على صدر بدوي مايعرف إلا الشعر وأنتي❤️

ليلة العُمر

قامت هيا اليوم الثاني وازعاج البيت وراحت للصاله شفيكم ؟
الام : بنحدد موعد الزواج
هيا : سلامات ليش مستعجلين كذا ؟
الاب : ابو ذياب دق علي يبي الزواج قريب اقل شيء شهر
هيا : وشو شهررر !!! وش أسوي بشهر
الام : ترى ذا مو زواجك الاول قد تزوجتي قبل من زمان متجهزه بس باقي تشترين لك ملابس وكم غرض وشهر واجد
هيا : ياربي منكم
دقت هيا على البنات وبلغتهم ان زواجها بعد شهر ولازم تروح معهم السوق الحين
مرتهم دلال بسيارتها وكان معها هيا ووجدان وهي وراحوا المول
نزلوا يتسوقون وهيا ذوقها صعب كل ماوروها حاجه رفضت وقعدت تدور الا فجأه تطيح على فستان أسود على الجسم علاقي طير عقلها من جماله وقالت أبييييه ورته البنات ورفضوا
وجدان : سلامات أسود مجبوره عليه أنتي ؟ متزوجه غصب ؟
دلال : سودتي عيشته على ذا الفستان
هيا : بنات شفيكم والله يجنن ترى مو لازم لون فاتح
البنات أهم شيء عاجبك أخذيه بس لازم تاخذين كذا لون فاتح
هيا طيب
واخذت كم فستان وردي وأحمر والأسود وأزرق والباقي بجايم
وخلصت من الملابس والاشياء الباقيه مرت أسبوع حتى خلصت الاشياء اللي تبقت وماعاد بقى لها شيء وقرب موعد الزواج وهيا خايفه ومتوتره
دخلت الواتس لقت رساله من ذياب
ذياب : كيفك عسى مانقصك شيء ؟
هيا : تمام الحمدلله لا الحمدلله
ذياب : طيب كيف العروسه
هيا : شقصدك
ذياب : شفيك الزواج قرب
هيا : اي تمام
ومرت الايام وبكره العرس واخذت هيا نصايح امها وابوها كالعاده ونامت من بدري عشان تقوم بدري قامت بدري وصلت الفجر وتجهزت من الفجر الى العصر جلست من العصر الى المغرب وهي عند المشغل تسوي شعرها ومكياجها وخلصت كل شيء وشافوها البنات وانهبلوا من جمالها تهبلين يازينننس قسم بالله ومن هالكلام راحت هيا مع ذياب للفندق وكانوا طول الطريق ساكتين وذياب يسولف ويحاول يلطف الجو بس هيا ساكته ولا درت عنه وصلوا ودخلوا الغرفه وقرب ذياب من هيا ورفع الطرحه عن وجهها وإنبهر من جمالها بسم الله ماشاء الله جميله جدًا ياهيا هيا ساكته جاء قرب لها
وماتحملت وصاحت إنفجع من ردة فعلها
ذياب : شفيك تبكين بسم الله عليك ؟
هيا : مافيني شيء
ذياب : شلون مافيك شيء والدموع هاذي وشو ؟؟؟
هيا : مدري لا تلقائي بكيت
ذياب : يوه ياهيا شكلك فاهمه غلط تحسبين من اول يوم اقرب لك لا والله ولا فكرت حتى انا تزوجتك تهتمين في اطفالها
هيا : شقصدك انا خدامه عندك ؟؟؟ - وبكت زياده
ذياب : ماقلت كذا شفيك انتي تدورين الزله ؟ يعني تبين اقرب لك ؟
هيا : لا طبعًا
ذياب : خلاص أجل روحي مسحي دموعك
راحت وهيا وغسلت وجهها وزالت المكياج كله وبدلت فستانها ولبست بجاما نوم وجت تبي تنام بس شافت ذياب على السرير وهي تعبانه وميته إرهاق تبي ترتاح بعد اليوم المتعب
ذياب : لا عاد انتي زودتيها ماراح تنامين عشاني معاك !!!
هيا : اي
ذياب : لا مو على كيفك بتنامين بس انا ماراح اقرب لك
هيا : طيب
وناموا
بس ذياب طول الليل يتأمل في هيا وهي نايمه كيف عقب السنين ذي كلها تزوجوا وجمعتهم السنوات ونام معها
اليوم الثاني
قاموا وطلبوا فطور واجتمعوا واكلوا وخلصوا
وجلسوا يسولفون من سالفه الى سالفه
ذياب : بسألك كيف تطلقتي من ناصر
هيا انصدمت من سؤاله : ليش تسأل
ذياب : بس ودي اعرف فضولي
هيا : كان في دفتر أكتب فيه قصايد وكنت كاتبه فيه اسمك وكاتبه تحت اسمك قصيده غزليه وشافه ناصر وانجن وطلقني قلت له انو حب مراهقه بس ماصدقني
ذياب : اما عاد السبب مني ؟ وانتي ليش محتفظه بالدفتر
هيا : ذكرى من مراهقتي
ذياب : طيب بنتك مايجيها  ؟
هيا : من فتره الى فتره يتطمن عليها
ذياب : كويس الحمدلله اهم شيء فيه تواصل بين البنت والاب
هيا : إيوه
قعدوا يضحكون ويسولفون بكل حُب
—