على صدر بدوي مايعرف إلا الشعر وأنتي❤️

يوم الفرح

مرت ٣ شهور واستمرت التجهيزات وراحت هيا ودلال ووجدان للسوق يشترون لهيا الاشياء اللي ناقصتها وهيا ذوووقها صعب ومو أي شيء يعجبها
دلال : قسم بالله ماقد كرفت في حياتي كذا
وجدان : وانا بعد بس هيون تستاهل
هيا : اف يابنات والله بصيح مافيه شيء يعجبني !!!
دلال : عن الدلع عاد اخذي لك اي شيء وامشي وترى انتي اللي تزينين اللبس ومع المكياج يضبط
وجدان : وجع انطمي
هيا : حسبي الله
دلال طارت عيونها في فستان احمر ضيق على الجسم وقصير وحرريررر
وجدان : شفيك بسم الله تروعين يادلول
دلال : عاني وش شفت يهبل صح ؟
وجدان : اي والله بيناسب هيا
دلال : هيا شرايك ؟
هيا : جيد مو شين
دلال : وش اللي مو شين اخذيه بسرعه والله يفتح النفس
هيا : ذوق بدو احمر وعلى الجسم
وجدان : بس يجنن
خذت الفستان بعد اصرار البنات عليها
خلصت تجهيزاتها وبكره زواجها وفي الليلة ذي ماقدرت تنام من الخوف ودقت على قروب صديقاتها وجدان ودلال
وردوا شفيها العروسه ؟
بنات مو قادره انام !
شدعوه نجي ننومك يعني ؟
ياربي منكم
وقفلت
دخلت الام على هيا وقالت مبروك يا أحلى عروس
الله يبارك فيك
الام : ابي اتكلم معاك
هيا : لبيه
الام : يابنتي ترى الرجال يحب البنت الرزينه والعاقله والثقيلة مو الخبله اللي تضحك على كل شيء انا ما اقولك لا كوني نفسيه بالعكس اضحكي وانبسطي بس بثقل وعقل ورزانه ولازم تحترمينه ويحترمك وتحبون بعض من قلب ولا تفكرين بيوم تتركينه او تخوننينه ولا هو يفكر كذا حافظوا على زواجكم ولا تقولين للبنات اسرارك انتي وزوجك لان بيجي يوم تتهاوشون ويروحون يفضحونك عند خلق الله فهمتي يايمه
هيا : ابشري من عيوني
طلعت الام
وحطت هيا راسها على المخده ونامت بالغصب
جاء يوم الزواج وقعدت تتجهز ومضغوطه هيا مره وطول يومها في الصالون وعلى اذان المغرب كذا خلصت كل التجهيزات والكشخه والبنات دخلوا الغرفه يشيكون على الوضع الا ينهبلون من جمال هيا اللي يخطف العقل
دلال : الواحد يتمنى يكون ناصر !!!!!
وجدان : اويلي يالجمال
هيا : ههههههه احبكم
هيا قرت اذكارها وطلعت
وتصورت مع ناصر وانبسطوا وخلص العرس وهم في طريقهم للفندق
كان الوضع هدوووء ولاواحد يتكلم لا ناصر ولا هيا وهيا في داخلها كلام والعبره خانقتها باي لحظه بتصيح رفع ناصر يده يبي يأشر على الفندق الا وتنهمر دموع هيا وتقعد تصيح انفجع ناصر ووقف على جنب وقال علامك
ناصر : شفيك بسم الله عليك !!! شصار
هيا : مافيني شيء
ناصر : اجل ليش تبكين
هيا : مدري
ناصر : قسم بالله ماراح اقرب لك ولا اسوي لك شيء لا تخافين
هيا : طيب
تطمنت هيا وقلل ناصر خوفها من ليلة الدخله ودخلوا وغيروا ملابسهم وكانت هيا مسويه حاجز بينها وبين ناصر بالوسادة عشان مايقرب لها ضحك ناصر من الحركه وناموا
اليوم الثاني
جاء وقت الفطور وطلب ناصر من المطعم فطور ووصل وناصر ماكان موجود فا طلعت هيا له واخذت الفطور ودخلت
جاء ناصر وسأل ماجاء المطعم وقالت الا اخذته خلاص
ناصر بصراخ وعصبيه : كيفف !!! شلون تطلعين للرجال وانتي كذا والباب مفتوح طيب ماتخافين يدخل عليك ؟؟؟؟
هيا : بسم الله شسويت انا ترى بس استلمت الطلب !؟
ناصر : لا مايصير مره ثانيه تناديني انا
هيا : طيب ماكنت موجود شسوي ؟
ناصر : دقي علي طيب !!!!
زعلت هيا ودخلت في الغرفه وقعدت تبكي
تحسف وندم انه صارخ عليها وراح لها واعتذر وقعد يتأسف لها
ناصر : والله العظيم ماكان قصدي أهاوشك واصارخ عليك بس خفت يصير فيك شيء
هيا : طيب خلاص اطلع برا
ناصر : صامله على طردتي تراك من امس كارشتني ولا قلت لك شيء خلاص ارضي عشاني والله ان الدموع ماتليق في هالجمال
هيا بخجل : طيب اطلع برا
ناصر : لا لين تسامحيني
هيا : سامحتك خلاص
ناصر : كذا كويس
وتجمعوا واكلوا وسولفوا وانبسطوا