وحدي احارب حزني،قلقي،خوفي،كوابيسي،وحدتي،انهياراتي،دموعي،
مرضي،عثراتي كل ما امر به وحدي انا شاكره لنفسي فقط لا احد غيري ذو فضلاً علي💙
كلشي وصلت اله بهاذا عمري وحدي
اتمرض وحدي اضوج وحدي ابجي وحدي ادرس وحدي
مشفت احد من اهلي بأي ضرف من ضروفي جان سند الي
وتر : بقيت ايام بلغرفه ماطلع
عزلت عن العالم كلشي نتها مستقبلي وحاظري
حتى الاكل ميمي توكلني ياه غصب
ماعرف شلون اجازي هاي البنيه من دخلت حياتي صار عندي احد يشاركني همومي وحدتي
اهلي نهو حياتي
ممنوع اطلع الباب
ممنوع تليفون
ممنوع جامعه
كاعده بغرفتي ودخل عليه حسين
سحلني من راسي حسيت راسي كل جزء بي يدك مثل القلب
ونزلني للكراج يريد يذبحني
دفعته
كافي كافي مليت خلص كلبي كافي
شنو انتو من بشر
موتني خلي اخلص
ركضت امي ولمار وحسن وابويه بلكوه خلصوني منه
بيومها طلعت كل الي بكلبي عليهم
وصرخت وعيطت وبجيت نهاريت لدرجه وكعت بعد ما حسيت
صحيت واني بلمستشفى
ورها بقيت من اقل شي افقد
ليل ونهار كتل وذل وحجي محمليني مسؤليه
اني نزلت راسهم كدام الناس
ليش اني شنو ذنبي
مو همه الي دزوني ويه عمي بدون عقد
اصهب حقدت عليه وكرهته
هو اصلا مبين جان عنده غايه من البدايه ما معقوله يغيرها
وينسه ثار والحقد الي بداخله
كل الي سواه ولحجي والتأمل والأوهام حتى يوصل الغايته حتى ياخذ ثاره من عدهم ويكسرهم
ميدري مكسر وما حرك كلب احد غيري
الله لا يوفقك
نزلت دموعي واني اتذكر أخر ايام شلون عاملني وهمني
شلون خلاني ثقيت بي
شلون بنيت احلام او اوهام
ثوله اني ثوله مشايفه احد هيج يعاملني وصدكت بي
نزعت العقد وشمرته
ماريد شي منك
ماريد اي شي يذكرني بيك
دخلت لمار مسحت دموعي
لمار : وتر لشوكت تبقين على هاي الحاله
شوفي شكلج
شوفي عيونج والله حرام جاي سوي انتي
وتر : الله يخليج لمار خليني شتردين اسوي
مشوفيهم شلون محاربيني
كلساع حسين وحسنين يموتوني بأيدهم
شفتي ام دافعت لو اب دافعلي
تعبت مليت
لمار : كتلج احجي ويه اصهب وافهمي منه هو ما تخله عنج
والله اني شفت ابو بعيني اجه علمودج
وتر : لمار الله يخليج لا جيبين اسمه كدامي
الله لا يوفقه الله يعذبه مثل ماعذبني
كلشي صارلي بسببه
وينه صار ايام شفت انواع تعذيب وذل
والطعن بسببه
كافي ماريد احد بيهم
ماريد احد يسوي فضل عليه
الله ياخذني ويخلصني منهم
الله ينتقم منهم كلهم كلهم لمار كلهم.
ما اسامح لا أهل ولا اصهب
بقه جسمي كله يرجف
صار فتره من القهر والكتل والاعصاب
صايره رجفه بجسمي كلش قويه
توصلني مرحله افقد الوعي
وينقلوني للمستشفى
