في نهاية كُل ليلة
أجد نفسي وحيدة خاوية أشعر بالوجع الناخس الذي يعتصرني كل ما امتلكه يكون ناقص رغباتي ناقصة احتياجاتي ناقصة حتى في استقلالي أشعر بالحبس لا توجد مخارج للنجاة كُلها مختومة
سحلت روحي للفراش
سحبت من الشريط كم حبايه اريد شي يخفف
وجعي... يطفي نار گلبي.... ينسيني كلشي سويته بروحي
خليتهن بحلكي وبلعتهن حتى بدون مي
انسان طاغي... شرس.... صلب.... متوحش
بس رغم صلابت اطباعه وملامحه المتعجرفه
مرت ايام التمست بيهن حنيه ماتنوصف كدرت تحرك بيه مشاعر سنين بقربه ماجنت احس بوجودها
انفتحت الباب جفلت من دخلته
القميص مفتوحه دكمه
شعره مخربط عيونه حمر
انداريت للجهى الثانيه بسرعه ضميت الشريط جوه الجربايه
بخطوات تعبانه راح يم الكنتور كعد ولم رجليه الصدره
باوع عليه بنظرات قرف
حسين :_ تدرين لعبانه نفسي منج حالج حال بنات الليل انتي يمي كل هاي سنين وگلبج يمه
بادلته بنظرات مستفزه مرسومه ببتسامه خبيثه
لمار :_ يعني انته هسه هم لازم افهمها
تعتبر ابن لليل لان انته يمي وگلبك يمها
لو اكول جانت ماضي وماكدر احاسبك عليها
حسين :_ بس اني ماضميت عليج تدرين بيه احبها من اول يوم عرفتيني بي
ماخنتج جان كلشي كدامج
علت نبرت صوتي بقهر
لمار :_ ولا اني خنتك سنين رغم الطيحان الحظ العشته وياك بس ماخنتك
لهيب ماضي وانتهى من يوم الصرت بي على ذمتك
مو بت هناء التخون خليها بالك سمعت لو لا
بس سمع اسمه ثانيه نشاليت من رگبتي
طلعت روحي حسيت النفس بعد ميدخل ريتي عيوني طلعت من مكانها..
صرت ارفس بأيدي ورجلي شمرني بلكاع
صرت اكح بهستريه
نزل بمستوايا وسحب شعري بقوه ويحجي من بين سنونه
حسين :_والخلقج اجيبين اسمه على السانج مره ثانيه احشه الج وشمره للجلاب بت الكلب
حسيت على راشدي وش اذني
دفعته بقوه وتراجعت للحايط
لمار :_ يعني هسه اسمه غثك؟
عليت صوتي بعصبيه وجسمي كله يعرش
لك سنين واني يوميه لازم اتعطرلك بعطرها
سنين وانته تصيحلي بأسمها
سنين تتخيلها بيها
تحسبني ماعندي حساس ماعندي كرامه ماعندي شخصيه
كمت من مكاني ورحت عليه بنفسي
لمار :_ من شفتك بنفس الموقف العيشتني بي سنين
اموت هسه واني مرتاحه والله اموت واني مرتاحه
لان ربك ما يضرب بحجار
قرب وجهى الوجهي ويضحك بستهزاء
حسين :_ ههههههه تموتين هههههه
والله لا اخليج تتمنين الموت وماتلكي وداعت عيونج الحلوه
شمرني بلكاع وطلع من الغرفه
دخلت لكيتها فاصله عن العالم
احجي وياها ندهتها اكثر من مره ياله صحصحت
فزت مخترعه
