على صدر بدوي مايعرف إلا الشعر وأنتي❤️

رفيق الدرب

أما عند ذياب ، راح هو وخويه سعود للحلال كالعاده وجلسوا في بيت الشعر جالسين يتقهوون ويسولفون
سعود : علامك يا ابن الحلال من أول ماجيتك وأنت مفهي وشاغل بالك
ذياب : مافيني شيء بس هلون
سعود : كل ذا ومافيك شيء أجل لو فيك وش بتسوي
ذياب : مغير أهوجس
سعود : ووش تهوجس به !؟
ذياب : صار معاي موقف مع بنت
سعود : أسلمممم !
ذياب : لا يروح بالك بعيد موقف عادي
سعود : ووش صار طيب
ذياب : خربت سيارتها وصلحتها وقالت تبي رقمي وعطيتها وعزمني ابوها وشكرني
سعود : اها تراني خابر الحركات ذي لا يكون حبيتها
ذياب : الله أعلم
سعود : لا ياذياب ووش تصير ذي البنت
ذياب : حضريه
سعود : هاااااه !!!! بعد !!!
ذياب : اي والله
سعود : تحب لك حضريه من متى ياحظي !؟ اخطب لك بنت عمك وعيِّن خير
ذياب : من قالك أبي اتزوج اصلًا
سعود : أجل تحبها عشان وشو ؟
ذياب : ترى هي مادرت عني ولا بحبي
سعود : طيب والحل وش آخرتكم يعني ؟
ذياب : لا تسألني وش دراني
سعود : أقولك شيلها من بالك وأنساها خلاص ذي حضريه وانت بدوي ماتجي خذ لك من بنات عمك مزنه ووضحى
ذياب : يانعنبوك على سدة النفس ذي ماتنطم أنت وتعض على شحمه
سعود : ههههههههه هذا واقعك تقبل ياحبيبي كلنا مشينا على ذا الدرب عاني خاطب بنت عمي نوره
ذياب : امش فيه لحالك أما أنا بخرج عن المألوف
سعود : الله يقويك يالذيب
ذياب : أجمعين
سعود : آخ من الحب يغني ومنطرب المحبه ياحبيبي لك كثيره
ذياب : الشرهه مب عليك على اللي يعلمك ويفضفض لك
سعود : أبك امزح معاك علامك عصبت
ذياب : لا تطري الموضوع عند أحد
سعود : أفا عليك