وتر : ابجي بكل حركه الكلب سوه عملته وستشرف براسي ميدري لو اكول الهم اخليهم يدفنو الحقير الله لا يوفقك
ساره : كومي عيني عرسوتنه الخاتون كومي غسلي خلقتج حتى اخذج للصالون
وتر : لزمي حدج احسن ماكوم امسح بيج الكاع
ساره :هم عايبه وهم اخذت زينة شباب وجاي تتنعوص براسي لو ما خالتي صدكي ولا اعبرج اصلا
وتر: طلعي وسدي الباب وراج وكولي الخالتج ماعدنه عروسه خوش ع جنازتي ماصير لهاذا الغول عروسه
عوزها بس ابو شوارب وجها وجه الطاوه
دخل وعيونه تدجدح الغول وصاك ع سنونه
أصهب : ساره طلعي وسدي لباب
ساره : بقهر طالعه طالعه اخذ راحتك
وتر : نسد الباب وتقدم عليه بضحكه مستفزه رجعتني لكل الي صار
شكو شبيك تضحك هيج عبالك تخوفني لو سويلي شي اموتك بيدي والله تقدم كلش عليه بحيث لزكت بجربايه كمت ماتنفس وكلي ارجف لزمني من شعري حسيت شعري نخلع من راسي
أصهب :سمعي لج صيرين حبابه تره اذبحج وذبج للجلاب مو سديت ع عملتج الخاطر ابوج وجاي تستشرفين براسي ونوب السانج بطولج
وتر : هلكد ما توجعت نبتت اضافيري بأدي وخليت وجهي بوجها مستحيل ابين ضعفي انته مخبل مريض نفسي موتني وخلصني منك يسوي السوايه نوب يصير هو المتفضل عليه من كل عقلك والله اكول الهم انته الي سويت بيه هيج تره واكو تقرير ومستشفيات وذبك وره شمس شاورني بأذني
أصهب : دكتورتنه الجميله تره انتي جنتي مخدره تعرفين كم واحد اغتصبج منو يكول اني واحد منهم
اني بس اجتني الفديوهات شفتهم وتندمت ما جربت هاذا الاداء الحلو ان شاء الله اجربه من نزوج
وتر :نزلت دموعي نار شتعلت بصدري الله لا يوفقك مستحيل اتكون ابن عمي واني من لحمك ودمك عار انته واحد عار
كمت املخ بنفسي اجه عمي ومرته وساره بت خالته يدكون بلباب
ابو أصهب : اصهب افتح الباب شنو هاذا الخبال والله اكسر راسك اذا مافتحته
ساره: ساره طلع أصهب بهيبته وطوله كأنو كلشي ماكو عافنه وطلع بدون حتى ميحجي خالي وخالتي شكد حجو ما اندار ع احد
وتر : دخلت بحاله هستريه معقوله هاذا ابن عمي مستحيل اكو احد يكسر عرضه بجيت ولطمت لحد منمت مكاني لليل اجاني عمي
أبو اصهب :حبيبتي بابه لا تخافين اكسر راسه اذا بعد دخل للغرفه مالتج اني وياج مستحيل اخلي احد يمسج واني موجود انتي مكان ذهب لو جانت موجوده صدكي جنت اوكف وياها ما اخلي احد يأذيها
وتر :عمو الله يخليك رجعني لهلي خلي يذبحوني والله اني قابله ماريد اعيش اني مستقبلي كوله دمر على شنو باقيه عايشه
ابو اصهب :صدكيني بنيتي بس تنحل السالفه راح يرجع كلشي الوضعه وراح ترجعين للكليه وصيرين احسن دكتوره
وتر : بقيت كاعده لليل بيت عمي زينين وياي هو ومرته صح اني ماعرفهم زين جنت زغيره من نقتلت ذهب وشالو بس الحنيه شفتها عدهم جانت مصبرتني على كلشي صار الولد مشفت احد منهم لان مجنت اطلع من غرفتي بسبب الصار مالي عين يجوز ولدهم مثل اخوني هم عبالهم الي سوه بيه هيج حبيبي الي خترعو من راسهم.
لليل اني ماماكله شي وراسي احسه يريد ينفجر
طلعت امشي ع طراف اصابعي حتى محد يشوفني
وصلت للمطبخ ضلمه رحت افتح ثلاجه من ثولي حتى كلوب مشعلت وجان اركع بعامود مدري بشر مدري جني هيه ركعه وهيه عيطه
. ٠٠٠٠٠٠٠٠٠
ساره : لليل مااجه اصهب نار كلبي عليه هاذا حبيب روحي شلون راح يتزوج كدام عيني اني لو معترفتله بحبي مجان اني هسه مرته
والله عليج عقل يا ساره
شبيه اني مخبله هو شوكت حسسني يريدني من اني عمري ٧ سنين عايشه وياهم
حتى مرات انسه همه ولد خالتي
شلت تليفوني دكيت عليه اكثر من ٥ مرات مجاوبني
وتر :نسد حلكي كمت ارافس وضلمه كلش خرب حظي الخ.. الخردلي هسه اصهب يخلص عليه كلي متوصلين باب غرفتج رحتي بيها يا وتر
تصويت تعليقات حلوه وشتراك حتى اكمل
