على صدر بدوي مايعرف إلا الشعر وأنتي❤️

مشتاق وشوقي لك مابرا

جاء الصبح
وقامت هيا لكن ماقدرت تصلي عندها عذر شرعي
فاراحت وسوت فطور لها وافطرت وجلست تتابع بالجوال
ورضعت قمر وفضت
انا ناصر قام وصلى وراح للصاله كالعاده يقوم ويلقى الفطور جاهز والصاله نظيفه ومبخره لكن الايام ذي ماراح يحصل هالدلع كله بسبب تصرفه الوقح اكل له اي شيء
وراح جلس جنب هيا
ناصر : هيا
هيا : نعم ؟
ناصر : إسمعيني يابنت الحلال بقولك شيء
هيا : وش تبي ياناصر قسم بالله مو طايقتك
ناصر : إسمعيني طيب
هيا : ؟
ناصر : اول شيء كلنا نغلط
هيا : لا مو كلنا أنا ماعمري فكرت أخونك وطول عمري صاينه حبك ودايم معاك ولا فكرت بلحظه أسوي شيء غلط يمس سمعتي قبل لا يمس سمعتك سامع لكن أنت اللي غلطت علي وفشلتني قدام أهلي يالمخزي
ناصر : طيب الانسان مو معصوم عن الخطأ حنا مو ملائكه وانا وعدتك ماعاد أخونك والله إني ندمان وحالتي حاله !
هيا : طيب نشوف لكن والله اذا شفت منك أي شيء حتى اذا كان نقطه إنساني
ناصر : طيب أوعدك من الحين ماعاد تشوفين مني إلا كل خير
هيا : طيب
قامت هيا من عند ناصر وراحت الغرفه وقفلت الباب ونامت
اما ناصر راح لدوامه
عند ذياب
قام وصلى وتروش وراح وغير ملابس فهد ورضعه ونومه
وقام وسوا له فطور واكل وتابع له شيء وبعدها نام جنب فهد
وبعد ثلاث شهور
عند ذياب كان رايح زياره لأهله
أمه : ذياب حبيبي بكلمك بموضوع
ذياب : سمي وشو ؟
امه : شرايك تتزوج
ذياب : وشو ؟ لا يايمه فكيني انا من يوم ماتوفت منال الله يرحمها مافكرت أتزوج حتى بالحلم ولا بتزوج من بعد منال أحد
امه : ياولدي الحياه ماتوقف عند أحد بعدين أنت رجال وعندك دوام ووظيفه مستحيل تقدر تعتني في فهد لحالك بعدين اذا مو عشانك عشان المسكين اللي معاك يبي له أم وحنان الأم غير حرام عليك تخليه كذا
ذياب : طيب بس مين أتزوج !
الام : اللي تبي ياعيني بس قل أبي ذي وانا اروح اخطبها لك
ذياب : طيب اذا لقيت اللي ابي جيتك
الام : عشت ياولدي الله يرزقك ويعوضكم
جلست الام تلاعب فهود الصغير
وذياب ترك فهد عند اهله ورجع البيت وفكر بالموضوع
اما عند ناصر وهيا
رجع ناصر من الدوام ولقى البيت نظيف وريحة الغداء بالراس
إنبسط ناصر من هيا مره ودرى إنها رضت عليه وضمها ورفعها فوق
وهي انبسطت وراح بدل ملابسه وحطت الغداء وأكلوا
ناصر : إشتقت والله العظيم تسلم يدينك
هيا : بالعافيه
شبع ناصر وشال الاكل مع هيا ونظفوا كل شيء وراحت هيا وسوت لناصر أحلى شاهي
وشربوا شاهي
ناصر : تذكرين يوم أقولك على موضوع الولد
هيا : إييه شفيه ؟
ناصر : والله إني كنت غبي ولا أفكر حتى وعندي أحلى قمر وش أبي بعد
هيا : يلا الموضوع راح وصار اللي صار
ناصر : أنشهد يلا انا رايح عند أهلي تبين شيء
هيا : سلامتك
مشى ناصر وراح يزور أهله
سلم على أهله وجلس جنب أمه
الام : كيفك ياولدي وكيف زوجتك وبنتك
ناصر : الحمدلله كلهم بخير أبشرك
الام : زين الا صدق زوجتك ماحملت ؟
ناصر : لا اليوم جتها الدوره
الام : يووووه يعني ماجابت لك ولد !
ناصر : وش ولده بعدين تونا متزوجين ليش العجله !
الام : مدري بس أقولك انا لقيت لك زوجه
ناصر : يايمه شفيك أنتي انا متزوج ماراح اتزوج على زوجتي !
الام : جبت لك وحده تجيب منها ولد تزوجها وطعني
ناصر بغضب : ماراح اتزوجها وخليها لك انتي ناويه تخربين بيتي علي !
الام ببرود : ترى فرصه ماتتعوض
ناصر : شكرًا ما أبيها
الام : بكيفك بس متى ماتبي تعال
ناصر : مع السلامه أنا ماشي
الام : مع السلامه
طلع ناصر وهو معصب وراح البيت
وصل البيت واستقبلته زوجته هيا وهو معصب
هيا : شفيك ؟
ناصر : ولا شيء
هيا : يعني ما أعرفك انا ؟
ناصر : خلاص انسي
هيا : ماراح انسى لين تعلمني
ناصر : طيب بس ماتزعلين
هيا : طيب
ناصر : رحت لأهلي وجلست عند امي ومواضيعها كلها عن الزواج لقت زوجه لي بس انا رفضت
هيا بعصبيه : وليش ؟؟؟
ناصر : عشانك ماحملتي بولد
هيا : طيب
مشت هيا لغرفتها وهي مليانه حقد وكره على ام ناصر
لحقها ناصر
ناصر : والله اني ما افكر اتزوج عليك واصلًا عصبت على امي انها قالت كذا !
هيا : شفيكم تحسسوني اني انا اللي اختار بنت ولا ولد
تغورقت عيون هيا بالدموع من القهر
ناصر : يابنت الحلال هدي انا غبي واعتذر اما امي ماعليك منها غلطت والله يسامحها اما انا لا تفكرين فيني اتزوج عليك مدام عندي زوجه بهالجمال والدلع ذا كله وش ابي بعد الحمدلله عليك والله
انبسطت هيا من كلام ناصر وراحت غسلت وجهها وجلسوا مع بعض يسولفون ويضحكون
اما عند ذياب فا اقتنع بفكرة امه وراح وقال لامه انه اقتنع واذا لقى اللي هو يبيها بيقول لامه