"မေမေ"
မြင်နေရသည့် မေမေ၏ပုံစံကို လှိုင်း အံ့သြထိတ်လန့်စွာမော့ကြည့်နေမိသည်။ပြီးသည်နှင့် သွေးအလိမ်းလိမ်းဖြင့်လဲကျနေသူအား တစ်ချက်စောင်းငဲ့ကြည့်၍ ကုန်းရုန်းထလိုက်မိသည်။
"လူယုတ်မာတွေ ရာရာစစ ငါ့သားလေးကိုများလာထိရဲလို့"
အံကြိတ်ကာကြိမ်းဝါးလာသည့် မေမေ့အသံမှာခက်ထန်မာကျောလှသဖြင့် လှိုင်းပင်ကျောချမ်းမိသည်။
ဓားဖြင့်အကြိမ်ကြိမ်ထိုးခံရ၍ သွေးအိုင်ထဲလဲနေသည့်သူကိုတစ်လှည့်၊မေမေ့ကိုတစ်လှည့် ကြောင်ငေးကြည့်မိသည်။
"မေမေ"
တိုးညှင်းစွာခေါ်လိုက်တော့ လှည့်ကြည့်လာသည့်မေမေ့ရဲ့မျက်ဝန်းတွေက နီရဲလွန်းစွာ။
လှိုင်း ခြေလှမ်းတစ်လှမ်းပင်နောက်ဆုတ်သွားရသည်။
ဒီလိုပုံစံနှင့်မေမေ့ကို လှိုင်း တစ်ခါမှမမြင်ဖူးပါ။လှိုင်းကိုဆို ဆူဖို့မပြောနဲ့၊အသံမာမာနဲ့တောင်တစ်ခါမှမပြောဖူး။
သေလောက်အောင်ပင်ပန်းနေရင်တောင် လှိုင်း အပေါ်အမြဲအပြုံးတွေဘဲဖောဖောသီသီပေးတတ်သူ။ယောက်ကျားဖြစ်သူနဲ့ရန်ဖြစ်စကားများနေရင်တောင် လှိုင်းကိုမြင်ရင် ချက်ချင်းပြုံးပြတတ်သူ။စိတ်ဆင်းရဲမှုတစ်စိုးတစ်စိကိုမျှ လှိုင်းအပေါ်မကူးစက်စေချင်သလို လှိုင်းကိုအချစ်ဆုံးသူလို့ဆိုရင်လည်း လုံးဝမလွဲမှားတဲ့အမှန်တစ်ရား။
လှိုင်းအမြင်မှာတော့ မေမေဟာအကြင်နာတတ်ဆုံးလူသား။အသည်းခံတတ်ဆုံးလူသား။အေးချမ်းတဲ့အပြုံးနဲ့အလှဆုံးလူသား။
အခု မေမေက လူတစ်ယောက်ကိုမျက်တောင်တစ်ချက်တောင်မခတ်ဘဲသတ်လိုက်တာလား။
လှိုင်း ကြောင်ငေးနေရင်းမှ အံစေးနေမိသည်။မေမေလို့ခေါ်ရုံမှလွဲ ဘာစကားမှပြောထွက်မလာ။
"မေမေ"
နောက်တစ်ခါခေါ်လိုက်တော့ မေမေကပြုံးပြလာသည်။မေမေ့ရဲ့မျက်နှာပေါ်မှာလဲ သေသူရဲ့သွေးစက်တွေနဲ့။
မကြာလိုက်...မေမေ့မျက်နှာပြန်တည်သွားပြီး လဲနေသည့်အလောင်းကောင််ရဲ့ဂုတ်ပိုးနားကအင်္ကျီစကိုဆွဲ၍ အိမ်ပေါ်မှဆင်းသွားသည်။
YOU ARE READING
ေမာင့္ စိန္လိႈင္းသြင္
Romanceစိန္ပြင့္ကို ေရာင္စုံျခယ္ ႏွလုံးသားရဲ႕ေတးသြားကိုသီၾကဴးလို႔ ခ်စ္ျခင္းရဲ႕သေဘာတစ္ရားက လွပေၾကာင္း လူေတြလက္ခံလာေအာင္ ေမာင္ တို႔အခ်စ္ေတြနဲ႔အတူ သက္ေသထူရေအာင္....
