لن أنساها ،تلك الليلة التي كبرت فيها عمراً فوق عمري ونضجت فيها من شدة ما كان آذاها عميقاً .
كل وحش داخل انسان كان
بسبب خيبه من اقرب الناس
بسبب غدر بسبب ضلم
بسبب اجبار على شي مامتقبله
بسبب صدمه وخساره اعز الناس
كلشي يصير فوق بعض راح يسوي عقد نفسيه وجسديه تخلي الانسان يصير يتصرف فوق المعقول
يصير انسان ضالم متجعرف مؤذي
هواي نصادف اشخاص بحياتنه من هاي الفئه واحنى كأنسان نبتعد خوفآ على نفسنا دائمآ نبني جدار بينهم
كل ميتقربون متر نبعد الف
وهاي الفئه موجوده بأقرب الناس النه ممكن يكون اب او اخ او زوج او اخت مو شرط بس الصله البعيده
تكون علاقتنه بيهم بعيده منكدر نتقرب منهم بسبب تصرفاتهم
لو نجي نتقرب منهم قرب حقيقي
راح نشوف الطفل الي محتاج احد يكون قريب منه يحبه يعطف عليه
يساعده يغير من نفسه
وراح ندخل بشخصيه من هاي الفئه عن طريق حسين تاجر المخدرات المدمن صاحب التصرفات الحقيره الي تعرفنه عليه بدايه القصه
طلعت من غرفت وتر واني نار كبره مشتعله بصدري كل ذره بجسمي ترجف فاقده اعصابي لدرجة
جربت احساس المجرم الي يخطط الجريمته
تفكيري كل ثانيه يزرع مشهد جديد
لو اعرف اخسر كلشي ثار امي اخذه من عيونهم
تقدم عليه يريد يسندني
صيحت بصوت عالي :_ اياك طخني اياك
ابتعد ويباوع عليه بنظرات شفقه
دخلت غرفتي
لا هاي موغرفه هاذا سجني كابوسي دخلته الحياتي والحياة امي
تمشيت عليه واني احس گلبي ينهش بصدري
يريد يطلع من مكانه
تقرب عليه كلش جنت ابجي ومنهاره احس دموعي تحفر بخدي من حرارته
لميت أيدي وضربته على صدره بثنين أيدي كل قوتي
صحت بصوت عالي... اكرهكككك .. اكرهكككك
عار جبان كلشي صار بسببك لان انته جبان دومك ضيع حق المضلوم بخوفك
لك شلون اطاك كلبك تضيع حق ذهب شلون
وين حبك وين
سنين دمرتني سنين تتخيلها بيه سنين تسوي سناريوهات ودرامه وانته تعرف منو كتله وعايش وياه شلون كلي شلون
حاول يلزمني حتى يسيطر عليه بأي طريقه بس اضافري جانت سلاحي
كل ميلزمني اهجم عليه
كلشي قريب عليه على الميز شمرته عليه
بقه حاير شلون يهديني
راح للكنتور طلع جنطه جبيره وصار يلم بيها غراضنه
ركضت عليه سحبتها من عنده وطشرتهن ترست الكاع بيهن
باوع عليه بتوسلت ويحجي
حسين :_ خلي نطلع من البيت وتردي يصير
ضحكت بستهزاء من بين ادموعي
لمار :_ على جثتي اطلع من البيت واني ماماخذه حقي
حسين :_ حقج محفوظ تاخذي من عيوني
تقربت كلش منه عيني بعينه
لمار :_ وينك صار سنين ماطلعت حق ذهب لو بس تعرف تنوح عليه
هسه تريد طلع حق لمار
ماريد شي منك اني اخذ حقي بنفسي
