Gabriel နန်းတော် ၊ ညစာတည်ခင်းချိန်
ခမ်းနာလှပတဲ့ တော်ဝင်ညစာစားပွဲခုံမှာ
မျက်နှာချင်းဆိုင် ထိုင်နေကြတဲ့ မင်းသမီး
Freen နဲ့ နန်းလျာမင်းသား Eric တို့က
ငြိမ်သက်နေကြပြီး ဘုရင်ကြီးကတော့
သူတို့နှစ်ယောက် အလယ်ကနေ စကား
အစချီလိုက်သည်။
" ဒီကြားထဲ ကိစ္စရေးရာတွေ များနေခဲ့တာနဲ့
မိသားစုညစာ မစားဖြစ်တာ ကြာခဲ့ပြီ ..
ဒီနေ့မှာ နှစ်ယောက်လုံး မပျက်မကွက်
လာခဲ့ပေးတာ ခမည်းတော် ဝမ်းသာပါ
တယ် .."
မင်းသမီး Freen က ခမည်းတော်ဘုရင်
ကြီးကို မဆိုသလောက်အပြုံးနဲ့ ပြန်တုံ့ပြန်
ပေမယ့် နန်းလျာမင်းသား Eric ကတော့ မျက်နှာတည်ေလးနဲ့သာ တိတ်ဆိတ်နေ
သည်။
နောက်တော့ သားအဖ သုံးယောက်
ညစာ အတူစားနေကြရင်း
" ဪ.. သားတော် Eric ..
လက်ရှိ သားတော် ဦးေဆာင်ထားတဲ့
ကုန်သွယ်ရေးဘက်က တိုးတက်မှုတွေ
ရှိလာတယ်လို့ ခမည်းတော် ကြားသိထား
ရတယ်နော် .."
" ဟုတ်ပါတယ် .. ခမည်းတော်
သားတော်တစ်ဦးတည်းကြောင့်တော့
မဟုတ်ပါဘူး..
ကုန်သွယ်ရေးဝန်ကြီးက သူ့တာဝန်ကို
တစိုက်မတ်မတ် လုပ်ပေးတာလည်း
ပါပါတယ်..
သားတော် ကတိပေးနိုင်ပါတယ်
မကြာခင် Gabriel တိုင်းပြည်မှာ အခုထက်
ပိုမိုဖြောင့်ဖြူးတဲ့ ကုန်သွယ်ရေးစနစ်ကို
ပိုင်ဆိုင်နိုင်ေတာ့မှာပါ.."
" သားတော်ကို ယုံကြည်ထားပါတယ် "
ဘုရင်ကြီးက ပြုံးရင်း ပြောပြီး Freen
ဘက် လှည့်လာကာ
" ဒါနဲ့ .. သမီးတော်ရော ဒီရက်ပိုင်း ဘာတွေ
လုပ်နေခဲ့သေးလဲ ?..
မနက်ပိုင်းကလည်း အစည်းအဝေးကို
မတတ်ရောက်ခဲ့ဘူးနော်.."
" တောင်းပန်ပါတယ် .. ခမည်းတော်
သမီးတော် မနက်ပိုင်းက နေမကောင်းချင်
သလို ဖြစ်နေတော့ စိတ်ပြေလက်ပျောက်
ဖြစ်အောင် သခင်မလေး Roseanne ဆီ
သွားခဲ့တာပါ "
" ဪ .. သမီးတော်က ဝန်ကြီးချုပ် Ryder
ရဲ့သမီးကို တော်တော်ခင်တွယ်တာပဲ "
YOU ARE READING
The Moon & Her Royal Sun
Fiksi Sejarah" ငါတို့နှစ်ယောက်ရဲ့ တွေ့ဆုံခြင်းဟာ အမှားတစ်ခု ပါလို့ တစ်လောကလုံးက ပြောနေခဲ့ရင်တောင် ဘယ်တော့မှ နောင်တရမှာ မဟုတ်ပါဘူး.." FreenBecky ( GL Fan Fiction )
