كلشي تسوي بحياتك انطي
فرصة ثانية اذا رحت مكان
ومعجبك روحلة مرة ثانية
حتى تتأكد مراح دخلة بعد
ابداً واذا اكلت اكلة ومعجبتك
جربها مرة ثانية علمود عمرك
متفكر تضوكها بعد
الناس استنزف وياهم كل
الفرص الي ممكن يكونون بيها
زينين وياك لحد ما يخيبون
ضنك فعلاً الفرصة الثانية راح
تنهي اي تعاطف او حنين او
شك انك ممكن تكون حكمت
غلط بالمرة الاولى الفرصة الثانية
تخليك تاخذ قرار اي باب ميناسبك
وانت مرتاح الضمير وتتأكد
بوقتها انت مضالم احد💙
رغم كل سواه بيه حسين لسنين جان شي بداخلي حاب يساعده
مثل ماحبيت اساعد اصهب واوكف وياه
وكفت بصدمه وامسح بعيوني بعشوائيه
جسمي يرجف من السمعته
باوعت بعيونه بشك خوف ماردت يطلع مجرم ابد ماعرف ليش
لمار :_ لا دكول انته حركتها
لزمته من القميص والزم بوجهى مثل الطفل الي تريد تستجوبه بعطف ابتسمتله من بين دموعي
لمار :_ انته ما حركتها موو
منهار لدرجه هسه صار كل هاذا مو من سنين
حسين :_ لا لا والخلقج مو اني اصلا ما شفتها ماشفتها ابد من قبل الحادث بيومين
جان عندي شغل وماشفتها
راحت واني بعمري ما تأخرت يوم على شوفتها
ولا خلوني المحها اخذوها من كدام عيني
حرموني منها
كلها جانت ضدنه اهلي واهلها
وكملها الموت واخذها مني
لج من طهارتها وضعفها صعدت للصطح وحركت روحها حتى تنظف شرفها بنفسها
باقيه ساعات وهيه تصارع الموت والعار مكابلها واكعد يبجي.
بعدني لازمه بلقميص واحجي بهدوء
لمار :_ لعد ليش سكتت اذا مو انته
شلون انطاك گلبك ما طلعت حقها
ابتعد مني وفرك راسه
يفتر بنفس المكان
باوع عليه بغصه ويحجي
حسين :_ بلغت على حسن من اول يوم قبل لا يبلغ عمي عليه
بس الطامه الكبره حسن مبلغ ابويه
وابويه عشتو يريد يساعد ابنه شامريها بلتانكي وهيه عايشه
تخليلي لو مساعديها
والله جان قبلت بيها بكل ضروفها
والله اقبل بس همه ما رحموها ولا رحموني
لج كسروني بزغري وكسروني بشبابي اخذو روحي مو اخذو ذهب..
جانت سنسال گلبي وريتي اخذت حتى نفسي وياها
حرمت على روحي انام واني بوعي خاف تروح من بالي وعقلي يشتغل بغير شي
لان من اشرب اذكرها بكل ثانيه
صاحب اكبر ملهى بغداد
بس وحق ربج مافديوم دنت نفسي على غيرها ولا طخت أيدي أيد غيرها وغيرج
والله كل سويته بيج مو كره لا شاهد الله بس جنت خايف احبج وتاخذين مكانها
احس سجاجين تدخل بگلبي بحجيه
مهمه يكون اني مرته
الغصه صارت تجرح بلعومي من كلامه ومناشغه عليها
كعدت على تخم بس دموعي صب
تقدم كعد يم رجلي
سحب ايدي باسها بشوغه
حسين :_ادري قهرتج بحجي
وادري دمرت حياتج من سنين
بس وحق ربج
وروح ترابها الطاهر حبيتج يا لمار من گلبي احسج لب الگلب
احس الشي الوحيد النظيف بحياتي
بس ماكدر ماكدر اطلعها من گلبي ولا من عقلي
