حطام شيطان

ملاحظات :-

ملاحظات

اولا هذه ماهو بارت مجرد توضيحات بجاوب عليها عشان بعض الأمور في الروايه صعبه الفهم

وانا لاني كاتبه لطيفه جيت اساعدكم واجاوب على الاسئله بصدر رحب

الزبده نبداااااااااء :)

1- ماعلاقة دانيال بفاسيليا؟

بالنسبه لدانيال فهو يكن مشاعر لفاسيليا وهي بالنسبه لها دانيال مجرد صديق عزيز عليها

2- ماعلاقه دانيال بالياس؟

الياس هو الي وظف دانيال مقابل مبلغ مالي ضخم ووش طلب منه يسوي؟ طلب منه يقترب من فاسيليا ويظل معها وقت الحاجه ويجعل الي حوله يعتقدون انه بعلاقه حب معها

ليش؟ ببساطه الياس يحب فاسيليا من مده ماراح اقولها هنا او اذكر التفاصيل عشان لا احرق عليكم لكن المشكله ان الياس عنده اعداء او تحديدا عمه الي يترصد له ويدور الزله عشان يدمر حياته

فعشان لا يعرف عمه انه يحب فاسيليا خلاها تبين انها تحب شخص ثاني ولا معطيته وجهه

وليش عمه يسوي كل ذا؟ بتعرفون مستقبلا ان شاء الله

3-علاقه الياس ب كايلا خطيبه ليونيد

مثل مو وضحت كايلا اخت الياس البيولوجيه بس الشيء ذا يعتبر سري ومحد يعرف عنه حتى اندرو والي هو زراع كايلا المخلص

كايلا شكلها كذا :شعر اشقر باهت وعيون سوداء
والياس شكله كذا  :شعر اشقر باهت مصبوغ بالاحمر وعيون سوداء

بس كايلا عندها هويه سريه والي هي ايميليا
ويوم تتحول لايميليا تلبس باروكه بلون برتقالي "اصهب"

بتعرفو ماضي الياس وكايلا في الفصول القادمه  وراح احط ماضي ليونيد وكايلا في الفصول الاضافيه بعد ماتختم الروايه ان شاء الله

4- وش فيه ليونيد؟

ليونيد مصاب بمرض قلب منذ صغره وكل مايكبر بيزيد المرض فيه ومافي طريقه ليشفى الا يوم يسوي عمليه زراعه قلب جديد وذا شيء مرا خطيير ومكلف عشان كذا عائلته م سوته له إلى يومنا ذا

الوحيدين الي يعرفون بمرضه هم :
خطيبته كايلا - والديه

اما اخوانه فلا  وذا بعد هو السبب الي خلاه م يرث عائلته وانتقل الموضوع لليا

5-ام ثيدور هي اخت الياس؟

لا الياس عنده اخت وحده وهي كايلا اما ذي فهي هويه مزيفه يستعلمها عشان يدخل الجامعه حقت فاسيليا مثل الهويه المزيفه حقت كايلا

6-ريوانا هي نفسها البنت الي صفعت دانيال؟

لا ذي وحده ثانيه اما الي صفعته اسمها فيرونيكا وراح تظهر أكثر بالفصول الجايه هي وصديقتها مريانا

7-كم عدد فصول الروايه؟

حاليا م ادري بس انا كاتبه الين ١٨ وجالسه انزل لكم فيهم

8- متجاهله الموضوع الأساسي للرواية الي هو انها تكرهه المحاماه وتحب الرسم والنحت

لا انا م تجاهلت اي شيء الموضوع ذا بيبدا بعد م تتعمق علاقتنا بالياس ودانيال

حاليا انا مركزه ع مرض ليونيد

9- مين البطل؟

هويه البطل مفاجأه بالنهايه يعني م راح اقول لكم انتو صوتو مين تبونه يكون الياس او دانيال؟

.....

بتمنى اني قدرت أوضح لكم بعد سوء الفهم الي ماخذينه ولو في زياده ان شاء الله بسوي فقرات مثل ذي مستقبلا

وشكرا لدعم روايتي 🦦