ဝန်ကြီးချုပ် Ryder Henry Vincent က
အမှုအခင်း ဖြစ်ထားရာ အိမ်နေရာသို့ ရောက်
ရှိလာခဲ့သည်။ ပြည်သူလူထုတစ်ချို့ကတော့
ဘုရင့်တပ်သားတွေ ရှေ့က တားဆီးထားတဲ့
ကြားထဲက ထိုအခင်းဖြစ်ထားရာ အိမ်ကြီးကို
လာရောက်ဝိုင်းအုံကြည့်နေကြပြီး တီးတိုး
ပြောဆိုနေကြသည်။
ထိုအိမ်ကြီးမှာ Gabriel ၏ လူသူအရောက်
နည်းသော မြို့စွန်ပိုင်းမှာ တည်ရှိတာ ဖြစ်ပြီး
ရှေ့ဘုရင် လက်ထက်တုန်းကတည်းက
လူမနေသည့် အထက်တန်းလွှာ အိမ်အို
ဟောင်းကြီး တစ်ခုဆိုလည်း မှန်သည်။
ထို့ကြောင့် ထိုအိမ်ကြီး၏ ဘေးပတ်ဝန်းကျင်
အနေအထားဟာ သာမန်ပြည်သူအိမ်များနှင့်
အကွာအဝေး ကွာလှမ်းလို့ နေခဲ့သည်။
ဝန်ကြီးချုပ် Ryder က ထိုအိမ်ကြီးထဲကို
အကူလက်ထောက်တစ်ချို့နှင့် ဝင်ေရာက်
သွားခဲ့သည်။ အိမ်ထဲက အမှုအခင်း ဖြစ်ထား
ရာ နေရာကို ရောက်တော့ ကြည့်လိုက်ချိန်
တွင် သူကိုယ်တိုင်တောင် အံ့ဩမိသွားခဲ့
သည်။
သွေးစွန်းနေသော ကုလားထိုင်တစ်လုံး။
အဲ့ဒီအပေါ်တွင် နေရာမရွေ့ရသေးသည့်
ပုံပန်းပျက်နေသော Mike Claes ၏
အလောင်းရုပ်ဟာ အတော်လေးကို
အကျည်းတန်စွာ ရှိနေခဲ့သည်။ အပူလောင်
ထားဟန်ဖြင့် စုတ်ပြတ်နေသော မျက်နှာပေါ်
တွင် အကြိမ်ကြိမ် ထိုးကြိတ်ခံထားရသည့်
ဒဏ်ရာတစ်ချို့ ရှိနေသည်။
ထို့အပြင် သူ၏လက်နှစ်ဖက်လံုးဟာ
လည်း ရှေ့ပို့ထားပြီး ကြိုးတုပ်ခံထားရသည့်
အနေအထားလည်း ဖြစ်ေနသလို ခြေသည်း
လက်သည်းတွေလည်း အကုန်ဆွဲခွာခံထားရ
တာကြောင့် ထွက်စင်ကျနေတဲ့ သွေးစသွေးန
တွေက မနည်းမနောပင်။ ထိုကုလားထိုင်၏
ေအာက်ေခြနားတစ်ဝိုက်မှာလည်း သွေးကွက်
နီနီတွေဟာ မသတီစရာကောင်းအောင်ကို
အထွေးလိုက် ရှိနေခဲ့သည်။
ဝန်ကြီးချုပ် Ryder မရောက်ခင်ကတည်း
က အရင်ကြိုပြီး ရောက်နေခဲ့တဲ့ အမှုအခင်း
စစ်ဆေးသူတွေကလည်း သက်သေခံ ပစ္စည်း
တွေ ထွက်လာလို ထွက်လာငြား လိုက်ရှာဖွေ
စစ်ဆေးနေကြသည်။ တစ်ဖက်က Ryder က
လည်း သူ့ရဲ့နှာခေါင်းကို ပုဝါေလးနဲ့ အုပ်ရင်း
ကုလားထိုင်ေပါ်မှာ ထိုင်လျက် သေဆုံးေနတဲ့
Mike ၏ အလောင်းနားကို ကပ်ပြီး အနီးကပ်
သေချာကြည့်ရှုနေသည်။
YOU ARE READING
The Moon & Her Royal Sun
Fiksi Sejarah" ငါတို့နှစ်ယောက်ရဲ့ တွေ့ဆုံခြင်းဟာ အမှားတစ်ခု ပါလို့ တစ်လောကလုံးက ပြောနေခဲ့ရင်တောင် ဘယ်တော့မှ နောင်တရမှာ မဟုတ်ပါဘူး.." FreenBecky ( GL Fan Fiction )
