"دائمًا كُنت وحدي في مُواجهة الخَوف والألم والإرتباك، والحُزن والصَدمة والمَرض والخَيبة والإنكسار، في كُلّ تِلك الأشياء، كنت وَحدي."
احظر بلعشه ومخبوصه الولد على جيه
وهيه كاعده على ميز الطعام ضاربه صفنه من نص ساعه اجيت عليها ندهتها
اكول ست على هاي صفنتج توصلين البغداد
باوعت وصفنت بوجهى هم
يبوو راح تجلطني هلكد ماتصفن
حجت فهاوه
لمار :_ بس من البصره لبغداد مو نص ساعه
لطمت على رجلي
ساره :_ اكول خيه شاربه شي
لمار :_ لا
ساره :_ مبين
رجعت للطباخ نص البيتنجان محترك شلته من الطاوه وذبيته لان محد ياكله هيج
ورجعت للثلاجه طلعت جديده بسرعه كشرته ورجعت اكلي
حبيت افتح حديث احسن من الهدوء راح يصير بيه توحد
ساره :_ اكول لمار
لمار :_ ممم
الحمدلله وشكر حتى ها مدكول
ساره :_ انتي شنو حياتج
ضحكت بستهزاء
لمار :_ حياتي ليش هيه بقت حياة
ساره :_ ليش يمه شناقصج ايد رجل عين
ليش متحمدين الله وشكري
حجيت وياها بحده شويه
كامت من مكانها تريد تطلع من المطبخ لزمتها من أيدها
لمار :_ من تمرين بلعشته تعاي تفلسفي عليه حبابه تره مالي خلك
سحبتها من أيدها كعدتها مكانها
ساره :_كعدي نحجي ليش شردين
لمار :_ شبيج ليش تحجين وياي هيج
ساره :_ حتى تصحين على نفسج كافي محد راح يخلص عمره هدر غيرج
محد راح تروح صحته غيرج
عبالج الهموم والمشاكل تنحل بلنوم وبلصفنات لا حبيبتي اصحي
لمار :_ اخسر ليش هو شنو البقالي حتى اخسره
ساره :_ الحمدلله وشكر والله
تره نص الشعب العراقي يتيم واني وحده منهم عاد امج راحت مضلومه ومريضه و انتي شفتي امج وعشتي وياها كبرتي على أيدها شميتي عطرها بجيتي بحظنها ساعديتها من احتاجتج
أزوجتي حتلو جان مو خوش انسان بس ربحتي منه طير من ذهب
عندج اخت تفديج بروحها وتبجي على بجيج عندج اخ ماجابتها امج يحبج ويخاف عليج من الهوه لو جان اخوج من لحمج ودمج ماراح يحبج هيج
والحلو عندج شخص يباوع عليج من زايه البيت ويتحسر على نظره منج
اني ماصير مثلهم وابيع مثاليات براسج واكعد اوسيج
لا اني راح اطكهن الج وحده وحده كافي اصحي على نفسج قبل لا تخسرين حتى هاي النعمه الما حاسه بوجودها
اني جبت عمري وحيده صح خالتي احتضنتني وجانت ام الي بس هيه هم عدها بيت وجهال ومسؤليات ودوامات
حياتي ومشاكلي كلها عشتها وحدي
اني ماذكر حتى ملامح امي ما شفت حنيتها ماذكر شي من ابويه
ضحكت بستهزاء ولج حتى السنين يركض ورايه ويبيع حب براسي هم بس حبيته طفر واستجلب عليه
هم اكعد انوح وخلصها نوم وبجي
لا حبيبتي بجيت يوم ورجعت الحياتي كملت متحاناتي وطلعت من الاوائل
وهاذا هو كدامي حتلو انقهر ساعه بس مستحيل اضعف الحياة متوكف على شي
