على صدر بدوي مايعرف إلا الشعر وأنتي❤️

بشارة تسر الخاطر

ناصر : هيونننن
هيا : هااا
ناصر : ابي اكلمك بموضوع
هيا : وشو
ناصر بدون اي مقدمات
ناصر : ماودك تصيرين أم ؟
هيا : ماودك تنطم !
ناصر : والله ان ذا العناد اللي فيك بيذبحني ابي اجرب شعور الابو ياخي
هيا : اخطف لك ورع من الشارع
ناصر : تبيني اصقعك الحين اتكلم جد ترى
هيا : طيب بقولك يا ابو فلان واخليك تجرب الشعور بدون بيبي
ناصر : لا والله واذا ابي اشوفه انا
هيا : طيب ابي افكر في الموضوع
ناصر : ترى علاقتنا مر عليها سنه كامله
هيا : طيب
ناصر وصل هيا الى بيت اهلها
دخلت عليهم ورحبوا فيها وسلمت على امها وابوها
امها نادتها على جنب وجت
هيا : هلا يمه
الام : مافيه شيء بالطريق
هيا : وشو مين طالب
الام : ههههههه طالب ورع
هيا : هاااا
الام : اي ماحملتي ؟
هيا : لااااا ياربي شفيكم علي حتى ناصر غاثني اليوم يبي بيبي
الام : جيبي له المسكين يبي يصير اب جيبي له وفرحيه
هيا : ومنننييين ياحظي مالي خلق الم ولاده
الام : على اساس مجربه الالم
هيا : طيب بفكر
رجعت البيت وناموا ومر شهرين وكان وقت الغداء حطت هيا الغداء لناصر وجلسوا يتغدون الا فجأه تلوع كبد هيا وتقوم وتستفرغ كل الاكل انصدم ناصر من الموقف وقال اكيد مريضه ووداها المستشفى ومافيها شيء رجعوا وهم حيرانيين وش صار فجأه
هيا كلمت وجدان ودلال بالموضوع وضحكوا وقالوا أكيد حامل
هيا انصدمت وفعلًا راحت حللت وطلعت حامل صدق
انبسطت مره وراحت علمت امها وابوها وشروا لها احلى كيكه وعزموا ناصر وجاء في بيت اهل هيا ودخل وشاف الكيك والبالونات انصدم قال من يوم ميلاده ذا
ضحك الابو وقال يومك
ناصر ! لا انا مخلص من زمان
وضحكوا كلهم
وجت هيا
وقالت راح تصير أحلى اب
طااااااار من الفرحه الارض مو شايلته من الوناسه وقعد يشيل هيا ويحضنها
هيا : بشويش يامريض ذبحت البيبي
ناصر : تكفين ياهيا قلبي اخخخخ
هيا : كلنا اخخخخ
احتفلوا وانبسطوا ورجعوا للبيت وناموا