يعتقد الناس أنهم سيكونون سعداء إن ذهبوا لمكان آخر، لكن هذا لا يحدث، فأينما ذهبت ستأخذ نفسك معك.
انفتحت الباب توجهت عيونه للباب برتباك
دخل اصهب مستغرب
يباوع بلوجوه لان واكفين والباب مسدود
ارتبكت جسمي كله صار يرجف خفت يفهمني غلط
مشيت خطوات حتى الحك افهمه وميصير سوو تفاهم
وار :_ اصهب
اصهب :_جنت ادور عليج
لهيب :_ ها خويه ها بديت دور وراها
عفيه وتر لا توخرين من كدامي اختنك
تره البنيه جانت تسئلني على الجامعات الي بلبصره
وكف كدامي وماخلاني اجاوب
لهيب يحجي وياه هو عينه عليه
اندار عليه خزره
اصهب : لا تصير سفيه اكبر شويه
تقدم وكف كدامي
شبيها عيونج
لهيب يباوع عليه ويرفع بحاجبه ميريد احجي مافهمت ليش
كلت يجوز غير رئيه من سمع مني
وتر :_ من الصخونه مابيه شي
اصهب :_ تعاي نتغده واخذج للطبيب العصر
لهيب :_ اخوك مخدرجي واخوك الثاني محلل وامك صيدلانيه ومرتك دكتوره
شنو مو بعينك احنى عائله مع بعضينه واحد يعالج الثاني مندخل غريب بينه
باوع عليه ويهز بيده
اصهب :_ هاذا البارحه كاتلي السكاره ومسوين خيط خبال براسه خاف هو ناقص
عذري مايعرف جاي يسربت
يعني اصهب حتى ماعنده علم بصار البارحه
احس راسي يريد ينفجر حتى تفكير مجاي اكدر افكر
نزلنه من الدرج هو الازم أيدي مثل الطفله
قبل لا نوصل للستقبال
سحبني للحمام وسد الباب
صرت على جهى الباب هو واكف مقابيلي كلش قريب مني
وتر :_ عيب لا تجي عمتي
اصهب :_ مرتي شنو العيب بلموضوع
اخذني للمغسله فتح البوري البارده وصار ياخذ بأيده ويغسل بوجهي
فتح شالي ونزعنياه علكه بتعلاكه
الخجل ماخذ نص حيلي بلكوه تطلع مني الكلمه
وتر :_ مساعه غسلت
تجاهل كلامي رجع اخذ مي غسل ركبتي
بس تحسست أيده ركبتي كزبر جسمي
دخنت من جرائته من ودخل أيده قريب على صدري
دفعت أيده
لم أيدي ثنينهن بأيد وحده
جسمي يرجف مثل السعفه ماعرف من الصخونه لو من قربه يمي
اخذ نفس بقوه هو يباوع بوجهي
اصهب :_ شنو خايفه مني ليش ترجفين
وتر اني بعدني عند وعدي ما راح اتقربلج فديوم ولا المسج بدون أرادتج
واعتذر اذا لمساتي جانت جريئه شويه
بس من تكونين بحاجتني او اني بحاجتج
غصبن عليج نكون قريبين
لان احنى هسه مزوجين امام الله وكدام كل الناس ماكو شي حرام لو عيب بينه
