وحدي، دائمًا كنت وحدي في مواجهة الخوف والألم والإرتباك والحزن والصدمة والخيبة والإنكسار، في كل تلك الأشياء التي تنخر الروح، كنت وحدي.
اريد اوكف على حيلي ماكدر
حجيت بصياح :_ خاله فدوه ساعديني راح اموت
ركضت عليه سندتني على حيلي ودخلتني البيتها
ركضت على بوفيه زغيره طلعت منها عبايتها وجواريب
ام وائل :_كومي يمه اخذج للمستشفى
لمار :_ لا لا مستشفى ماروح
ابوس راسج ابوس أيدج خاله انتي ساعديني
ام وائل :_ لا حبيبتي اني ماكدر
احس الوجع ياكل بجسمي كل دفع يجيني احس راح تطلع روحي
فتحت جنطتي وطلعت كلشي بيها من ذهب وفلس خليتهن بحظنها
فتحت عيونها عليهن
ام وائل :_لا يمه لا مو قصه فلوس بس انتي زغيره وبجر واني صار هواي من تقاعدت
لازم ترحين مستشفى حتى يداروج كلشي يصير
مسؤليه عليه
لمار :_ فدوه خاله ماريد اروح للمستشفى ابوس ايدج انتي ساعديني شيصير عليه خلي يصير اني اتحمل المسؤليه
صفنت بوجهي وحجت بخوف
ام وائل :_ يمه انتي احد ضاحك عليج
طلعتلها العقد مالتي
لمار :_ لا خاله لا
اني تربيه هناء هاذا عقد زواجي شوفي بعينج
والله مزوجه وهاذا مو البجر
بجري مات قبل كم سنه
ام وائل :_ زين زوجج وين خابري يجي عوفو الزعل على صفحه انتي هسه بحاجته
صرت اصرخ من الوجع ولازمه بطني اخاف اوكف وينزل الجاهل
ركضت مدتلي فراش وفحصتني
ام وائل :_ مقربه ان شاء الله
بس عندج تقلصات يمه كلش قويه
بقت تقنع بي اروح للمستشفى واني الوجع ماكلني ماشفت روحي اله واني احجيلها كل قصتي
لان ماعندي حل ثاني خاف اروح للمستشفى ويلكوني وياخذون بنتي
ماشوف بس دموعها وياي صب وتواسي بيه
ام وائل :_ يمه اجيبج اني بس شلون الطفل ماراح يطلعله بيان
لمار :_ عادي مو مشكله المهم ساعديني
اطتني بطانيه وشغلتلي الصوبه
وركضت سوتلي شراب الخروع
ادور بغراضها طلعت ملابس قديمه وجابت جدر بي مي حار وحظرت ادواتها بس جان عدها نقص
ام وائل :_ حبيبه اني لازم اطلع للصيدليه محتاجه هواي شغلات ابر وعلاج ومغذي وخيط كلشي يصير
خطيه اباوع عليه خاتله بلبوفيه وتحسب بفلوسه مبين ماعدها
سحبت جنطتي وطلعتلها فلوس وصحت الها
لمار :_ خاله تكدرين تجيني
اجتي بسرعه عليه
ام وائل :_ ها خاله محتاجه شي
شلت الفلوس وخليتهن بجيبها
