The Moon & Her Royal Sun

PART - ( 24 )

                ၁၀ ရက် ကြာပြီးနောက်

  Gabriel တိုင်းပြည် ၊ တရားရေးရာဌာန

     တရားရေးရာဌာနအတွင်းရှိ လူတိုင်းသည်
သက်ဆိုင်ရာ ရာထူးကိုယ်စီဖြင့် အလုပ်ရှုပ်နေလျက် ရှိကြသည်။ တရားခံ မတွေ့မချင်း
မနားရ ဘုရင့်အမိန့် ထုတ်ပြန်ပြီးသကာလ
တွင် နားနားနေနေ မနေရပဲ ခေါင်းခြောက်
သည် အထိ ထိုလုပ်ကြံသူ တရားခံကို
ဖမ်းဆီးနိုင်ဖို့အရေး သူတို့ ကြိုးပမ်းနေကြ
ရဆဲ ဖြစ်သည်။ ယနေ့ တရားရေးရာဌာန
အစည်းအဝေးခန်းထဲ၌ ဝန်ကြီးချုပ် Ryder
Henry Vincent ၊ အမှုအခင်းစစ်ဆေးရေး
ခေါင်းဆောင် Leo ပါ အပါအဝင် ကျန်သည့်
အဖွဲ့ဝင် ၆ ယောက် ရှိ‌‌ေလသည်။

    Leo က မတ်တပ်ရပ်အနေအထားဖြင့်

" နောက်ဆုံးတော့ ကျွန်တော်တို့
   အမှုအခင်းစစ်‌ေဆးရေးအဖွဲ့ရဲ့
   နေ့မနား ၊ ညမနား ကြိုးစားအားထုတ်မှုနဲ့
   အချက်အလက် တစ်ခု သိခဲ့ရပါပြီ ..

   အဲ့ဒါကတော့ .. အခု တရားခံဟာ ..
   ကျွန်တော်တို့ လူအများစု ထင်ထားသလို
   အမျိုးသား တစ်ယောက် မဟုတ်နေပဲ
   အမျိုးသမီး တစ်ယောက် ဖြစ်နေတာပါ.."

       အခန်းထဲက လူတွေက ငြိမ်သက်ရင်း
နားထောင်နေကြသည်။ Leo ဟာ စာရွက်
တစ်ရွက်ကို ဝန်ကြီးချုပ် Ryder ရှေ့ချ
ပေးလိုက်ပြီး

" ကျွန်တော်တို့ အမှုအခင်းစစ်‌ေဆး‌ေရး
   အဖွဲ့ဝင် အားလုံးရဲ့အာရုံခံအမြင်စွမ်းရည်
   တွေ စုစည်းပြီး တရားခံခန့်မှန်း‌ချက်ပါ..
  
    တရားခံဟာ အမျိုးသမီး တစ်ယောက်
    ဖြစ်နေရုံသာမ အသက်အရွယ်အားဖြင့်
    လည်း ငယ်ရွယ်နေပါသေးတယ်..
    မှန်းခြေ အသက် ၁၉ ၊ ၂၀ ဝန်းကျင်ပါ ..
    အများကြီး မပြောနိုင်ပေမယ့်
    သာမန်‌‌ေမှာ်ပညာရှင်တစ်ယောက်
    မဟုတ်တာတော့ သေချာပါတယ် ...

    ပံုမှန်သာဆိုရင် ကျွန်တော်တို့ရဲ့စိတ်အာရုံ
    မှာ ဘယ်သူလဲက အစ
    ဘယ်မှာလဲဆိုတာ အဆုံး
    ထင်သာမြင်သာ ရှိနေရမှာ ဆိုပေမယ့် ...
    သူမကိုတော့ အဲ့ဒီလိုမျိုး လုံးဝကြည့်လို့
    မရပါဘူး..
    အခုလိုမျိုး သူမကို စပြီး အနည်းအကျဉ်း
    အာရုံခံလို့ ရတယ် ဆိုတာက ဖြစ်နိုင်ချေ
    ရှိတာကတော့ ..."