العَالمُ كُلهُ غَافِلٌ عَنَّا
هيّا .. لِنهرُب !
لا تَجلُبي شَيئًا مَعكِ ..
أَنا حَقِيبَةُ سَفرُكِ
مِشطُكِ .. وَوِشَاحُكِ
وأنتِ :
تَذكِرةُ حُريَتِي مِن هذَا العَالم .
بقيت جامده مكاني
روحي راحت حظنته بس جسمي وعقلي رافض كل العذاب شفته بهاذا شهر كان كفيل يرفضك يا اصهب
نظراته تتوسل
حظنه مفتوح
فرفحت روحي بس ماكدرت اي مكدرت اروح
نزلت دموعي
تقدم خطوات سريعه
جرني كل قوته الحظنه حسيت عضامي تكسرت من قوه الحظنه
بقيت اضرب بي
وخر اصهب وخر مني عوفني ماريدك شعدك هسه جاي
ولا مل ولا تعب بقه حاظني لحظه يشم شعري لحظه يشم ركبتي
همس يم أذني
اصهب : اش اش خلي تنترس ريتي
لا تخلين كسران الوعد يروح بلاش
وتر : لزم وجهي بين كفوف أيده
اصهب : وتري لا تبجين لا تحركين روحي
وتر :وينك صار شهر وين جنت من اني اتعذب يوميه وانهان.
وينك من نتهت حياتي وحلامي
يعني انته تعلمت على كسري
اصهب : والله موجود كل مايعذبج اعذبه اضعاف
لج ماردت اكسرج والله
اكدر اطب بيتكم وطلعج كدام عيونهم وزلمه الي يفتح حلكه
بس ماردت اكسرج مره ثانيه ودكولين
ناس عيرتني لج ردتج طلعين من بيتكم وانتي مرفوع راسج
هاي الايام طلعين مرفوع راسج وغصب على كل خشم
وتر :دفعته حيل
اصهب لا تضحك على عقلي
مو انته نفسك الي اطيت خبر الأهلي حتى يدرون احنى معاقدين حتى تكسر عينهم
مو انته نفسك الي اجيت بلمنطقه وتكاتلت ويه خواني وشهرتني كدام ناس
مو انته نفسك الي دزيت عمي حتى ينهي كلشي
ورجعت للبصره
شنو جابك هسه حتى تكمل انتقامك
الله يخليك اذا عندك انتقام من احد روح اخذه منه لا تجي عليه كافي البيه
والله اكتل روحي واخليك شيل خطيتي
كافي خوش كافي
بقه متفاجئ بالي حجيته
يباوع عليه بنضره مفاهم شي
وتر: جاي تحجين انتي منيلج هاذا الكلام
جسمي كله يرجف
عدلت شالي ومشيت خطوات حتى اطلع
سحبني من أيدي
وين رايحه وتر خلي افهمج تعاي
دفعت أيده.
وخر اصهب مابينه حجي كلشي نتهى
سحبني من أيدي وكعدني على تخم
اصهب : مترحين اذا متفهميني منيلج هاذا الحجي
عار على زلم اذا اكو شغله وحده من الحجيتي
بس صح تكاتلت ويه العارات خوانج لان اخذوج من بيتي واني ماموجود
لو زلم جان واجهوني وحاسبوني الي ويدرون بيومها جان عقدنه
بس همه هيج رادو يصير
وداعت عيونج بقيت سبوع ماخليت شي مسويته
حتى فكرت اخطفج ونزوج وشيصير خلي يصير وما تتأذه شعره منج
