أتحدثُ معه بطلاقة على الرغمِ
من إن الصمتُ فطرة بي
أطمئن معِه رغم خوّفي
أشاركهُ كل شيءٍ
في حياتي وأنا لا اُحِب
أن يشاركني أحد أي شيء
يخصني
حينما أكون برفقتهِ
يجعلُني شخصٌ آخر
شخص سعيداً وثرثار ومتوهج
وحياتهُ مليئة بالألوان
وهذا ما يدفعُني أن أحبّه أكثر
في كل مرة💙
راسي بحظنه يسحب بشعري ويلعب بي لطريقه كل وجع راسي راح بس النعاس صار يحتل عيوني
سحب أيدي الي بيها الحلقه
طبع بوسه بحنيه وياها نفس قوي
صهيب :_ اموت عليج
ام راس اليابس مرمرتيني الله يمرمرج
باوعت لعيونه تلمع فرح
ساره :_ شبيك مامصدك وحده قابله بيك
صهيب :_ ي والله مامصدك
كظيت عمري واني اتخيل هاذا اليوم
سنين واني اكول هم يجي يوم وتحس بيه وانتي لا حساس ولا ضمير
ساره :_ اني احس بجوع بلنعاس بس بغير شي ماعندي حساس عذرني
اخذ ينفش بشعري ويدغدغ بيه
ضحكت بصوت عالي
صهيب :_ شتعلو عمامج بطلي ضحكه الحبابات هاي لا افكس عيونج
كمت عليه بعصبيه
ساره :_ عوزها والله اكسر ايدك
صهيب :_ انتي هواي مسوفله يرادلج ضب
باوعت عليه اتصنع ازعل
ساره :_ يطيك كلبك
صهيب :_ تنكص ايدي قبل لا امدها عليج لو أذي شعره منج
دمعت عيوني واحجي بحركه وزعل
ساره :_ لعد شلون اطاك كلبك
كلبي يحترك
ودموعي على خدي يومين وفوكاها تاخذني اني اختار هديه..
عدل كعدته سحب ايدي الحظنه
صهيب :_ تحملت غصبن عليه حتى ماتسرع واخسرج
بس من شفت اشاره منج حتلو بسيطه بعد ماتحملت
سويت هجوم
ندكت الباب
طفرت وكفت بخوف افتر بلغرفه
والطم على وجهي
صهيب :_ شبيج حبيبي
ساره :_ رحنه بيها اكيد هاي امي
سحبته من أيده وصلت بي للكنتور
ادخل بلكنتور
صهيب :_ قابل جاي نسوي كل عقلج واذا شافونه شنو اول مره ادخل غرفتج
ساره :_ ي عيني نكلهم نلعب ختيلان وقفلنه الغرفه
والله يالله
حباب بداعتي ادخل للكنتور بس شويه
بقيت الح واتوسل ياله اقتنع
فتحت الباب وجسمي كله يرجف خايفه احد سمعنه
فتحت الباب
دفعته ودخلت
وتر : _شنو نايمه وكعت رجلي
عبالي صار عليج شي
الفرح والضحكه بعدهي محتله كل ملامح وجهي
ساره :_ حبيبي لا مابيه شي جنت لابسه سماعات
وتر :_ شلون صرتي
ساره :_ الحمدلله زينه
شلونه جان الموعد الغرامي
