على صدر بدوي مايعرف إلا الشعر وأنتي❤️

الخيانه

كان الوقت بالليل وناصر كان بالصاله يسولف مع شخص ويضحك
وهيا كانت بسريرها تنوم قمر بعد مانامت قامت وراحت للمطبخ تشرب ماء وفي طريقها سمعت ناصر يسولف ويضحك وناصر كان يظن إن هيا نايمه وبنص الكلام سمعته يقول لا معليك زوجتي نايمه وهنا نغزززها قلبها على طول ودرت إن المتصل بنت مو ولد رجعت الغرفه تركض وقفلت الباب ونبضات قلبها متسارعه وشوي وتموت من القهر وعيونها مليانه دموع مسحت دموعها وهدت نفسها وراحت صلت صلاة الوتر ودعت ان ربي يجبر قلبها ويعوضها ونامت عشان دوامها
جاء الصبح وقامت وصلت الفجر وسوت لها فطور خفيف وافطرت وقامت وشغلت سيارتها مر ناصر وماسلمت عليه قال لها وين الفطور جوعان أنا !
طنشته ولا عطته أي وجه وحركت سيارتها ومشت
إستغرب ناصر من ردة الفعل ذي اللي بظنه إنها بدون سبب !
وصلت الدوام وخلصت الشرح وجلست عند منال وسولفوا
منال : شفيك ما أحسك على بعض
هيا : مافيني شيء إنسي
منال : كيف مافيك شيء من أول ماجيتي ووجهك مصفوق وحالتك حاله
هيا : صار معاي موقف يامنال حرق قلبي بس مقدر أقوله هنا
منال : طيب شرايك نطلع من الدوام الحين ونروح مول ونجلس بالجلسات وتقولين لي
هيا : يلا
راحوا المول وجلسوا بالجلسات في كافي
منال : يلا قولي
هيا : شفت ناصر يخوني سمعته يكلم وحده ويقول لا ماعليك نايمه
منال : لا حول ولا قوة الا بالله !!!!
هيا : إي والله والله من امس قلبي يوجعني
منال : وماقلتي له شيء ؟
هيا : وش أقول تكفين
منال : لا لا تسكتين كذا بيتمادى واجهيه
هيا : طيب بحاول
رجعوا البيت وجاء وقت الغداء
غرفت الغداء وجلست تعاين في ناصر وهو مستغرب شفيها تعاينه كذا !
ناصر : عسى ماشر شفيك
هيا : اللي فيني اني سمعت زوجي يخوني مع وحده ويقول لها لا ماعليك نايمه ويضحك ومقزرها على الآخر
ناصر بصدمه : لا فهمتي غلط ذي زميلة عمل
هيا : ماعليك نايمه ؟ زميلة عمل الساعه ٢ بالليل ؟
اسمع ياناصر والله العلي العظيم تحرم عليك شوفتنا انا وبنتي قامت وسحبت اغراضها واخذت بنتها وجت تبي تطلع واعترض طريقها ناصر
ناصر : ومن قال بخليك تطلعين ؟
هيا : ولك وجه بعد !!! عقب اللي سويته ؟
ناصر : اي وانا اخونك يلا
هيا : ليش طيب وش قصرت فيه أنا ؟
ناصر : لانك ماجيتي لي ولد
هيا : هذا الشيء مو مني من رب العالمين أنا مو اللي احدد بنت ولا ولد
ناصر : بس تعبت منك ومن اعذارك ابي اتزوج وافتك منك
هيا : تزوج الله يقويك
دفته هيا وطلعت من الباب هي وبنتها وراحت لبيت اهلها
وعلمت امها باللي صار كله والام علمت الاب وراح الاب الى ناصر وطلع له ناصر برا ومسكه ضرب وإهانه ياللي ماتستحي على وجهك ياقليل الادب ماعندك كرامه أنت احمد ربك وحده نفس هيا قبلت فيك يالعفن وضربه كفوف ومشى من عنده
هيا قالت لأمها ان ناصر خانها عشانها ماجابت ولد
الام : مستعجل عليك مره انتي من قريب جايبه قمر خليه يولي بس
هيا : اخر همي هو بس قلبي يوجعني على بنتي اللي ابوها الخاين انا ماعاد أتحمل خلاص وإنهارت هيا بالبكاء
وأما تواسيها وتطبطب عليها جاء الاب وقال لهيا أبشرك دعسته اللي مايستحي ماعليك منه خليه يولي