ماسیگرە پیرەکە لە کەنارەکە وەستا و جگەرەیەکی داگیرساند، ڕێگایی بەرەو ماڵەوە گرتبوو و ئێدواردی لەسەر شانی چەپی دانابوو وەک پاڵەوانێک، لەکاتی ڕۆیشتن بە دەنگێکی نزم و نەرم قسەی بۆ ئێدوارد دەکرد، تۆ حەزت لە نێلی دەبێت بەدڵنیاییەوە،
ئەو خەم و پەژارەی خۆی هەیە بەڵام ئافرەتێکی تەواو باشە.ئێدوارد سەیری ئەو شارۆچکە بچووکەی دەکرد کە بە نیوەڕۆ داپۆشرابوو، خانووەکان کە بەیەکەوە کۆبوونەتەوە و زەریاکەش کە لەبەردەمیان درێژ بۆتەوە، ئێدوارد پێی وابوو حەزی لەهەرشوێنێک و هەرکەسێکە تەنیا بنی دەریاکە نەبێ، "سڵاو لۆڕێنس" ژنێک لە بەردەم دووکانێکەوە ماسیگرەکەی بانگ کرد، چیت دەست کەوتووە؟ ژنەکە پرسیاری کرد "کەروێشکێکی تازە لە دەریاوە"، ماسیگرەکە وتی، کڵاوەکەی بۆ خانمەکە بەرز کردەوە و بەردەوام بوو لە ڕۆیشتن.
ئێستا لەماڵەوەین، ماسیگرەکە وتی و جگەرەکەی لە دەمی دەرهێنا، بە جگەرەکەی ئاماژەی بە ئاسمانە وەنەوشەییەکە کرد و وتی لەوێ ئەستێرەی باکوور هەیە هەرگیز وون نابێت و هەمیشە دەدرەوشێتەوە، پاشان ماسیگرەکە چوو بۆ ناو خانوێکی سەوزی بچووکەوە، سەیری ئێرە بکە نێلی شتێکم لە دەریاوە بۆت هێناوە، ماسیگرەکە وتی، "هیچ شتێکم لە دەریاوە ناوێت"، دەنگێک وتی،
بەمشێوەیە مەبە نێل وەرە و بیبینە، پاش کەمێک ئافرەتێکی پیر لە چێشتخانەکە هاتە دەرەوە و قۆریەکی لەدەست بوو کە ئێدواردی بینی بەخێرایی قۆریەکەی لەسەر مێزەکە دانا، ئای لۆڕێنس تۆ کەروێشکێکت بۆ هێناوم، خانمە پیرەکە بەدڵخۆشی وتی، ماسیگرەکە کەروێشکەکەی لەسەر شانی دابەزاند و دای بە نێلی،نێلی بەهەردوو دەستی کەروێشکەکەی گرت و لە سەرەوە تاخوارەوە سەیری کرد، ئایا لە ژیانتدا شتێکی وا جوانت دیوە؟ خانمە پیرەکە وتی و زەردەخەنەیەکی کرد،
ئـەو زۆر جوانـە'نێلی بـە دڵخۆشی
هــەناسەیەکی دایــــــــــــــــــــەوەئێدوارد یەکسەر هەستی کرد نێلی ژنێکی زۆر تێگەیشتوو و جوانە، ئایە پێویستە چ ناوێکی لێبنێم؟ "سوزانا؟ "بەڵێ ئەوە باشە" ماسیگرەکە وتی،
"سوزانا" نێلی وتی و بە قووڵی
سەیری چاوەکانی ئێدواردی کرد،
پێم وایە سوزانا سەرەتا پێویستی بە
هەندێک جلوبەرگە، وانییە؟"
____
.
.
.
.
.
YOU ARE READING
ᴇᴅᴡᴀʀᴅ ᴛᴜʟᴀɴᴇ
Fantasíaئێدوارد تولان، ڪەروێشڪێڪی دڵسارد سەربەرزە، تەنیا خۆی خۆشدەوێت، هەتا لەو ڪچە بچوڪە جیادەبێتەوە ڪە ئەوی خۆشدەوێت وە گەشت دەڪات بە هەموو وڵاتدا، بۆ بەدەست هێنانی خاوەنە نوێڪان و گوێگرتن لە هیواڪان، خەونەڪان. ئەمە ڪتێبێکی خەیاڵییە-ناوەڪان، ڪارەڪتەرەڪان،...