على صدر بدوي مايعرف إلا الشعر وأنتي❤️

يوم السعَّد

ذياب صار يكلم ساره يوميًا ولا جاب خبر هيا وحذف رقمها بعد !
العاشق الهايم تعلق خلاص في ساره
اما هيا كانت دايم تراقب جوالها تنتظر إتصال من ذياب حتى إذا بالغلط
بس مافيه أي فايده أستسلمت ورمت جوالها في سريرها ورحت جلست عند امها يسولفون ويتقهوون وكانت بس تهوجس في ذياب وهي ميته شوق بس تموت ولا تبادر
اما ذياب فاكان مقضيها ضحك وسوالف مع ساره ولا همه هيا اللي كانت تنتظره أحر من الجمر
ومرت شهور على علاقته مع ساره
وهيا نست ذياب أصلًا
ساره نزلت في الستوري إنها انخطبت من ولد عمها فهد
ذياب شاف الستوري وانفجع !!! كلم ساره وردت
ساره : نعم ؟
ذياب : وش اللي نعم انخطبتي ؟
ساره : اي
ذياب : وانا ؟
ساره : عطيتك فرصه من شهور وانا انتظرك تخطبني ولا جيت واضح حبك تسليه فا وافقت عليه
ذياب : طيب
ساره : يلا لا عاد اشوفك وبلوك
ذياب : منقهر ومغبووون
بس أكيد مانلوم ساره عطته فرص لين قالت بس وهو ساحب ويصرف الموضوع لين انخطبت واكل تراب
اما عند هيا فا نادتها امها وابوها واجتمعوا
الام : بكلمك بموضوع
هيا : عسى ماشر وشفيكم كذا جديين
الاب : لان الموضوع جدي ومو لعب أطفال !
هيا : بسم الله وشو ؟
الاب : جاك خطيب
هيا : وشوووو ؟ ومين ذا
الاب : ناصر ولد خالتك
هيا : بس انا مابي اتزوج الحين
الام : متى يعني ؟ عطيناك مهله لين قلتي امين شوفي خوياتك متزوجات الا انتي يا بنتي اذا ماتزوجتي الحين بتبقين عانس ومحد راح يتزوجك طول عمرك !
الاب : امك صادقه اسمعي كلامها وبتفلحين وبعدين انتي يابنتي الكل يبيك بس مو الكل حاصله شوفتك وبعدين انا اخترت ناصر لانه انسان يخاف الله ويصلي وطيب وخلوق ومحترم وانا بنفسي راقبته دايم اشوفه بالمسجد وش قلتي مدامه خير !؟
هيا : طيب اللي تشوفونه مدامه يخاف ربه أنا موافقه والله يكتب اللي فيه خير
الام : تلولششششش
الاب : كفووووو ذي بنتي اللي اعرفها
هيا : توجهت لغرفتها وسكرت الباب وبكت وصلت صلاة استخاره وارتاحتتتت مره وتطمنت انه الشخص الصح
جاء يوم كتب الكتاب وكتبوا كتابهم وانخطبوا وعزم الابو كل اهل الحاره ومنها ذياب جاء ذياب وقام في الواجب والكل فرح فيهم وهيا عزمت كل خوياتها وسوت حفلة توديع العزوبيه
دلال : يعني بيشوفك شخص غيري يقلع ام الغبنه
وجدان : وجع يادلول ترى زوجها مو غريب
هيا : ههههههههههه ياربي منكم
خلص اليوم والكل راح لبيته وناموا