على صدر بدوي مايعرف إلا الشعر وأنتي❤️

أثمن من الشوف في حس الكفيف

جاء اليوم الثاني
وقامت هيا وصلت صلاتها وأفطرت وراحت لحلال أبوها اللي قريب من حلال أبو ذياب
وصلت عند الحلال ونزلت وشالت شيلتها وأنسدل شعرها الاسود الكثيف على متونها وقعد يتطاير في الهواء وابتسمت ابتسامه عذبه من مبسمها العذب ولاحظت سياره قريبه من حلالها الا وشخص ينزل قريب منها عند حلاله ويوم ركزت عليه شافت ذياب انصدمت واستحت وش جابه ذا هنا ركضت ولبست حجابها وجلست تشوف وش يسوي ذياب لاحظها وقال ذي السياره مو غريبه علي يوم ركز عرف انها سيارة هيا ويافرحته يوم درى
ركب سيارته وتوجه لها
ذياب : سلام عليكم
هيا : وعليكم السلام شجابك عند حلالي ؟
ذياب : بسرقه وش جابني انا ولا انتي
هيا : انا جيت عشان حلال أبوي
ذياب : وحلال أبوك قريب من حلال أبوي !
هيا : اي صدفه
ذياب : ويامحاسن الصدف
هيا : اي والله
ذياب : أنتي لحالك بالبر ؟
هيا : متعوده
ذياب : خطر عليك لا سمح الله تهجم عليك أحد
هيا : معاي سلاح
ذياب : اي زين ربي يحفظك
هيا : أجمعين
ذياب : اذا تبين شيء تعالي لي لا تستحين انتي جيرانا
هيا : الكلام موجه لك أيضًا
ذياب : يلا أجل فمان الله
هيا : فمان الله
توجه ذياب إلى بيت الشعر وهو يشوف إنعكاس هيا في المرايه وهي تنزل حجابها وينزل شعرها فوق متونها شعرها الاسود الكثيف ذياب تطايرت عيونه وهو يردد ماشاء الله تبارك الله ماشاء الله تبارك الله ياجماله ! لف ذياب وجهه قال انا وش فيني يارب سامحني بالغلط
رجعت هيا البيت ونامت اما ذياب معتاد يسهر في بيت الشعر هو وخويه سعود
سعود : عساني ما تأخرت عليك
ذياب : لا أبد كان نمت بعد
سعود : تراها سهرهه تونا يعني
ذياب : آخ ياسعود شفت لي شيء طير قلبي
سعود : ياليل وشو بعد
ذياب : شفت شعر هيا بالغلط
سعود : وشو !!؟؟؟
ذياب : شفيك بالغلط والله
سعود : طيب ترى كله شعر اثقل يالضعيف
ذياب : مدري شجاني ياسعود
سعود : جاك هبال وخبال
ذياب : انشهد ههههههه
سعود : ياذياب أثقل واستح اعتبرها مثل اختك مايصير توصفها عندي وتقول هالكلام عنها
ذياب : ماوصفتها ومعاك حق انا زودتها
سعود : اعقل بس
ذياب : ابشر