على صدر بدوي مايعرف إلا الشعر وأنتي❤️

الأصدقاء نعمه

قامت هيا وصلت الفجر وجلست تفطر مع امها وابوها
هيا : بابا
الاب : هلا ياقلبي
هيا : انا ماراح اروح للحلال خلاص
الاب : ليش صار شيء ؟
هيا : لا بس تعبت من الشغله ذي
الاب : كنت احسبك تحبينها بس مدام كذا بوظف لي عامل ويهتم في الحلال
الام : زين تسوي
هيا : شكرًا الحمدلله
-
العصر جت هيا لوجدان تسير عليها
وجدان : حي الله من جاني
هيا : الله يحييك
وجدان : علامه الحلو مكشر
هيا : اخ ياوجدان مدري شقولك
وجدان : يامال التبن شفيك خرشتيني !
هيا : طردت ذياب وقلت له لاعاد اشوف وجهك
وجدان : ياساتر وليش !!!
هيا : قال انه معجب فيني ويحبني وشاريني
وجدان : ياحظك الرجال يحبك ويبي يتزوجك هذا الحب الصح
هيا : لا حبني بسرعه اكيد يتسلى
وجدان : صح إنك حلوه ياهيا بس صدقيني هو مايتسلى لانه اذا صدق يتسلى ماراح يتزوجك
هيا بكت
وجدان : يووووه ياهيا عن الدلع الزايد امسحي دموعك وخليني اذوقك من كيكتي الحلوه اللي مسويتها مخصوص عشانك وقهوتي اللي تحبينها
هيا : وجداني أحبك
وجدان : تعالي في حضني
حضنوا بعض واكلوا وتقهووا وانبسطوا
-
أما عند ذياب كان عازمه سعود على القهوه وتوجه له وجاه ورحب فيه وضيفه وقهواه
سعود : علامك ياذياب فيك شيء من اول ماجيت وانت مو يمي
ذياب : فيني اشياء اخ بس
سعود : افااااا وشفيك ؟؟؟
ذياب : اعترفت لهيا بحبي وطردتني وقالت عني اني اتسلى فيها
سعود : ليش ماقلت لي قبل لا تعترف لها ليش !!!
ذياب : مدري كل شيء صار فجأه
سعود : كذا البنات والصدق تراها ماتنلام مسرع تعرفتوا على بعض وانت على طول صدمتها في اعترافك يعني ما ألومها اذا ماصدقتك
ذياب : معاك حق
سعود : لا تشيل هم بتراضيك صدقني
ذياب : ياليت
سعود تقهوى وخلينا نلعب بلوت تقهووا ولعبوا وانبسطوا