عندي نزلت ركض للغرفه گلبي يضرب بلثانيه الف يمه شسويتي ولج من شوكت تحبي تصخمتي كون !!
.
.
_ موده
.
متمدده بكل تعب عَ الجربايه ودموعي كل مايذكرن كلامه يرجعن ينزلن

غمضت من انفتح الباب ابطئ ورجع انسد حسيت بي من كعد بصفي ساكت بـ 10 دقايق لحد مانطق

غوث :: موده  .

فتحت عيوني متردده التفتله كال
غوث :: باوعي ..... مادري منو بينا الغلط بس كعدي خل نحل السالفه   .

كعدت على حيلي مسحت دموعي بردن ملابسي منزله راسي وشابكه ايدي ويَ بعض على رجلي

ما باوعتله مدري ليش بس سمعته من تحسر تربع كدامي وكالـ

غوث :: اني اسف لان غلطي نفس غلطچ بس الفرق اني من دريت عطت بيج وانتِ لا :: باوعتله كمل :: احب ميلاف وتجي لحظات الزم ايدها واروح اكعد يمها وحدنا عادي متحچين شي اما اني بمجرد ماسمعتها من حلگ ميلاف مو منج ضليت اصيح عليج ، اثنينه غلط مو ؟؟