مشكلة العشرينات من العمر، أنك أصغر من أن تتحمل كل هذا الضغط الهائل من الدنيا وحدك، وأكبر من أن تعود باكيًا إلى والديك.
بعد انهيار دقاق
ومحاوله اقناع
لزمني من كتفي
دفعته بقوه
وتر :_ اياك تلزمني بعد
خليتني بعين اهلي مكسوره
وحرموني من دراستي وشفت انواع العذاب
وجانت مجرد جذبه حتى تدخل بيناتهم وتعرف قاتل اختك مو
اصهب :_ وداعت عيونج غلطانه ماكو شي من هاذا الحجي اني ردتج مره الي وام بيتي
سدت أذاني بأيدي
وتر :_ ماريد اسمع منك شي
عفته ورحت للتخم كعدت حتى اسيطر على رجفه جسمي
دموعي صب ميصير يوم يمر بدون قهر وبجي
كعد على تخم المقابيلي
طلع باكيت الجكاير وعينه عليه ماشالها ابد
مرت ساعات واني على نفس الكعده
صفنه جر صفنه ماعرف شسوي
يعني اني هسه لازم افرح لان بعدني بنيه
بس شيفيد احس كلبي يريد يوكف من القهر
كام من مكانه صب كلاص مي وقدمه الي
اخذته من أيده وركعته بلكاع
صار الكزاز بكل مكان
ابتسم وعافني وراح للحمام
صرت اشيل روحي وركعه من بروده
لفيت روحي بلغطه بقيت اصارع النوم اريد اشرد من الواقع لو ساعات بس اخلص
صبح فزيت على دكت الباب
اريد افتح عيوني ماكدر احس راسي يريد ينفجر
شفت اصهب كام من مكانه لابس بس شورت فتح الباب ويحجي وياها من وره الباب
ساره :_ صباح الخير
امي دكول سوينه ريوك العرسان جيب عروستك
وتعالو تريكو
اصهب :_صباح النور
تمام شويه وننزل
ساره :_بس ستعجلو لان صهيب كعد ماراح يبقي شي
اصهب :_ هههههه تمام
دخل وسد الباب شافني كاعده
صباح الخير
درت وجهي متجاهلته كمت من مكاني شلت شغلاتي رجعتهن مكانهن
باوعت للكاع ماكو الكزاز
لميت بس شغلات الي على الميز خليتهن بثلاجه اخذت ملابس صباحيه وتوجهت للحمام
رحت لميز المرايه ارتب بنفسي
خليت مكياج خفيف رتبت شالي وتوجهت للباب
طلع من الحمام
اصهب :_ لحظه ننزل سوه
جتفت أيدي عيني عليه
راح للميز ترس روحه عطر
رطب أيده وجهى لبس ساعته ومحبسه واجه بتجاهي وكف مقابيلي ويحجي بكل ثقه
اصهب :_ اني وياج بره حياتنه مثاليه الشي الي يصير بلغرفه يبقه بلغرفه
ضحكت بستهزاء
وتر :_ تريد تمثل حظرت جنابك
اصهب :_ تحملي منا كم يوم وروح البيتنه وبعد ميحتاج تمثلين
فتحت الباب وعفته وطلعت
نزلنه لكيناهم كلهم ملتمين ساره صارت تهلهل
