الكأس لا يمتلئ من نقطة ، والانسان لا يغضب من كلمة ، كل القصة تراكمات
بعد فره ساعات ببغداد
يضيع السياره الوراه تراقبه
مجنت خايفه ابد ولا همني منو ورانه
شيصير خلي يصير بعد ماعندي شي اخسره
حسيت عليه يندهني واني غاطه بنومتي
فتحت عيوني واشوف وجهى بوجهي
طابك النونه واجهى مغضب
حسين :_ كعدي وصلنه
باوعت مقابيلي اريد اركز وين وصلنه جانت السياره واكفه مقابيل مستشفى اهليه
فتحلي الباب وراح بتجاه المستشفى
حاولت اكوم بس ماكدرت
شفته جاي بتجاهي وجايب كرسي متحرك
بدون ميحجي تقدم عليه وشالني للكرسي
دخلنه للمستشفى بعد فحوصات وتحاليل
لازم ادخل للعمليات يسويلي كرداش لان اكو بقايه مال ولاده وصاير عندي تضرر وتضخم
و فقر دم حاد
وحتمال كبير بسبب النزف يشيلون رحم
كل هاذا اسمعه ولا كانو هاي روحي راح يصير بيها كل هاذا
كل مشاعر خوف مجان عندي
هو كل ميحجون يباوع عليه كانو ينتظر رده فعل مني بس اني وقتها جنت بغير عالم
طلب منهم يجهزولي غرفه ارتاح بيها لحد ميدخلوني للعمليات باجر الصبح
تمشينه للغرفه هو ساندني
دخلني نومني على سرير
اجتي ورانه الممرضه شكلتلي كانونه ومغذيات وابر ومسكنات
هو متفرج ابد مانطق ولا كلمه بس عيونه جانت تشرح خوف شفقه غضب كره كل ساع اله نظره مختلفه
كعد على الكرسي المقابيلي وتأملني
ونطق وهو يذب حسره بكد الدنيا
حسين :_ كسريتني مثل كسرت هلي
ارتاح عنادج هسه
وجعني كلبي وعيوني نترست دموع
واني احس عطرها لهسه بخشمي
لمار :_ تره الخسرته جان قطعه من روحي
وبسببك وبسبب اهلك
علت نبرت حسي برجفه
ادعي ماطلع من العمليات لان الثار صار ثارين
اخذها من عيونكم وحق كل حرف بلقران
هز راسه وهو يطلع باكيت جكاير من جاكيت
حسين :_ تمام يصير خير
صرت انام واكعد واليوم ماخلصان
كلبي يوجعني بس دموعي تواسيني
اليوم الثالث على فراك بنيتي
عطرها وشكلها بشرتها الناعمه مافاركت عقلي ولا ثانيه
ماكافي فراك امي الخلص كلبي وكبرني سنين
كمت من مكاني محد بلغرفه
صرت استند على كلشي يصير كدامي اخذت ملابس حتى اروح للحمام ملابسي كلها مدمره
واني انزع بلملابس جلبت الكانونه
شاغت روحي حسيتها دخلت بلعظم
شلتها من أيدي واني اشوف الدم ينفر بغزاره
مو فقر دم عندي هاذا منين
خليت أيدي بلمغسله وفاتحه المي اريد بس يتوقف الدم
عبالك لكيت سبب اطلع الحسره البداخلي
صرت ابجي بهستريه لحد ما حسيت روحي خرطت وكعت بلكاع
ماسيطرت على رجفت جسمي والدوخه
انفتحت الباب واني اشوفه داخل عليه بخوف من شاف الدم تارس حتى ملابسي
صار يصيح على الممرضه الجايه وياه بكل عصبيه
