على صدر بدوي مايعرف إلا الشعر وأنتي❤️

في غربتي ضايع

ذياب كان إنسان محافظ وغيور جدًا اذا حب يحب حب تملك وكان وحيد ومايحب مخالطة الناس أما هيا كانت العكس خلق وفرق
هيا إنسانه اجتماعيه تحب تروح وتجي وتنبسط
اتصلت هيا على صديقتها وجدان وعزمتها في بيتها العصر
وجاء وقت العصر وجت وجدان لهيا وسلموا على بعض
هيا : اشتقت لك ياحقيرررره وينك
وجدان : اكثررررر الحين ويني انا ولا وينك انتي ماتدقين ولا ترسلين
هيا : اخ ياوجدان عندي لك سوالف كثيره صارت احداث من بعدك
وجدان : عسى ماشر وشو
هيا : قامت تتكلم عن ذياب وكيف تعرفوا على بعض وكيف انقذها
وجدان : ابي رقم ذياب اخر حبه ذا
هيا : وجع
وجدان : تغارين بعد !!!
هيا : واحبه
وجدان : حبتك القراده
هيا : بس تراه بدوي
وجدان : بدهشه !!! بعد !؟ هيون انتي من متى جوس البدو ؟ انتي حتى النياق تذلين منها
هيا : انا وش دخلني في النياق احبه هو مو النياق
وجدان : حبك زق
هيا : ياوجدان احسني وقعت في الحب ومحد سمى علي
وجدان : طيب واذا حبيتيه وطلع يحب بنت عمه ترى ذي حركات البدو !
هيا : فال الله ولا فالك بسم الله علينا
وجدان : ههههههههههه عاد انا علمتس وبكيفس
هيا : طيب تقهوي وانتي ساكته
وجدان : ابشري