على صدر بدوي مايعرف إلا الشعر وأنتي❤️

جرح الغدر

في اليوم التالي قامت هيا وسوت فطور لزوجها ورضعت قمر وجلست بالصاله تتابع لها شيء بعد ما افطرت قام ناصر وراح افطر ولبس لبس دوامه ورايح يدور مفتاح سياره قعد يدور بالدروج وماحصل شيء ومن درج إلى درج لما لفت إنتباهه دفتر وكان مخشوش تحت الكتب إنصدم من الدفتر ! وطلعه وقعد يقلب بين الصفحات وشاف إسم ذياب وقصيدة حُب للإسم ذا جن وجنونه وتأكد إن الدفتر أكيد لهيا وراح متوجة لها بكل عصبيه
وصراخ
ناصر : هياااا هياااا
هيا : شفيك بسم الله !!!
ناصر : وش ذاااااا بسرعه علميني !!!!!!!
هيا بصدمه : من وين جبت ذا
ناصر : لقيته
هيا : طيب هدي
ناصر : مين ذياب !!!!
هيا : والله العظيم مالي فيه أي علاقه مجرد حب المراهقه
ناصر : ومحتفظه بالدفتر ليش أجل ؟؟؟؟
هيا : ذكريات
ناصر : أها طيب ياهيا أنتي طالق طالق طالق وخلي حب الطفوله ينفعك !
إنصدمت هيا من تصرف ناصر القاسي والغبي وقعدت تبكي لمت كل اغراضها واخذت بنتها وراحت للبيت ودخلت على اهلها وقالت ناصر طلقني خلاص
الام : لا حول ولا قوة الا بالله
الاب : مايستاهلك والله أحسن لك تجلسين معنا
الام : وش السبب
الاب : يابنت الحلال هذا مو مهم المهم انك افتكيتي منه
الام : صح
هيا عن اذنكم بروح انام
راحت هيا غرفتها وقفلت الباب وانهارت من البكاء ونامت بعدها
انتشر خبر طلاق هيا بالحاره ووصل لام ذياب
كانت تكلمها خويتها
ام ناصر : ام ذياب تخيلي
ام ذياب : وشو
ام ناصر : هيا تطلقت بنت نوره
ام ذياب : يووووه عاد تصدقين هو الخسران البنت جمال واخلاق وكل شيء حلو فيها
ام ناصر : اي والله
قفلت ام ناصر
ام ذياب ياربي الله يعوضها
ذياب : شسالفه
الام : هيا تطلقت
ذياب : مين هيا
الام : بنت نوره
ذياب تذكرها
ذياب : اييييه عرفتها
الام : صراحه هو الخسران
ذياب : صح
الام : صح بعد ؟ تبي اخطبها لك
ذياب : ههههههههه اللي تشوفينه
الام : بعد !!! الا صدق ما اخترت لك بنت ؟
ذياب : لا بس مدام هيا تطلقت وانا وحيد نفسها ابيها عندها بنت وتعرف تهتم بالاطفال اكيد
الام : طيب بخطبها لك بس بعدين
مرت سنه
-
ناصر دق على هيا
ناصر : سلام عليكم
هيا : وعليكم السلام مين معاي ؟
ناصر : مو مسجله رقمي أنا ناصر
هيا : لا وليش أسجل رقمك مالك إهميه عندي
ناصر : طيب طلعي قمر أبي آخذها معاي
هيا : طيب مبروك زواجك
ناصر : الله يبارك فيك عقبالك
قفلت هيا
طلعت هيا قمر لأبوها
وجلست عند امها
الام : ترى بيجون ضيوف اليوم يخطبونك
هيا : وشو ؟
الام : اللي سمعتيه جلستك عندنا طالت وناصر تزوج بعدك بس انتي لا
هيا : طيب مين ذولا ؟
الام : بتعرفين روحي تكشخي واللبسي احلى لبس عندك
هيا : طيب
راحت هيا وسوت شعرها وحطت مكياج ولبست فستان احمر طويل وعلى الجسم وصورت شكلها للبنات بالقروب وقالت شرايكم ؟
ردت وجدان : الله تهبلييييييييين
دلال : يالبى الأحمررررر
انبسطت هيا ونزلت تحت
وجابت القهوه وقدمتها لهم ولما شافت مين اللي جت تخطبها كانت الصدمه أم ذياب بنفسها وقالت لها حنا جينا نخطبك لذياب وتعرفين ذياب زوجته ماتت وانتي مطلقه فا حسيناكم الانسب لبعض وبما ان عندك خبره بالتربيه
انصدمت هيا وراحت فوق لغرفتها
وكلمت البنات وقالت تخيلوا ام ذياب جت تخطبني
دلال : تمزحييين !!!!!
وجدان : ياساتر بعد ذي السنين !؟
سكتت هيا وجتها امها وقالت ها شقلتي ؟
قالت بستخير واشوف واستخارت وارتاحت وراحت قالت لامها ارتحت
انا موافقه وتمت خطوبتهم
ونزلت تم بحمد الله وفضله خطوبتي
وشوي الا ودق جوالها ردت
مين ؟
ناصر
هيا : وش تبي ؟؟؟
ناصر : انخطبتي ماشاء الله ؟ ولا استأذنتي مني ؟
هيا : وليش استأذن منك ؟ انت تزوجت ولا قلت لي
ناصر : الله يهنيكم أجل
قفلت هيا وحذفت رقمه وبلكته من كل مكان
فتحت الواتس لقت رساله من رقم غريب
هيا : مين معاي ؟
ذياب : انا خطيبك ذياب .
هيا : أهلين ؟
ذياب : هلابك كيفك ؟
هيا : تمام الحمدلله وانت
ذياب : انا تمام
هيا : الحمدلله
ذياب : اسمعي ابيك تحذفين كل العيال اللي عندك وتشيلين الفولو عنهم واي ولد يرسل لك تبلكينه
هيا : وليش كل هذا ؟
ذياب : لاني اغار على اهلي وانتي صرتي وحده من اهلي وزوجتي مستقبلًا
هيا : طيب الكلام موجه لك بعد مو بس انا
ذياب : ماعليك
هيا : يلا باي
ذياب : فمان الله