جعلتني شخصًا إرتيابي، أنا الذي كنت أصدق الكلمة من المرة الأولى.
جالسه على مقعد عقد القران
جسم يرعش من شدت الخوف
دموع تسيل من الخذلان
قلب موجوع من كل الاشخاص الي بحياتي
دموعي مراضيه تتوقف
خالاتي وكرايب خالتي كلهم موجودين
كلها عيونهم عليه
لمار *وتر كافي شبيج اصهب شكال والله يجي هو وعدج
وتر*وينه بعد دقايق العقد مالتي
ايام يوميه يجيب ناس واهلي مارضو بهاي الدقايق شنو ممكن يغير
لمار شتحجين انتي الله يخليج هيه هاي جانت وحده من غاياته
بيت عمي راحو للبصره انتها كلشي هل مره
لج وثقت بي للمره الثالثه بدون عقل اني ثوله وغبيه
اول مره صدكت بي ورحت وياه وشفتي صار
ثاني مره وثقت بي وهم شفتي اني وين
رجعت لهلي قبل عقدي بساعات
وهسه وثقت بي وزلم تارسه البيت
لج لو كايل ماريدج جان ماقبلت بياسر لو يموتوني
تقدمت شام علينه واحنى نحجي بهمس
شام* وتر شنو هاي العياره فضحتينه كدام الناس شنو راح يكولون علينه جابريج
مو انتي وافقتي
لمار* عادي اصير خايفه ومتوتره
كومي وتر اعدل مكياجج وارتبج
وتر *رحت للحمام اني ولمار
لمار راح اصعد الغرفتي شنو يسون بيه خلي يسون
ومازوج ياسر
والله الموت ارحم الي من اخذ ياسر ويذلوني بيت خالتي
والج اول كلمه راح يكولوها اني عايبه وابنه ستر عليج
لمار *وتر لا تتخبلين والله حسين يذبحج كدام الناس
ولج وتر تعاي لا تفضحين نفسج
وتر*صعدت الغرفتي
افتر بلغرفه فراغ بعقلي ماعرف شسوي
احس من كثر ماجسمي يرجف خوف وخذلان وقهر بعد ماعندي طاقه حتى
اوكف على رجلي
شلعت الماشات الي بشعري شمرتهن
فتحت سحاب الفستان اريد نفس احس شبه معدوم
واكفه مقابيل لمرايه اباوع على وجهي شلون تعبان والحزن مالي
وذكر قبل العقد بيوم من جنت بلبصره شلون تغير شكلي
كلشي صارلي بسبب اصهب بس وقتها جان الفرح تارس كلبي
هسه احس حتى كلبي موجوع ماريده ياربي ماريده
وينك ليش هيج سويت بيه ليش كل مره تكسرني شنو سويتلك اصهب شنو سويت
طلعت تليفوني بلكوه كدرت اسيطر على رجفت أيدي
اتصلت بي اكثر من مره ماجاوب
ركعت تليفون بلحايط حقير كلب الله لا يوفقك
نهاريت
اسمع حس لمار من وره الباب دك بلباب على كيف
لمار *وتر الله يخليج فتحي الباب الشيخ طلبج وانتي ماكو وحسين كَلب دنيا
كتلهم تعدل فستانه
الله عليج اطلعي لا توجعين كلبي عليج والله مراح يرحمج
وتر* ضعفت لدرجه الشيطان لعب بعقلي
مصار بعيني غير انتحر
اي اي اذا انتحرت اموت وخلص اكو رب رحيم راح يسامحني
ربي يعلم بصارلي صار سنين اعاني ومحد بحالي
بعد ماعندي طاقه اتحمل اكثر
وكفت على حيلي ادور بغراضي كلشي يصير كدامي اشمره بلكاع
صرت اسمع اصوات تتعالى بلبيت بس هلكد مخايفه من حسين احس بس صوته بأذني
